Morgunblaðið - 16.08.2017, Blaðsíða 17

FRÉTTIR 17Erlent
MORGUNBLAÐIÐ MIÐVIKUDAGUR 16. ÁGÚST 2017
Guðrún Antonsdóttir
lögg. fasteignasali
Vantar allar stærðir og gerðir fasteigna á sölu.
Mjög mikil eftirspurn og lítið framboð.
Núna er tækifærið ef þú vilt selja.
Hringdu núna í 697 3629
og fáðu aðstoð við að selja
þína eign, hratt og vel.
Ertu í söluhugleiðingum?
Lágmúli 5, 108 Reykjavík | Sími 571 5800 | gudrun@garun.is | garun.is
Hassan Rouhani,
forseti Írans,
segist geta rift
kjarnorkusamn-
ingnum frá 2015
haldi Bandaríkin
áfram við-
skiptaþving-
unum gegn landi
hans. Í ræðu
sinni á þinginu
sagði hann Do-
nald Trump hafa sýnt að Wash-
ington væri „ekki góður félagi“. „Á
rúmum sólarhring getur Íran kom-
ið kjarnorkuáætlunum á hærra
plan en í upphafi samninga-
viðræðnanna,“ sagði forsetinn og
vísaði til samningsins sem náðist
milli Írans og hóps fastameðlima
öryggisráðs Sameinuðu þjóðanna,
Þýskalands og ESB árið 2015.
Gæti endurvakið
kjarnorkuáætlun
ÍRAN
Hassan Rouhani
Ólöf Ragnarsdóttir
olofr@mbl.is
Sérfræðingar hafa varað við því að
þrátt fyrir að hryðjuverkasamtökin
Ríki íslams hafi misst stóran hluta
mikilvægra landsvæða sinna í Írak
og Sýrlandi sé átökum í þessum
löndum langt í frá lokið. 9. júlí
missti hið svokallaða Ríki íslams
borgina Mosúl, sem er næststærsta
borg Íraks og var eitt helsta vígi
hryðjuverkasamtakanna. Nú er hart
barist um borgina Raqqa í Sýrlandi
en hermenn Sýrlensku lýðræðis-
sveitarinnar, sem er bandalag araba
og Kúrda stutt af Bandaríkjamönn-
um, hafa nú náð um helmingi borg-
arinnar á sitt vald. Hætta er á að
því að nái hersveitin borginni allri á
sitt vald brjótist út átök milli Kúrda
og hersveita sýrlenskra stjórnvalda
á svæðinu.
Aðeins hluti af flóknu stríði
Þátttaka hryðjuverkasamtakanna
er aðeins einn þáttur í borgarstyrj-
öldinni sem hefur geisað í Sýrlandi í
rúm sex ár, þar sem hundruð þús-
unda hafa látið lífið og 11 milljónir
manna flúið heimili sín. Átökin hóf-
ust með friðsælum mótmælum
borgara gegn stjórnvöldum sem
voru grimmilega barin niður. Sér-
fræðingar hafa varað við því að
vestræn stjórnvöld hafi sum hver
lokað augunum gagnvart hryllingn-
um sem Sýrlendingar hafa þurft að
þola af hendi stjórnvalda í landi sínu
sökum þess að öll áhersla er nú lögð
á baráttuna gegn íslömskum öfga-
öflum.
Deilur á milli hinna ýmsu hópa
munu blossa upp aftur í Írak þegar
hryðjuverkasamtökin hafa verið
hrakin burt frá síðustu vígstöðvum
sínum í landinu. Þetta segir Mat-
hieu Guidere, sérfræðingur í ísl-
ömskum samtökum sem telja sig
heyja heilagt stríð í nafni trúarinn-
ar. Mánuði áður en Írakar lýstu yfir
sigri í Mosúl tilkynntu Kúrdar áætl-
anir um þjóðaratkvæðagreiðslu í
september um stofnun sjálfstæðs
ríkis. Sú hugmynd er ekki ný af nál-
inni en stjórnvöld í Írak og Banda-
ríkjunum hafa gagnrýnt tímasetn-
inguna.
Gífurlega kostnaðarsamt
Ljóst er að umfang eyðileggingar
á svæðum þar sem barist hefur ver-
ið hvað harðast er gríðarlegt og
stórar borgir eru nú rústir einar. Til
dæmis hafa Sameinuðu þjóðirnar
sagt uppbyggingu í Mosúl vera eitt
erfiðasta og flóknasta viðfangsefni
þeirra til þessa. Talið er að kostn-
aður vegna endurreisnar borgarinn-
ar verði meira en milljarður Banda-
ríkjadollara. Þá telja sérfræðingar
að þótt sigur náist fram gagnvart
Ríki íslams í Sýrlandi og Írak muni
hryðjuverkasamtökin skjóta upp
kollinum aftur og þá jafnvel á öðr-
um stað og í breyttri mynd.
Segja að átökum linni ekki
með sigrum á Ríki íslams
 Hafa misst landsvæði í Sýrlandi og Írak  Deilur á milli hópa blossa upp á ný
AFP
Mosúl Íraskir hermenn fagna sigri gegn hryðjuverkasamtökunum Ríki íslams og halda uppi fána þeirra öfugum.
Ólöf Ragnarsdóttir
olofr@mbl.is
Lögreglan á Grænlandi hefur varað
fólk við því að vera á ferðinni á
vesturhluta landsins vegna mikilla
gróðurelda sem geisað hafa þar.
Eldarnir eru raktir til mikilla hlý-
inda í landinu, en síðasta ár var það
heitasta sem mælst hefur. Hitamet
féll 10. ágúst síðastliðinn þegar hiti
mældist 24,8 gráður.
Samkvæmt tilkynningu lögreglu
er ekki búist við því að eldarnir
brenni út á næstu dögum. Fólk er
því hvatt til þess að vera ekki á ferð-
inni á svæðum í kringum Nassuttooq
og Amitsoruaq. Eldar hafa geisað á
sumum svæðum í allt að tvær vikur.
Unnið er að því dag og nótt að
slökkva eldana og hindra útbreiðslu
þeirra.
Rigning er í kortunum frá
fimmtudegi til sunnudags og standa
vonir til að hún hjálpi til við að ná
tökum á eldunum. Hvorki menn, dýr
né byggingar virðast hafa skaðast til
þessa.
Eldarnir teygðu sig hátt frá byrj-
un og ekki náðist að slökkva þá um-
svifalaust sökum vatnsleysis á svæð-
inu og skorts á búnaði.
AFP
Reykur Gróðureldar sem erfitt hefur reynst að slökkva geisa á Grænlandi.
Gróðureldar vegna
hita á Grænlandi
 2016 það heitasta sem mælst hefur
Hvítur elgur dregur
að mannfjölda
Elgar geta verið hættulegir.
SVÍÞJÓÐ
Mjallhvítur elgur í Vermalandi í
Vestur-Svíþjóð hefur vakið heims-
athygli. Feldur hans, horn og klauf-
ir eru hvít, en um 1.000 slík dýr er
að finna í Svíþjóð. Fólk hefur nú
flykkst að í von um að berja elginn
fræga augum en prófessor í dýra-
vistfræði varar við því að hann geti
verið hættulegur. „Elgir geta orðið
pirraðir, og þá eru þeir hættu-
legir,“ segir Göran Ericsson og
bendir á að venjulegir elgir vegi um
400-600 kg. „Ég myndi því ráð-
leggja fólki að halda sig í fjarlægð,“
segir hann. Elgurinn öðlaðist frægð
þegar myndskeið af honum var birt
á Facebook-síðu sveitarstjórnar-
mannsins Hans Nilsson í Eda.
Kúrdar eru á milli 25 til 35 milljónir og tungumál þeirra
er kúrdíska. Flestir búa þeir á fjallendum svæðum í Tyrk-
landi, Írak, Sýrlandi, Íran og Armeníu. Um 7-10% Sýr-
lendinga eru Kúrdar og 10-15% Írakar.
Á síðustu áratugum hafa Kúrdar átt sinn þátt í átök-
um á svæðinu og hafa þeir gegnt stóru hlutverki í bar-
áttunni gegn hinu svokallaða Ríki Íslams. Snemma á 20.
öldinni kviknaði hugmyndin að sjálfstæðu ríki, oftast
nefnt Kúrdistan, en það hefur enn ekki orðið að veru-
leika. Kúrdar hafa sitt eigið sjálfstjórnarhérað í Írak og
hefur Nechirvan Barzani verið forsætisráðherra héraðsins frá árinu 2012.
Forsætisráðherrann hefur meðal annars sagt Kúrda hafa beðið allt of
lengi eftir sjálfstæðu ríki. Einnig leggur hann áherslu á að Kúrdar séu
ekki arabar heldur sérstök þjóð, enda hafi þeir sitt tungumál og sína
menningu. Forsetinn er Massud Barzani, frændi forsætisráðherrans.
Hverjir eru Kúrdar?
BERJAST FYRIR SJÁLFSTÆÐI KÚRDISTANS
Massud Barzani