Morgunblaðið - 09.08.2017, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 9. ÁGÚST 2017
TE
N
G
IT
A
U
G
A
R Fallvarnarbúnaður
Hafðu samband og kynntu þér
vöruúrvalið og þjónustuna
Fjölbreytt og gott úrval til á lager
Námskeið um fallvarnir fyrir viðskiptavini
Skoðanir og eftirlit á fallvarnarbúnaði
FA
LLB
LA
K
K
IR
BELTI
Urður Egilsdóttir
urdur@mbl.is
Forsetakosningar fóru fram í Kenía í
gær en embættismenn og stjórn-
málamenn biðluðu til þjóðarinnar að
halda friðinn meðan á kosningunum
stæði. Margir óttast að átök blossi
upp.
The Guardian greindi frá því að
um 180.000 lögreglumenn og aðrar
öryggissveitir hefðu komið sér fyrir
á kjörstöðum víða í landinu og marg-
ir íbúar stærri borga hafa yfirgefið
heimili sín í leit að öryggi úti á landi.
Þá hafa margir sankað að sér mat-
vöru, símakortum og öðrum nauð-
synjum í aðdraganda kosninganna.
Ásakanir um kosningasvik eru
ekki óalgengar í landinu og ofbeldis-
alda sem reið yfir landið í kjölfar
kosninga fyrir um tíu árum er mönn-
um enn í fersku minni, en þá létust
um ellefu hundruð manns.
Kosningar hafa leitt
til ágreinings
Kenía fékk sjálfstæði frá Bret-
landi árið 1963 og hefur stöðugleiki
þar verið hvað mestur meðal ríkja
Austur-Afríku. Í landinu er
lýðræðislegt stjórnarform þar sem
forsetinn fer fyrir Ríkisstjórninni og
er þjóðhöfðingi landsins.
Fyrstu 15 ár sjálfstæðis landsins
var sósíalíski frelsisleiðtoginn Jomo
Kenyatta við völd. Á árunum frá
1978 til 2002 var Daniel arap Moi for-
seti landsins, en hann gerði það að
spilltu einsflokksríki.
Lítill hugmyndafræðilegur munur
er á milli flokkanna og markast
kosningar af persónulegum eigin-
leikum stjórnmálamanna og menn-
ingarlegum uppruna, en í Kenía eru
meira en 50 ólíkir ættbálkar og hefur
sambandið á milli þessara hópa allt
frá því landið fékk sjálfstæði leitt til
átaka og ágreinings, sérstaklega í
tengslum við kosningar fimmta
hvert ár. Mikil fátækt er í landinu,
auk mikillar verðbólgu. Helstu sam-
gönguæðar eru í niðurníðslu.
Eftir að svonefnt Regnboga-
bandalag komst til valda árið 2002
hafa orðið þónokkrar breytingar til
hins betra. Almennt hefur dregið úr
spillingu og er skólanám nú ókeypis
og aðgengilegt fyrir flesta. Ríkis-
stjórnin hefur tekið mikilvæg skref í
átt að bættum réttindum kvenna og
eru strangar allsherjarúrbætur í
þann mund að snúa við neikvæðri
efnahagsþróun. Frá kosningunum
árið 2007 hefur verið mikill pólitísk-
ur óstöðugleiki í landinu og eru þús-
undir manna á flótta í eigin landi.
Vanda orðavalið
Embættismenn í landinu hafa
dreift stuttum myndböndum á sam-
félagsmiðlum og hvetja þeir fólk til
þess að sætta sig við þær niðurstöð-
ur sem verða og segja meðal annars
að undir lýðræði verði alltaf einhver
sem vinnur og einhver sem tapar. 19
milljónir manna eru á kjörskrá og er
helmingur þeirra undir 35 ára.
Núverandi forseti, Uhuru Ke-
nyatta, hvatti fólk til þess að kjósa „í
friði“ í ræðu sem hann hélt fyrr í vik-
unni. Hinn 55 ára Uhuru er sonur
fyrsta forseta landsins, Jomo Ke-
nyatta, en hann býður sig fram til
annars kjörtímabils í embætti gegn
leiðtoga stjórnarandstöðunnar,
Raila Odinga. Stuðningur við þá
mælist svipaður í könnunum. Báðir
frambjóðendur hafa vandað orðaval
sitt rétt fyrir kosningar og reynt að
varast æsingaræður. Odinga hefur
hins vegar ekki hikað við að viðra
ótta sinn um að kosningasvik muni
eiga sér stað.
Talningakerfið mikilvægt
Rafrænt talningakerfi kjörstjórn-
ar í Kenía gegnir lykilhlutverki í
landi þar sem ásakanir um kosninga-
svik eru ekki óalgengar, segir í um-
fjöllun BBC. Ef kerfið bregðist eins
og árið 2013 verði atkvæðin hand-
talin og allar líkur á að sá sem tapar
kosningunum dragi niðurstöðurnar í
efa.
Það bætir gráu ofan á svart að
tæknistjóri kjörstjórnarinnar, Chris
Msando, var myrtur fyrir nokkrum
dögum. Hann hafði komið að þróun
talningakerfisins og verið ötull tals-
maður þess. Fullvissaði hann Kenía-
menn um áreiðanleika kerfisins.
Þegar lík hans fannst illa leikið úti í
skógi ýtti það undir grunsemdir
fólks um að einhverjir hygðust hag-
ræða niðurstöðum kosninganna.
„Virða vilja fólksins“
Þá hefur fyrrverandi Bandaríkja-
forseti, Barack Obama, hvatt leið-
toga í Kenía til þess að afneita of-
beldi og átökum og „virða vilja
fólksins“ en faðir hans fæddist í
Kenía.
Óttast kosningasvik í Kenía
 Frambjóðendurnir tveir með svipað fylgi samkvæmt skoðanakönnunum
 Um 180.000 lögreglumenn og aðrar öryggissveitir komu sér fyrir á kjörstöðum
AFP
Kosningar Núverandi forseti Kenía, Uhuru Kenyatta, hvatti landsmenn til þess að kjósa „í friði“ en margir óttast
að átök blossi upp vegna forsetakosninganna í gær. Ásakanir um kosningasvik eru ekki óalgengar í landinu.
Forseti Frakklands, Emmanuel
Macron, hyggst hætta við áform
sín um að setja á laggirnar form-
legt embætti for-
setafrúar en
hann lýsti því yf-
ir í aðdraganda
forsetakosning-
anna fyrr á árinu
að hann ætlaði
að skapa „raun-
verulega stöðu“
fyrir eiginkonu
sína, Brigitte
Macron. Hug-
mynd forsetans, sem þýddi stjórn-
arskrárbreytingu, mætti mikilli
andstöðu. Undirskriftasöfnun var
sett af stað á netinu gegn hug-
myndinni sem um 200 þúsund
manns hafa tekið þátt í og skoð-
anakönnun benti til þess að meiri-
hluti Frakka væri lítt hrifinn af
henni. Forsetaembættið hyggst
skýra á næstunni hver staða
Brigitte verður.
Brigitte verður ekki
formleg forsetafrú
Brigitte Macron
FRAKKLAND
Meirihluti Breta
er ósáttur við
það með hvaða
hætti ríkisstjórn
Bretlands hefur
haldið á málum
varðandi út-
göngu landsins
úr Evrópusam-
bandinu, eða
61%. Þetta kem-
ur fram í niðurstöðum nýrrar
skoðanakönnunar sem fyrirtækið
ORB gerði. Fram kemur á frétta-
vef Reuters að óánægja með
framgöngu ríkisstjórnarinnar
hafi aukist síðan í síðasta mánuði,
þegar hún mældist 56%. Óánægð-
ir voru einnig færri í júní, þegar
þeir mældust 46%. Meirihlutinn
var hins vegar ánægður með
vinnubrögð ríkisstjórnarinnar
fyrir þingkosningarnar sem fram
fóru í Bretlandi í byrjun júní, en í
þeim missti Íhaldsflokkur The-
resu May forsætisráðherra meiri-
hluta sinn.
BRETLAND
Theresa May
Meirihlutinn ósáttur
við vinnubrögðin
Læknar hafa borið kennsl á karl-
mann sem lét lífið í árásunum á tví-
buraturnana í New York 11. sept-
ember 2001. Maðurinn er 1.641.
fórnarlambið sem borin hafa verið
kennsl á eftir hryðjuverkaárásirnar,
en alls létu 2.753 manns lífið í árás-
unum.
Sérfræðingar á vegum New York-
borgar hafa á undanförnum árum
beitt sérstakri tækni til þess að
vinna erfðaefni úr þeim líkamsleifum
sem hafa fundist. Þetta var í fyrsta
sinn í rúmlega tvö ár sem þessar
rannsóknir hafa borið árangur. Í
frétt breska ríkisútvarpsins segir að
enn eigi eftir að bera kennsl á lík-
amsleifar yfir fjörutíu prósenta
þeirra sem létu lífið í árásunum fyrir
sextán árum.
Að sögn fjölmiðla vestanhafs ósk-
uðu ættingjar þess sem kennsl voru
borin á nú eftir því að nafn hans yrði
ekki gefið upp.
Reuters
11. september 2.753 manns létu lífið í árásunum á tvíburaturnana.
Eru enn að bera
kennsl á látna
 1.641. fórnarlambið af 2.753