Víkurfréttir - 30.08.2017, Síða 44

44 miðvikudagur 30. ágúst 2017VÍKURFRÉTTIR
FRÉTTAVAKT ALLAN
SÓLARHRINGINN
Í SÍMA 898 2222
■ Einar Guðberg Gunnarsson hefur verið duglegur að mynda
nánasta umhverfi sitt. Á dögunum fór Einar ásamt Júlla
bróður sínum í heilsubótargöngu um Vatnsnesið í Keflavík og
að sjálfsögðu var myndavélin tekin með í ferðina.
„Löbbuðum Árnastíg en þegar komið var að Vatnsnesvita vorum
við komnir á slóðir minninga og reikaði hugur okkar 60 ár aftur í
tímann... gleymdum heilsunni. Bergtröllið, Básbryggjan og fjaran
fyrir neðan Hafnargötuna. Á þeim tíma var fjaran ruslahaugur,
öllu fargað í fjöruna, fátt annað í boði á þeim tíma. Í dag er þetta
náttúruperla,“ segir Einar Guðberg um upplifun sína af heilsu-
bótargöngunni.
Einar heldur áfram að lýsingu sinni á svæðinu: „Áfram er haldið
og á vinstri hönd framundan má sjá litla vík sem gengur inn
í landið og er nefnd Básinn. Árið 1929 hófu þar nokkrir stór-
huga athafnamenn að reisa aðstöðu fyrir útgerð. Þeir byggðu
myndarlega steinbryggju og upp með henni byggðu þeir allmikil
fiskvinnsluhús að þeirra tíma mælikvarða, og standa sum þeirra
enn. Básinn hefur verið fylltur upp, en þó sést enn í hluta af
bryggjunni“.
Myndirnar hér á síðunni eru úr ferð þeirra bræðra.
Á S L Ó Ð U M Æ S K U M I N N I N G A Í K E F L A V Í K