Morgunblaðið - 09.08.2017, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 9. ÁGÚST 2017
Kæli- og frystibúnaður
í allar gerðir sendi- og flutningabíla
Funahöfða 7, 110 Reykjavík, s. 577 6666
Axel Helgi Ívarsson
axel@mbl.is
Anna Hallgrímsdóttir fagnaði 100
ára afmæli sínu með vinum og
vandamönnum í kirkju- og menning-
arstöð Eskifjarðar á mánudaginn.
Alls sóttu 160 manns hátíðina, en af-
komendur Önnu er orðnir 50 og er
sá yngsti sex mánaða gamall, segja
þau Halla Einarsdóttir, dóttir Önnu,
og Gunnar Hjaltason, eiginmaður
Höllu, í samtali við Morgunblaðið.
Halla segir að móðir sín sé virki-
lega hress þrátt fyrir háan aldur.
„Hún man alla skapaða hluti og tek-
ur vel eftir. Hún vinnur handavinnu
alla daga og er bara alveg ótrúleg.“
Anna bjó fyrst um sinn á Helgustöð-
um en fluttist síðar til Eskifjarðar.
Er blaðamaður Morgunblaðsins
spyr Höllu hvort það sé eitthvað sér-
stakt sem Anna þakki fyrir að hafa
náð svo háum aldri skellir Halla upp
úr og segir að það sé ekki neitt sér-
stakt. „Hún lifir mjög heilbrigðu líf-
erni, hefur hvorki drukkið áfengi né
reykt, og borðað góðan íslenskan
mat,“ segir Halla enn fremur um
móður sína, Önnu.
Stórafmæli Anna, önnur frá hægri, ásamt gestum við veitingaborðið.
Fjölmenni í 100 ára afmæli
Ljósmynd/Gunnar Hjaltason
Fjölskylda Anna, fyrir miðju, ásamt hópi afkomenda sinna í afmælisboðinu. Eru afkomendur hennar 50 talsins.
 Afkomendur Önnu Hallgrímsdóttur orðnir fimmtíu talsins
Kristján H. Johannessen
khj@mbl.is
„Ég minnist þess ekki að rætt hafi
verið um gjaldtöku á útsýnispallinn,
heldur að almenningi yrði einmitt
tryggt aðgengi þar að. Þessi ákvörð-
un kemur mér því verulega á óvart,“
segir Marta Guðjónsdóttir, borgar-
fulltrúi Sjálfstæðisflokksins, í sam-
tali við Morgunblaðið.
Vísar hún í máli sínu til þess að 1.
september næstkomandi mun Perla
norðursins, sem sér um rekstur á
Perlunni í Reykjavík, hefja gjald-
töku út á útsýnispall hússins á fjórðu
hæð. Gjaldið verður 490 krónur fyrir
16 ára og eldri, en þeir sem yngri eru
sem og gestir íshellis jöklasýningar
Perlunnar geta hins vegar stigið fæti
á pallinn án endurgjalds.
Borgarfulltrúar ræði málið
„Perlan var á sínum tíma byggð
fyrir almenningsfé og hefur fólk síð-
an þá haft aðgengi að húsinu og um
leið útsýnispallinum, en svo gerist
þetta. Mér finnst eðlilegt að þetta
mál verði tekið upp á næsta fundi
borgarráðs og rætt þar,“ segir
Marta, en fundur ráðsins er áform-
aður á morgun, fimmtudag.
Guðfinna Jóhanna Guðmunds-
dóttir, borgarfulltrúi Framsóknar
og flugvallarvina, segist ekki hafa
vitað af fyrirhug-
aðri gjaldtöku í
Perlunni fyrr en
hún heyrði af
málinu í fjölmiðl-
um.
„Ég sá þetta nú
bara fyrst í frétt-
unum. Þetta var
ekki kynnt þann-
ig, þegar samn-
ingurinn var
gerður, að rukka ætti fyrir aðgengi
að útsýnispallinum – a.m.k. var það
ekki rætt á þeim fundum sem ég
sat,“ segir hún og bætir við að tíð-
indin hafi því komið henni „mjög á
óvart“.
„Ég taldi nú að Perlan yrði áfram
opin þó svo að þar væri seld þjónusta
og veitingar og sýningar í boði. Það
hvarflaði ekki að mér að rukka ætti
út á pallinn. Þetta kemur mér því
mjög á óvart og mér finnst þetta
ekki ganga upp,“ segir Guðfinna Jó-
hanna og bætir við að brýnt sé að
málið verði rætt innan borgarinnar.
„Það er ljóst að taka þarf þetta mál
upp innan borgarinnar og það mun-
um við gera,“ segir hún ennfremur.
Halldór Auðar Svansson, borgar-
fulltrúi Pírata sem eru í meirihluta-
samstarfi í borgarstjórn, tekur í
svipaðan streng og segist ekki hafa
vitað af fyrirhugaðri gjaldtöku fyrr
en málið rataði í fjölmiðla. „Ég man
ekki til þess að fyrirhuguð gjaldtaki
hafi verið sérstaklega kynnt. En ég
held nú þó að samningurinn útiloki
ekki að þetta sé hægt,“ segir Halldór
Auðar. „Þessi áform hljóta að velta
svolítið á viðbrögðunum og þeim
áhrifum sem þetta kann að hafa á
aðsókn. Við munum ræða þetta mál
og fara yfir samninginn,“ segir hann.
Borgin vissi um gjaldtökuna
Agnes Gunnarsdóttir, fram-
kvæmdastjóri Perlu norðursins, seg-
ir ferlið allt hafa verið unnið í „sátt
og samlyndi við Reykjavíkurborg“
og að þar á bæ hafi menn vitað af
fyrirhugaðri gjaldtöku á útsýnispall
Perlunnar. „Framkvæmda- og
eignasvið Reykjavíkurborgar og
Dagur B. Eggertsson [borgarstjóri]
voru upplýst um þetta,“ segir Agnes
og bætir við að útsýnispallur Perl-
unnar sé í viðauka við leigusamning-
inn skilgreindur sem sýningarsvæði
og því sé ljóst að alltaf hafi staðið til
að rukka inn á hann. „Þar stendur að
allt sem lýtur að fjórðu hæð hússins
sé skilgreint sem sýningarsvæði, þar
með talið útsýnispallurinn. Það
stendur hins vegar ekki til að rukka
inn í Perluna sjálfa,“ segir hún.
Ekki náðist í Dag B. Eggertsson,
borgarstjóra, eða S. Björn Blöndal,
formann borgaráðs Reykjavíkur, við
vinnslu fréttarinnar.
Borgin vissi en fulltrúar ekki
 Fulltrúar þriggja flokka í Reykjavík vissu ekki um fyrirhugaða gjaldtöku á útsýnispall Perlunnar fyrr
en þeir sáu það í fréttum  Rekstraraðili hússins segir borgina og borgarstjóra hafa vitað um málið
Morgunblaðið/Ómar
Höfuðborgin Perlan var á sínum tíma reist fyrir almannafé en nú stendur til að rukka inn á útsýnispall hússins.
Guðfinna Jóhanna
Guðmundsdóttir
Marta
Guðjónsdóttir
Halldór Auðar
Svansson
Konan sem hafði samband við Jafn-
réttisstofu á dögunum eftir að hafa
verið skipt út fyrir karlkyns rútubíl-
stjóra að ósk farþega var verktaki
hjá Hópbílum hf. Þetta staðfestir
Kári Jónasson, starfandi varafor-
maður stjórnar Félags leiðsögu-
manna.
Guðjón Ármann Guðjónsson,
framkvæmdastjóri Hópbíla, segir
málið ekki hafa komið inn á borð
hans. Hann segir ferðamenn af og
til óska eftir að skipt sé um bílstjóra
og geti ýmsar ástæður legið þar að
baki. „Það hefur alveg gerst að hóp-
stjóri komi með hóp til Íslands, og
síðan sé slæmt samband milli hans
og bílstjórans. Viðkomandi hefur þá
samband við sína ferðaskriftstofu
og við erum síðan beðin um nýjan
bílstjóra. En venjulega kemur engin
útskýring á því,“ segir Guðjón.
Í Morgunblaðinu í gær var rætt
við Þóri Garðarsson, stjórnar-
formann ferðaþjónustufyrirtæk-
isins Gray line, og tók hann í sama
streng. Aðspurður segir Guðjón að
skoða þurfi verklag í tengslum við
slík bílstjóraskipti ef mál af þessu
tagi verða algengari.
alexander@mbl.is
Morgunblaðið/Ómar
Af og til er óskað
eftir öðrum bílstjóra
 Konan var verk-
taki hjá Hópbílum