Dagblaðið Vísir - DV - 13.04.2018, Blaðsíða 4

4 13. apríl 2018FRÉTTIR
Það er staðreynd að …
Skjaldbökur eru gæddar þeim eiginleika
að geta andað í gegnum rassinn.
Bananar flokkast sem ber. Jarðarber
flokkast hins vegar ekki sem ber.
Hægt er að
brenna 150
hitaeiningum
með því að
lemja höfðinu
í vegg í eina
klukkustund.
Í Michigan-fylki í Bandaríkjunum er
giftum konum óheimilt að klippa
sjálfar á sér hárið án þess að fá leyfi
til þess frá eiginmönnum sínum. Í
Vermont-fylki þurfa konur skriflegt
leyfi eiginmannsins ef þær vilja
ganga með falskar tennur.
Charlie Chapl-
in tók einu
sinni þátt í
keppni um
„Besta tvífara
Charlie Chapl-
in.“ Hann lenti
í þriðja sæti.
Árið 2015 létu fleiri lífið í tenglsum
við sjálfu („selfie“) myndatökur
heldur en í hákarlaárásum.
BUBBI
FALINN
„Minning. Hótel. Vakna
við að hótelstjórinn stend-
ur fyrir framan mig. Opnar
skyrtuna. Húðflúr blasir við.
Páfagaukur. Hann segir viltu
sjá hann stökkva niður á
prikið og benti á klofið. Ég
sagðist brjóta prikið en fyrst
myndi ég rota hann. Hann
fór.“ Þessu minningarbroti
deildi Bubbi Morthens með
þjóðinni á Twitter-síðu sinni
í vikunni. Bubbi var falinn
á blaðsíðu fjögur í síðasta
blaði. Sá sem fann Bubba
og var dreginn út sem vinn-
ingshafi heitir Stefán Stein-
grímur Bergsson. Sendir DV
honum innilegar hamingju-
óskir.
Nú sem endranær er ásjóna
Bubba falin í blaðinu. Ef
lesendur finna kappann þá
geta þeir sent lausnirnar á
bubbi@dv.is. Verðlaunin að
þessu sinni eru árituð bók
eftir rithöfundinn Ágúst
Borgþór Sverrisson
og afhendast í
eigin persónu.
Finndu
Bubba í

blaðinu
Þ
essi óvissa fer ekki vel í
mig. Það kýs enginn að
vera í hrakningum með
húsnæði á þessum aldri,“
segir Svava Gunnlaugsdóttir,
leigjandi í Boðaþingi í Kópavogi.
Húsið er í eigu Naustavarar ehf.
sem er félag í eigu Sjómanna-
dagsráðs og er ætlað einstakling-
um sem eru 60 ára eða eldri. DV
fjallaði á dögunum um þá stað-
reynd að fimm leigutakar hefðu
fengið bréf þess efnis að þeim
væri gert að yfirgefa leiguíbúðir
sínar fyrir 1. október næstkom-
andi. Þar á meðal er Svava, sem
verður níræð í október á þessu ári.
Staða hennar er þó enn verri því á
meðan aðrir leigjendur þurfa að
yfirgefa íbúðir sínar í haust þá átti
Svava að yfirgefa húsnæðið sitt
fyrir 1. apríl. „Ég fékk eins mánað-
ar frest því ég fór til útlanda til
þess að vera viðstödd brúðkaup
dóttursonar míns. Ég veit ekkert
hvað tekur við,“ segir Svava.  Hún
segir að vegna mistaka hafi hún
í raun verið leigusamningslaus í
mörg ár og að það hafi Naustavör
nýtt sér til að henda henni fyrr á
götuna en ella.
Fékk 570 þúsund krónur í
skaðabætur
Upphaf málsins má rekja til
deilna varðandi innheimtu
húsaleigu sem hófust árið 2011.
Naustavör á og leigir 95 íbúðir í
Boðaþingi 22 og 24. Um árabil
innheimti félagið húsaleigu að
viðbættu sérstöku húsgjaldi.
Húsgjaldið átti aðeins að fara í að
greiða kostnað við rekstur sam-
eignar húsanna en í ljós kom að
ýmis annar kostnaður, meðal
annars stjórnunarkostnaður, var
greiddur með húsgjaldinu.  Það
fór illa í leigjendur sem kröfðust
úrbóta.
Ekki náðist sátt í málinu milli
deiluaðila. Það endaði með því
að fjölmennur fundur íbúafélags-
ins ákvað að leita réttar síns fyrir
dómstólum. Fimm stjórnarmenn
fóru í mál fyrir hönd annarra fé-
lagsmanna og svo fór að þeir
unnu málið í héraði. Niðurstað-
an varð sú að Naustavör bar að
endurgreiða leigutökum sínum
hundruð þúsunda króna á hverja
íbúð.
„Ég fékk endurgreiddar um
570 þúsund krónur,“ segir Svava.
Nokkrum dögum eftir að dómur-
inn féll þá var henni, eins og öðr-
um leigutökum, boðið að skrifa
undir nýjan leigusamninginn.
Þar kom fram að húsaleigan
myndi hækka sem næmi hús-
gjaldinu ólöglega og að leigjend-
ur yrðu að afsala sér skaðabótun-
um.
„Það gat enginn með sjálfs-
virðingu skrifað undir slíkan
samning,“ segir Svava. Skömmu
síðar hafi starfsmaður Nausta-
varar haft samband og spurt
hana hvort hún hefði lesið samn-
inginn. „Ég sagðist ekki hafa les-
ið neitt enda væri ég með öllu
sjónlaus,“ segir Svava. Nágranni
hennar hafi þó lesið fyrir hana
skilmálana og sagði hún að ekki
kæmi til greina að skrifa undir. Þá
fékk hún þau skilaboð frá starfs-
manninum að samningnum yrði
sagt upp og hún yrði að leita sér
að öðru húsnæði. „Ég sagði henni
þá að það myndi ekki gerast þegj-
andi og hljóðalaust,“ sagði Svava.
Valdbeiting og niðurlæging
Í fyrri frétt DV um málið lýsti
Ólafur Guðmundsson, einn
þeirra leigutaka Naustavarar ehf.
sem neitaði að skrifa undir hinn
nýja samning, að íbúar hafi upp-
lifað mikla valdbeitingu og niður-
lægingu. „Það vill enginn vera í
húsnæðishrakningum á gamals
aldri, að leita sér að nýrri íbúð
til þess að leigja með tilheyrandi
óvissu og raski. Það voru margir
íbúar grátandi hérna á göngun-
um því fólk vissi ekki sitt rjúk-
andi ráð. Það er erfitt að sætta
sig við að einhver hafi brotið á
manni í mörg ár og þegar dóm-
ur er kveðinn upp þá hafi við-
komandi ekki meiri sómakennd
en svo að hann hótar manni hús-
næðismissi nema maður skrifi
undir skjal þar sem maður afsal-
ar sér skaðabótunum. Þetta er
ekkert annað en fjárkúgun,“ sagði
Ólafur. Hann og eiginkona hans,
Súsanna O. Jónmunds dóttir, hafi
haft of ríka réttlætiskennd og
neitað að skrifa undir þennan
viðauka við leigusamninginn, líkt
og Svava.
Eins og áður segir er staða
Svövu verst af þeim sem senn
missa húsnæði sitt. Hún flutti
upphaflega inn í Boðaþing 24
árið 2012 en nokkru síðar skipti
hún um íbúð og fluttist yfir í hús
númer 22. „Ég vildi fá meira sól-
arljós inn til mín,“ segir Svava.
Aldrei var gerður við hana nýr
leigusamningur vegna flutnings-
ins. „Það uppgötvaðist bara ný-
lega þegar hringt var í dóttur
mína og hún spurð af hverju ég
væri ekki að sækja um húsaleigu-
bætur,“ segir Svava. Auk þess að
hafa verið snuðuð um húsaleigu-
bætur þá nýtir Naustavör ehf. nú
þá staðreynd að hún sé samn-
ingslaus til þess að henda henni
fyrr úr íbúð sinni.
Liggur ekki í fyrsta höggi
Þrátt fyrir óréttlætið og óvissuna
sem yfir henni vofir þá ber Svava
sig nokkuð vel. Hún getur ekki
treyst á aðstoð fjölskyldu sinnar
í þessum hremmingum en dóttir
hennar býr erlendis og dóttur-
sonur hennar, sem er henni afar
kær, býr í Malasíu. „Dóttir mín er
sjálf ellilífeyrisþegi,“ segir hún og
skellihlær. Dóttursonur hennar
kvæntist í Malasíu í marsmánuði
og bað hana um að vera við-
stadda brúðkaup. „Ég samþykkti
það strax. Ég sagðist hafa neit-
að honum einu sinni og myndi
aldrei gera það aftur,“ segir Svava.
Hún var afar ánægð með ferðina
sem reyndi þó afar mikið á hana.
Hún segist hafa sagt dóttursyni
sínum frá hremmingunum þó að
hún hafi ekki viljað varpa skugga
á hátíðarhöldin. „Hann vildi að
ég yrði bara eftir hjá sér og það
gæti vel verið að ég fari bara aft-
ur til hans. Ég kunni ágætlega við
mig í Kúala Lúmpúr,“ segir Svava.
Það eru því ekki aðrir fjöl-
skyldumeðlimir hérlendis til að
hjálpa henni í yfirvofandi flutn-
ingum. Það er þó engan bilbug
að finna á Svövu. „Fyrir mörgum
árum var ég afar hrifin af manni.
Hann var heljarmenni að burð-
um og þess vegna voru strákarnir
í sveitinni alltaf að reyna að slást
við hann. Hann sagði þá hlýlega
við þá að kannski myndi hann
liggja, en það yrði ekki í fyrsta
höggi. Ég ætla að gera hans orð
að mínum. Ég ligg kannski, en
ekki í fyrsta höggi,“ segir Svava. n
89 ára gömul og á götunni:
„Ég ligg kannski,
en ekki í fyrsta höggi“
Björn Þorfinnsson
bjornth@dv.is
Svava á að yfirgefa
leiguíbúð sína hjá
Naustavör ehf. í þessum
mánuði. Hún fagnar 90
ára afmæli sínu í október
á þessu ári.