Morgunblaðið - 16.08.2017, Blaðsíða 1

M I Ð V I K U D A G U R 1 6. Á G Ú S T 2 0 1 7
Stofnað 1913  195. tölublað  105. árgangur 
NAUT ÞESS AÐ
SEMJA FYRSTU
ÓPERUNA SÍNA
SNÝR AFTUR
AÐ TAFL-
BORÐINU
KATALÓNINN
SEM KOM INN
ÚR HITANUM
KASPAROV 18 SKRIFAR BÆKUR Á ÍSLANDI 12DANÍEL BJARNASON 31
Morgunblaðið/Rósa Braga
Upphefð Hljómsveitin Kaleo með Jökul
Jakobsson söngvara í fararbroddi.
 Íslenska rokksveitin Kaleo mun
hita upp fyrir eina elstu og vinsæl-
ustu rokksveit allra tíma, Rolling
Stones, á tónleikum hennar í borg-
inni Spielberg í Austurríki 16.
september næstkomandi.
„Þetta er bara geðveikt, óraun-
verulegt í rauninni. Ég fór að hlæja
þegar ég heyrði af þessu, fannst
þetta eiginlega bara fyndið. Þetta
er ótrúlega gaman, að fá að hita
upp fyrir stærstu rokkhljómsveit
allra tíma,“ segir gítarleikari
Kaleo, Rubin Pollock, spurður að
því hvernig það leggist í hann að fá
að hita upp fyrir Rolling Stones.
Kaleo hefur átt mikilli velgengni
að fagna erlendis, en hljómsveitin
hefur búið og starfað í Bandaríkj-
unum í um tvö og hálft ár. »30
Kaleo hitar upp á
tónleikum Rolling
Stones í Austurríki
Magnús Heimir Jónasson
mhj@mbl.is
United Silicon, sem rekur kísilmálm-
verksmiðju í Helguvík, hefur ekki
enn greitt að fullu gatnagerðargjöld
til Reykjanesbæjar fyrir lóðina sem
verksmiðjan er starfrækt á. Ógreidd
gatnagerðargjöld fyrirtækisins
nema 162 milljónum króna.
Héraðsdómur Reykjaness veitti
stjórn United Silicon heimild til
greiðslustöðvunar í fyrradag til að
fyrirtækið gæti freistað þess að ná
bindandi nauðasamningi við lánar-
drottna sína.
Guðbrandur Einarsson, forseti
bæjarstjórnar Reykjanesbæjar,
staðfestir í samtali við Morgunblaðið
að gatnagerðargjöldin séu enn
ógreidd en segir að bærinn hafi kom-
ist að samkomulagi við United Sili-
con í vor. „Þetta átti að fara í lög-
fræðilega innheimtu á sínum tíma en
síðan ákváðu þeir að semja um þetta.
Það var samið um greiðslutilhögun
en það er bara nýbúið að gera það,“
segir Guðbrandur. Upphaflega kraf-
an er um það bil þriggja ára gömul.
Samkvæmt heimildum Morgun-
blaðsins var krafan ekki greidd á sín-
um tíma vegna ágreinings milli
Magnúsar Garðarssonar, þáverandi
stjórnarformanns United Silicon, og
Reykjanesbæjar um skyldur bæjar-
félagsins gagnvart verksmiðjunni.
Samkvæmt tilkynningu United
Silicon til hlutafélagaskrár ríkis-
skattstjóra í vor fór Magnús úr
stjórn fyrirtækisins 6. apríl og var
samið um greiðslu á gatna-
gerðargjöldunum í kjölfar þess.
Skulda bænum 162 milljónir
 United Silicon skuldar Reykjanesbæ á annað hundrað milljóna í gatnagerðargjöld
 Búið var að semja um greiðslu skuldarinnar þegar fyrirtækið fór í greiðslustöðvun
MVill fremur tekjur af íbúum... »4
Baldur Arnarson
baldura@mbl.is
Frá ársbyrjun 2008 hafa um 5.500
manns lagt fram umsóknir um at-
vinnuleysisbætur í öðru landi.
Frá 2008 til og með 31. júlí í ár voru
gefin út 1.490 vottorð vegna slíkra
umsókna til Danmerkur, Noregs og
Svíþjóðar. Gefið var út 2.621 slíkt
vottorð til Póllands. Handhafar slíkra
vottorða halda rétti til atvinnu-
leysisbóta í allt að þrjá mánuði.
Þessar tölur eru vísbending um að
Pólverjar sem fluttu bótaréttinn heim
hafi verið fleiri en Íslendingar sem
fluttu réttinn til Norðurlanda.
Hjá Vinnumálastofnun voru ekki
tiltækar upplýsingar um fjárhæð um-
ræddra bótagreiðslna. Fullyrða má
að þær hlaupi á milljörðum.
Meirihlutinn frá Danmörku
Frá 2008 til og með 31. júlí í sumar
bárust 486 umsóknir um flutning
bótaréttar frá Danmörku til Íslands.
Alls bárust þá 738 umsóknir.
Þessar tölur benda til að margir
hafi snúið heim frá Danmörku sem
höfðu misst vinnuna á Íslandi. »11
Fengu bæturnar sendar út
 Þúsundir sóttu um rétt til atvinnuleysisbóta ytra eftir 2008
Bótaréttur erlendis
Útgefin vottorð 1.1. 2008 til 31.7. 2017
Heimild: VMST
5.480
Danmörk
505
Svíþjóð
309
Noregur
676
Pólland
2.621
Önnur lönd
1.369
Það var mikið að gera og gleði þegar mæðginin
Walter Björgvin Hinriksson og Daníela Björg-
vinsdóttir tóku upp kartöflur. Walter Björgvin
nýtur þess að taka upp kartöflur en finnst leiðin-
legt að reyta arfa. Uppskeran fékkst úr kartöflu-
garði í Garðlöndum við Arnarnesveg í Kópavogi.
Uppskeran virtist góð og ekki skemmdi milt
veðrið fyrir. Allt útlit er fyrir góða kartöflu-
uppskeru í sumar.
Gaman að taka upp kartöflur en leiðinlegt að reyta arfa
Morgunblaðið/Eggert
Kartöflur teknar upp í Garðlöndum í Kópavogi
 Dagur B. Eggertsson borgar-
stjóri og aðrir fulltrúar í borgar-
ráði voru upplýstir um það á síðasta
ári að fundist hefðu minjar í Víkur-
kirkjugarði sem væru frá því fyrir
kristnitöku og að þær væru að öll-
um líkindum trúarlegs eðlis.
Borgarstjóri segir ákveðið að til-
lögu Minjastofnunar að efna til
samkeppni um umgjörð Víkur-
kirkjugarðs hins forna í miðbæ
Reykjavíkur. Þá sé Borgarsögusafn
að undirbúa tillögur um hvernig
best sé að minnast sögu og minja á
svæðinu. Hann segir það sér
metnaðarmál að standa vel að verki
og lyfta þessari sögu. Deilt hefur
verið um skipulag og framkvæmdir
á svæðinu. »11
Borgarstjóri var upp-
lýstur um minjarnar
Gylfi Þór Sigurðsson gengst undir læknisskoðun hjá
Everton í dag, en félagið hefur komist að samkomulagi
við Swansea um kaup á íslenska landsliðsmanninum.
Kaupverðið nemur um 45 milljónum punda, jafnvirði
um 6,3 milljarða króna. Það mun gera Gylfa að lang-
dýrasta leikmanni í sögu íslenskrar knattspyrnu, en
metið hefur Eiður Smári Guðjohnsen átt frá því að
hann var keyptur frá Chelsea til Barcelona árið 2006. Í
evrum talið verður Gylfi nú keyptur á fjórfalt hærri
upphæð en Eiður Smári á sínum tíma.
Tvö íslensk félagslið hagnast verulega á kaupum
Everton. Gylfi lék með yngri flokkum FH og Breiða-
bliks áður en hann fór í atvinnumennsku og fær Breiðablik um 57 milljónir
króna í uppeldisbætur en FH um 35 milljónir ef af kaupunum verður, eins og
allt útlit er fyrir. » Íþróttir
Everton fær Gylfa
fyrir margfalt metfé
Gylfi Þór
Sigurðsson