Morgunblaðið - 09.08.2017, Blaðsíða 10

Framkvæmdir í Kirkjustræti
Sigtryggur Sigtryggsson
sisi@mbl.is
Það er ekki á hverjum degi sem
byggingar rísa sunnanvert við
Kirkjustræti í Reykjavík.
Nú er á vegum Alþingis verið að
endurbyggja millibyggingu milli
tveggja sögufrægra timburhúsa.
Um er að ræða græna húsið Kirkju-
stræti 10 (Kristjánshús) og gula hús-
ið Kirkjustræti 8b (Blöndahlshús).
Bæði þessi hús eru notuð fyrir skrif-
stofur Alþingis. Meðal annars er for-
seti Alþingis með vinnuaðstöðu í
Blöndahlshúsi. Millibyggingin hefur
númerið Kirkjustræti 10a og verður
102 fermetrar. Batteríið arkitektar
teiknuðu bygginguna.
Að sögn Helga Bernódussonar,
skrifstofustjóra Alþingis, var milli-
byggingin byggð rétt fyrir aldamót-
in 2000 þegar bæði timburhúsin
voru gerð upp. Gengið er inn í bæði
húsin um þessa byggingu. Hún var
höfð inndregin til að skyggja ekki á
þessi gömlu sögufrægu hús.
Nú er verið að hækka þessa milli-
byggingu um eina hæð, m.a. til þess
að hægt sé að komast upp á 3. hæð
Blöndahlshúss með lyftu. Fram-
kvæmdum á að ljúka í haust.
Í bók Páls Líndal, Reykjavík,
Sögustaður við Sund, segir að
Magnús Th.S. Blöndahl hafi reist
Kirkjustræti 8b árið 1905. Þar voru
íbúðir framan af en húsið var notað
til skrifstofu- og verslunarrekstrar
síðustu áratugina áður en Alþingi
fékk það til afnota. Kristján Ó. Þor-
grímsson reisti Kirkjustræti 10 árið
1879. Þar rak hann upphaflega bóka-
búð og síðar aðra verslunarstarf-
semi. Þá var náttúrugripasafnið þar
í nokkur ár í tveimur herbergjum.
Alþingi hefur yfir að ráða tveimur
húsum til viðbótar sunnan Kirkju-
strætis. Um er að ræða Kirkjustræti
8a, sem var lengi þekkt sem Hótel
Skjaldbreið. Húsið er timburhús á
kjallara, þrjár hæðir, reist árið 1906.
Það hefur verið endurbyggt og var
nýlega tekið í notkun.
Einnig Skúlahús sem fært var á
reitinn númer 4 við Kirkjustræti, en
stóð áður við Vonarstræti 12. Húsið
var byggt árið 1908.
 Millibygging milli tveggja sögufrægra húsa hækkuð
 Báðar byggingarnar hýsa skrifstofur Alþingis
Morgunblaðið/Hanna
Bygging Millibyggingin við Kirkjustræti verður tilbúin síðar í haust. Hún verður 102 fermetrar að stærð.
10 FRÉTTIRInnlent
MORGUNBLAÐIÐ MIÐVIKUDAGUR 9. ÁGÚST 2017
Hinsegin dagar í Reykjavík hófust
formlega í gær. Sú hefð hefur skap-
ast að mála gleðirendur í litum regn-
bogans á götuna á fyrsta hátíðardegi
og í ár eru rendurnar við inngang
Ráðhúss Reykjavíkur.
Eva María Þórarinsdóttir Lange,
formaður Hinsegin daga, segir að
upphaflega hafi verið ætlunin að
mála stéttina í Hljómskálagarðinum,
en þar munu útitónleikar að lokinni
Gleðigöngunni fara fram að þessu
sinni. Vegna rigningarspár var þó
ákveðið að breyta staðsetningunni.
„Við erum alltaf ótrúlega spennt
og stolt af því að geta rekið þessa há-
tíð bara einungis með sjálfboða-
liðum. Það er alveg ómetanlegt að
finna fólk sem er til í að hjálpa til og
láta þetta gerast,“ segir Eva, full til-
hlökkunar, enda fjölbreytt dagskrá
framundan næstu daga.
Morgunblaðið/Árni Sæberg
Regnbogi Stjórn Hinsegin daga og borgarstjóri við málningarvinnuna.
Gleðirendurnar marka
upphaf Hinsegin daga
Erna Ýr Öldudóttir
ernayr@mbl.is
„Það er enginn að skoða þetta,“ seg-
ir Guðmundur H. Einarsson hjá
Heilbrigðiseftirliti Hafnarfjarðar
spurður hvort verið sé að taka sýni
eða kanna uppruna á innfluttum
eggjavörum og matvælum sem inni-
halda egg frá
Evrópu.
Milljónir eggja
voru fjarlægðar
úr matvöruversl-
unum og vöruhús-
um í Hollandi,
Belgíu og Þýska-
landi eftir að í ljós
kom að í þeim
fannst mikið
magn skordýra-
eitursins Fipronil sem ekki er leyfi-
legt að nota í eða nálægt matvæla-
framleiðslu. Heilbrigðiseftirlitið í
Hollandi hefur sagt að neysla
eggjanna geti haft veruleg áhrif á
lýðheilsu, en 180 eggjabúum hefur
verið lokað og varað er við neyslu
eggja frá 27 búum til viðbótar.
Starfa eftir áætlun MAST
„Við hjá heilbrigðiseftirlitum
sveitarfélaganna störfum eftir að-
gerðaáætlun Matvælastofnunar
(MAST) og aðstoðum þau við sýna-
tökur,“ segir Guðmundur og bætir
við að ekki hafi komið ósk frá stofn-
uninni um sýnatökur í tengslum við
þetta mál. Svipað svar er að fá hjá
Óskari Ísfeld Sigurðssyni hjá Heil-
brigðiseftirliti Reykjavíkur, sem
segir að eitt af hlutverkum MAST
sé að gera sýnatökuáætlun vegna
eftirlits með varnarefnaleifum í
matvælum fyrir heilbrigðiseftirlitið
til að starfa eftir, en engin sýnatö-
kuáætlun til að kanna þetta mál
sérstaklega liggi fyrir. Um 300 sýni
eru tekin árlega úr matjurtum.
„Það mega greinast restar af
varnarefnum í matvælum og það
kemur fyrir að þau finnast innan
leyfilegra marka. Matvælastofnanir
erlendis telja ekki ástæðu til að ótt-
ast, menn meta það þannig að ekki
sé hætta fyrir neytendur,“ segir
Óskar.
Telur hættuna hverfandi
„Hættan er talin hverfandi,“ seg-
ir Dóra S. Gunnarsdóttir, forstöðu-
maður neytendaverndar hjá MAST,
og vísar í heimasíður sænsku og
norðurírsku matvælastofnananna,
sem telja ekki ástæðu til að hafa
áhyggjur. Á heimasíðu sænsku mat-
vælastofnunarinnar kemur fram að
95% eggjanna sem neytt er þar-
lendis séu frá sænskum eggjabúum
og fram kemur á heimasíðu norður-
írsku matvælastofnunarinnar að að-
eins 0,0001% eggjanna sem neytt er
á Bretlandi hafi verið frá þessum
búum.
Á Íslandi er mikið af köku- og
brauðdeigi ásamt eggjahvítum,
eggjadufti o.fl. flutt til Íslands m.a.
frá Evrópu til matvælaframleiðslu
en eins eru ýmis innflutt matvæli
sem innihalda egg, svo sem mæjó-
nes, kökur, kex o.fl.
Vísaði á heilbrigðiseftirlitin
Þorvaldur H. Þórðarson, fram-
kvæmdastjóri hjá Matvælastofnun,
sem hefur yfirumsjón með rekstri
skrifstofu inn- og útflutnings mat-
væla, taldi sig í samtali við Morgun-
blaðið ekki eiga að hafa eftirlit með
öðru en „skjalaskoðun og því hvort
egg og eggjamassi hefðu verið hit-
uð“ til að koma í veg fyrir sjúkdóma
og vísaði í reglugerð um varnir
gegn dýrasjúkdómum nr. 448/2012.
Vísaði hann á heilbrigðiseftirlit
sveitarfélaganna að fylgja þessu
máli eftir.
Í Matvælalögum nr. 93/1995 segir
að Matvælastofnun fari með opin-
bert eftirlit með matvælum og sé
ráðherra til ráðgjafar. Þar kemur
einnig fram að óheimilt sé að mark-
aðssetja vöru sem ekki telst örugg
eða er heilsuspillandi.
Telja hættuna
vera hverfandi
 MAST hefur ekki látið kanna hvort
innfluttar eggjavörur innihaldi Fipronil
AFP