Morgunblaðið - 09.08.2017, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 9. ÁGÚST 2017
Renndu við
hjá okkur í
Tangarhöfða 13
Túrbínur
í flestar gerðir bíla
Ódýrari kostur
í varahlutum!
Sími 577 1313
kistufell.com
TANGARHÖFÐA 13
VÉLAVERKSTÆÐIÐ
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Tökur á kvikmyndinni Kona fer í stríð hófust á
dögunum og í gær var kvikmyndað á þakinu á
Hótel Borg. Áætlað er að tökur taki um átta vik-
ur. Benedikt Erlingsson leikstýrir myndinni og
er þetta önnur kvikmyndin sem Benedikt leik-
stýrir. Kvikmyndin Hross í oss var frumraun
Benedikts í leikstjórastólnum og hlaut hann lof
gagnrýnenda fyrir. Framleiðslufyrirtæki frá
Frakklandi og Úkraínu koma að framleiðslunni.
Fjölmennt og mikill búnaður á tökustað
Morgunblaðið/Árni Sæberg
Kona fer í stríð á þakinu á Hótel Borg
Jón Birgir Eiríksson
jbe@mbl.is
Aldrei hafa fleiri bílaleigubifreiðar
verið skráðar hjá Samgöngustofu
en þær voru 26.293 hinn 1. ágúst
síðastliðinn, en frá sama mánaðar-
degi í fyrra fjölgaði í heildina um
4.608. Af skráðum bílaleigubifreið-
um eru 25.748 þeirra í umferð, en
545 hafa bílnúmer sem hafa verið
lögð inn.
Fleiri bæst við en í fyrra
Sem kunnugt er hefur bílaleigu-
bifreiðum fjölgað mjög með fjölgun
ferðamanna hér á landi og hefur
hlutfall þeirra af heildarfjölda öku-
tækja hækkað verulega á síðustu
árum.
Í nýliðnum júlímánuði fjölgaði
skráðum bílaleigubifreiðum um 796,
78 bifreiðum meira en í júlí árið
2016 þegar þeim fjölgaði um 718. Á
haustin endurnýja margar bílaleig-
ur bílaflota sína og skipta þeim út.
Þess sjást skýrlega merki í tölum
Samgöngustofu sem ná aftur til
ársins 2010.
Flestar bifreiðarnar nýjar
Langflestar bifreiðar sem ný-
skráðar eru sem bílaleigubifreiðar
hjá Samgöngustofu eru af nýjustu
árgerð, en fram til gærdagsins hafa
9.466 bifreiðar verið nýskráðar á
þessu ári, flestar þeirra af 2017 ár-
gerð, eða 9.113.
Árið 2016 voru nýskráðar bíla-
leigubifreiðar 8.087, flestar af 2016
árgerð, eða 7.868. Árið 2015 voru
nýskráðar 4.120 bifreiðar, 3.964 af
2015 árgerð. 1.819 bifreiðar voru
nýskráðar árið 2014, 1.738 af 2014
árgerð og 650 árið 2013, 587 frá
sama ári.
Bílaleigubifreiðum fjölgar enn
 Yfir 26 þúsund bifreiðar skráðar 1. ágúst  Fjölgaði um 796 í júlímánuði  Flestir bílar frá 2017
 Aðeins um 2.400 bifreiðar eldri en fimm ára gamlar  Elsti skráði bílaleigubíllinn er frá árinu 1974
Fjöldi skráðra bílaleigubíla 2010–2017
25
20
15
10
5
0
2010 2011 2012 2013 2014 2015 2016 2017
1. júlí 2010 eru
skráðir 7.089
bílaleigubílar
á landinu 1. ágúst 2017 eru
skráðir 26.293
bílaleigubílar
Fjöldi í nóvember 2012 og júní 2016 er námundaður.
Heimild: Samgöngustofa
Fjölgun 1. júlí–1. ágúst 2016: 718
Fjölgun
1. júlí–1.ágúst
2017: 796
.000
Arnar Þór Ingólfsson
athi@mbl.is
„Við ætlum ekki að fara fyrr en í
byrjun september,“ segir Pétur H.
Pálsson, framkvæmdastjóri Vísis hf.
í Grindavík, um fyrirhugaðar tún-
fiskveiðar fyrirtækisins. Pétur segir
að miklu lægra verð fáist fyrir tún-
fiskinn nú en undanfarin ár.
Hann segir í samtali við Morgun-
blaðið að farið hafi verið of snemma á
túnfiskveiðarnar í lok síðasta sumars
og veiðar hafi ekki gengið vel. Alls er
túnfiskkvóti Íslendinga um 50 tonn.
„Við gætum tekið fjörutíu tonn, ef
það verða fullar veiðar,“ segir Pétur.
Hann bendir á að komið verði
fram á haust þegar mestar líkur séu
á góðum afla, en þá væri veðrið líka
farið að versna. Næst á dagskrá væri
að koma bátunum af stað til þorsk-
veiða eftir verslunarmannahelgi og
síðan yrðu túnfiskveiðar skoðaðar
eftir um tíu daga.
Fiskistofa sendi frá sér áminningu
í upphafi mánaðar, þar sem útgerðir
eru minntar á að tilkynna þarf allan
túnfiskmeðafla án tafar. Tvö skip
Vinnslustöðvarinnar í Vestmanna-
eyjum, Kap og Ísleifur, hafa fengið
túnfisk sem meðafla á uppsjávar-
veiðum í sumar, alls 420 kíló, en talið
er að túnfiskurinn elti makríl á norð-
lægar slóðir. Túnfiskur sem meðafli
reiknast af heildartúnfiskkvóta Ís-
lands og er Vísir eina fyrirtækið sem
hefur heimild til beinna veiða.
Makrílveiðar hafnar
Hjá Síldarvinnslunni í Neskaup-
stað eru makrílveiðar hafnar eftir
verslunarmannahelgi. Beitir NK
kom til hafnar í gærmorgun með 760
tonn af makríl. Tómas Kárason,
skipstjóri á Beiti, segir að makríllinn
sé hinn fallegasti. „Við fengum
aflann í fimm holum og það voru
mest 180 tonn í holi. Þetta er engin
mokveiði en samt í góðu lagi,“ segir
Tómas í samtali við heimasíðu SVN.
Vilja ekki fara of snemma
 Bíða með túnfiskveiðar fram í september  Verðið lægra
Morgunblaðið/Þórður
Verkun Túnfiskur verkaður í
vinnslu Vísis hf. í Grindavík.
Lögreglan á höfuðborgarsvæðinu og
fulltrúar Barnaverndarstofu fund-
uðu í gær vegna myndbirtingar lög-
reglu af pilti á barnsaldri í tengslum
við rannsókn á meintu kynferð-
isbroti gagnvart ungum dreng í
Breiðholtslaug í síðustu viku.
Barnaverndarstofa hafði gagnrýnt
lögreglu fyrir myndbirtinguna.
Bragi Guðbrandsson, forstjóri
Barnaverndarstofu, sagðist mjög
ánægður með fundinn, í samtali við
mbl.is. „Við gátum fallist á að það
voru haldgóðar ástæður til þess að
hraða rannsókn málsins,“ sagði
Bragi, en sagði þó óheppilegt hvern-
ig staðið hefði verið að myndbirting-
unni.
„Á hinn bóginn breytir það því
ekki að það eru ákveðnar reglur
sem eru í gildi og í alþjóðlegum
samningum og íslenskum lögum
sem mæla fyrir um rétt barna til
verndar gagnvart nafnleynd og
öðru,“ sagði Bragi. Hann telur báða
aðila hafa grætt mikið á fundinum
og að það muni nýtast þeim til fram-
tíðar.
Í tilkynningu frá lögreglunni á
höfuðborgarsvæðinu segir að þær
ábendingar sem Barnaverndarstofa
kom með á fundinum hafi verið
gagnlegar. Horft verði til þeirra.
Ástæður
lögreglu
haldgóðar
Elsta bifreið sem skráð er sem
bílaleigubifreið var nýskráð á
þessu ári, en hún er fornbifreið
af 1974 árgerð. Ein bifreið er frá
1984, tvær frá 1987 og fjórar frá
1991. Fjórar eru frá 1992 og ein
frá 1993.
Aðeins rúmlega 2.400 bif-
reiðar eru eldri en fimm ára
gamlar, eða um níu prósent
heildarflotans.
Sú elsta er
43 ára gömul
Í ELDRI KANTINUM