Dagblaðið Vísir - DV - 13.04.2018, Blaðsíða 68

68 LÍFSSTÍLL - FERÐALÖG 13. apríl 2018
Í
slendingar hafa tekið því fagnandi
að ungverska lággjaldaflugfé-
lagið Wizz Air hóf að fljúga beint
milli Reykjavíkur og Búdapest
fyrir einmitt tveimur árum. Flog-
ið er tvisvar í viku og fargjöldin eru
afar hagstæð. Borgin er þess vegna
feikivinsæll áfangastaður og virðist
ekkert lát á. Fyrir ári brá blaðakon-
an Steingerður Sonja Þórisdóttir sér
til ungversku höfuðborgarinnar í
nokkra daga til þess að njóta lífsins.
Í ferðagrein þessa helgarblaðs rifjar
hún upp þá fjóra staði sem enn eru
greyptir í minni hennar eftir ferðina
og auk þess sem varað er við frægri
túristagildru. Þá fylgja með góð ráð
og nokkur léleg ráð. n
steingerdur@dv.is
Central
Market Hall
Vamhaz korut 1–3, Budapest 1093
Stærsti innanhússmarkaðurinn í
Búdapest er rétt við bakka Dónár
og vel þess virði að skoða þrátt fyr-
ir að verðið sé þónokkuð hærra en
maður á að venjast. Þarna er hægt
að kaupa minjavöru og alls kon-
ar matvæli sem eru ólík því sem
finnst í verslununum heima. Ég
nýtti sjálf tækifærið og keypti þarna
ársbirgðir af reyktu paprikukryddi
í ungversku gúllassúpurnar sem ég
hét að gera minnst vikulega eftir
heimsóknina. Kryddið er vissulega
nánast ósnert en fyrir aðra er þetta
góður staður til að nálgast það, nú
eða bara að heyra í mér. Ég á nóg.
Á efri hæð markaðarins er hægt
að tylla sér niður og smakka ýmsa
rétti frá mismunandi básum eða
fá sér kaldan bjór. Svo er kjörið að
heimsækja markaðinn þótt það sé
bara til að upplifa stemninguna.
Lélegt ráð: Kaupa kíló af paprikukryddi
fyrir súpur sem verða aldrei eldaðar.
Gott ráð: Láta umrætt paprikukrydd í
traustar umbúðir. Það var ekki skemmtileg
sjón sem blasti við þegar ég opnaði ferða-
töskuna. Hún var allavega mjög rauð.
Széchenyi-baðhúsið
Állatkerti krt. 9–11, Búdapest 1146
Búdapest er þekkt fyrir mikla baðhúsamenningu og vildu margir
meina að það væri fásinna að taka sér ekki dag í að heimsækja eitt
þeirra. Persónulega fannst mér þetta ekkert annað en ofmetin sund-
laug sem rukkar alltof mikið. Einn af ferðafélögum mínum hafði
búið áður í borginni og ég sá það á honum að þessi æsingur okkar í
að heimsækja eitt af þessum umtöluðu baðhúsum væri kannski ekki
réttlætanlegur. Við fórum í eitt þekktasta baðhúsið þar sem búnings-
klefarnir eru ekki kynjaskiptir. Ég er svo sem ekkert þekkt fyrir að vera
spéhrædd almennt en það var furðuleg reynsla að deila þeirri nánu
stund með fjörgömlum ungverskum pípara að afklæðast hlið við
hlið. Reyndar voru einhverjir litlir klefar þarna sem eru víst hugsaðir
til fataskipta, en hver hefur tíma fyrir það. Allavega ekki ég eða vinur
minn, ungverski píparinn. Sá ferðafélaganna sem hafði suðað í gegn
baðhúsaheimsóknina reyndi að sannfæra okkur hin um að þetta væri
stærsti heiti pottur í Evrópu. Arkitektúrinn var kannski aðeins meira
smart en hérna heima en ég hef aldrei fundið jafn marga plástra.
Gott ráð: Sleppa því að fara og skella sér frekar í Vesturbæjarlaugina.
Lélegt ráð: Borga fimm þúsund krónur fyrir sund.
Skemmtistaðurinn Szimpla Kert
Kazinczy u. 14, Budapest 1075
Staðurinn var stofnað-
ur um síðustu aldamót
og er byggður í rúst-
um frá seinni heims-
styrjöld, en margar
byggingarnar grotn-
uðu niður ónýttar í
kjölfar stríðsins. Nú
eru barir í rústum sem
þessum aðaltískan í
nætulífi borgarinnar.
En Szimpla Kert var
fyrstur af þeim settur á laggirnar og er alveg risastór. Að sama skapi er
þetta einn af fáum skemmtistöðum í borginni þar sem maður lendir í
röð. Við fórum seint á sunnudegi en samt var allt troðið og varla fannst
sæti í húsinu. Hver salur bauð upp á mismunandi stemningu, nokk-
ur herbergi voru í rólegri, og meira svona í „hverfisbars“ gírnum en
svo voru rokktónleikar í næsta sal. Áfengið var ódýrt, eins og alls stað-
ar í Búdapest, og þetta var ótrúlega skemmtileg og öðruvísi upplifun
fyrir Íslending sem er vanur að hanga bara á smábörum á hliðargöt-
um Laugavegarins og sitja sem fastast. Svo var líka skemmtilegt að allir
veggir voru útkrotaðir og nokkrum sinnum sáum við íslensk og jafn-
vel kunnugleg nöfn. Mér var farið að finnast vængir sjálfstæðisfálkans
breiða sig furðu víða þegar ég tók eftir X-D um alla veggi en eflaust stóð
það fyrir eitthvað annað.
Gott ráð: Mæli með að fólk pissi áður, klósettin eru ógeðsleg. Finn enn þá lyktina
þegar ég loka augunum undir rokktónlist.
Lélegt ráð: Það getur verið örlítið troðið og ungverskir barþjónar skenkja örlátt. Ágæt-
is hugmynd að vera ekki í sparikjólnum.
Sjómannavirkið og Matthíasarkirkja
Szentháromság tér, Búdapest 1014
Sjálf er ég ekki mikið fyr-
ir hina klassísku túrista-
staði, arkitektúr eða aðra
hámenningu  enda ekki við
öðru að búast frá mann-
eskju sem hefur fimm sinn-
um farið til Benidorm en
aldrei til London. En það
það var mikilfengleg sjón,
þinghúsið baðað ljósum
á hlýrri vornóttu frá Fis-
herman-virkinu í Buda-hluta borgarinnar. Við eyddum mestöllum tíma
okkar Pest megin Dónár en skruppum yfir til að skoða helstu túristastað-
ina. Fyrr um daginn höfðum við klifið Gellert Hill sem reyndist þrautin
þyngri fyrir lofthrædda manneskju eins og mig. Það var þó vel þess virði
til að sjá borgina betur. Við virkið sá ég líka í fyrsta sinn Starbucks-stað í
borginni, það er henni eflaust til hróss þótt ég setji spurningarmerki við
að það hafi verið í þessu fornfræga sögulega virki í skjóli Matthíasarkirkju.
Lélegt ráð: Taka 400 myndir. Ég skil ekkert hvað ég var að pæla núna ári seinna. Fjórar hefðu
verið nóg.
Gott ráð: Þegar þú finnur Matthíasarkirkju fyrir tilviljun þegar þú ætlaðir bara að fara á helsta
Starbucks-staðinn, ljúgðu að því hafi verið öfugt farið.
Veitingastaðurinn Soul Food
Kazinczy u. 32, Budapest 1075,
Hræódýr staður með blöndu af kreólsku og öðru sálarfæði sem er
vinsælt í Suðurríkjum Bandaríkjanna. Réttirnir kosta flestir undir
þúsund krónum íslenskum og þegar ég var stödd þarna var bjór-
inn á 65 krónur og rauðvínsglasið á 150 krónur. Sem sagt á Soul
food getur þú fengið tíu glös á verði eins hérna á Ísland, sem mér
fannst þá hálfgerð skylda að gera. Hagstætt verð virðist þó ekkert
bitna á gæðunum en svo er líka bara svo skemmtilegt að prófa
eitthvað sem býðst ekki á Íslandi. Enginn veitingastaður hérlend-
is sérhæfir sig í þessari tegund matargerðar og það var einstaklega
gaman að fá tækifæri til að prófa alvöru Jambalaya í fyrsta skipti.
Gott ráð: Staðurinn er frekar lítill svo gott er að fara ekki á háannatíma nema
maður hafi svigrúm til að bíða.
Lélegt ráð: Að panta tíu rauðvínsglös bara af því þau eru svo ódýr.
SLEPPA
4 staðir til að heimsækja í
Búdapest og 1 til að sleppa
Búdapest Ungverska höfuðborgin er
sívinsæll áfangastaður Íslendinga