Fréttablaðið - 26.05.2018, Blaðsíða 26

Handbolti Ester Óskarsdóttir, leik-
maður ÍBV, var sigursæl á lokahófi
HSÍ í gær en hún tók þrenn verð-
laun í lokahófinu sem fór fram í
Gullhömrum í gærkvöldi.
Hlaut hún Sigríðarbikarinn sem
mikilvægasti leikmaður deildar-
innar, kosin af þjálfurum og var líka
kosin best af öðrum leikmönnum
deildarinnar. Að lokum var hún
valin besti varnarmaður deildar-
innar.
Guðrún Ósk Maríasdóttir, mark-
vörður Fram, var kosin markvörður
ársins í Olís-deild kvenna og fyrr-
verandi liðsfélagi hennar hjá Fram,
Sigurbjörg Jóhannsdóttir, var kosin
sóknarmaður ársins.
Að lokum var Berta Rut Harðar-
dóttir kosin efnilegust, Ágúst
Jóhannsson var kosinn þjálfari
ársins og Perla Ruth Albertsdóttir
fékk háttvísiverðlaun fyrir prúð-
mennsku innan vallar.
Í karlaflokki voru Selfyssingar
sigursælir, Elvar Örn Jónsson var
kosinn leikmaður ársins af öðrum
leikmönnum og Haukur Þrastarson
efnilegasti leikmaður deildarinnar.
Maðurinn sem stýrir skútunni,
Patrekur Jóhannesson, var svo
kosinn þjálfari ársins af öðrum
þjálfurum.
Íslandsmeistarar ÍBV áttu einn
sigurvegara í gærkvöld, Theodór Sig-
urbjörnsson sem var kosinn mikil-
vægasti leikmaður deildarinnar af
þjálfurum og hlaut að launum Valdi-
marsbikarinn.
Hafnfirðingar fengu tvenn verð-
laun, Einar Rafn Eiðsson var valinn
besti sóknarmaðurinn en Björgvin
Páll Gústavsson var valinn mark-
vörður ársins. Þá var Alexander Örn
Júlíusson valinn besti varnarmaður
Olís-deildar karla.
Að lokum voru Anton Gylfi Páls-
son og Jónas Elíasson valdir sem
besta dómaraparið en þeir gátu
ekki tekið við verðlaununum í gær
vegna verkefnis erlendis. Eru þeir
að dæma leik Vardar og Montpell-
ier í Final Four-helginni í Köln um
helgina. – kpt
Ester og Selfyssingar voru sigursæl á lokahófi HSÍ
Fótbolti Sigurður Ragnar Eyj-
ólfsson hefur á ellefu ára löngum
þjálfaraferli sínum farið allt frá
Vestmannaeyjum til Kína með við-
komu í Noregi. Þjálfaraferill Sig-
urðar Ragnars hófst þegar hann tók
við stjórnartaumunum hjá íslenska
kvennalandsliðinu í knattspyrnu
árið 2007. Hann stýrði liðinu í sjö
ár og fór tvisvar sinnum með liðið
í lokakeppni Evrópumóts. Þaðan
lá leiðin til Vestmannaeyja þar sem
hann stýrði karlaliði félagsins í eitt
keppnistímabil.
Eftir smá pásu hélt hann svo með
Rúnari Kristinssyni til Lilleström í
Noregi árið 2014, en þar var hann
í þjálfarateymi karlaliðs félags-
ins. Sigurður var bæði styrktar- og
úthaldsþjálfari liðsins og hægri
hönd Rúnars sem var aðalþjálfari
liðsins. Fékk hann einnig spennandi
boð um að taka við starfi sem tækni-
legur ráðgjafi hjá ástralska knatt-
spyrnusambandinu og fór hann til
Ástralíu til að funda en hann tók
ákvörðun um að velja verkefnið í
Noregi þess í stað.
Eftir tveggja ára veru hjá Lille-
ström var Rúnari sagt upp störfum
á miðju kepppnistímabili árið 2016
og í lok leiktíðarinnar hætti Sigurð-
ur störfum hjá félaginu.
Kína kom kallandi
Árið 2017 lá svo leiðin til Kína þar
sem Sigurður var ráðinn þjálfari
kvennaliðsins Jiangsu Suning, en
hann gerði liðið að bikarmeistur-
um. Sá árangur fangaði athygli kín-
verska knattspyrnusambandsins og
var hann ráðinn þjálfari kínverska
kvennalandsliðsins í knattspyrnu
fyrir sex mánuðum.
Eftir nokkur slæm úrslit í vináttu-
landsleikjum í upphafi stjórnar-
tíðar Sigurðar með kínverska liðið
var landið farið að rísa hjá liðinu.
Sigurður náði í bronsverðlaun á
Asíuleikunum í apríl, en sá árangur
dugði til þess að tryggja liðinu þátt-
tökurétt í lokakeppni HM 2019.
Það dugði hins vegar ekki til þar
sem kínverska knattspyrnusam-
bandið ákvað að segja Sigurði upp
störfum í síðustu viku eftir sex mán-
uði í starfi. Það kom Sigurði í opna
skjöldu þegar hann var látinn taka
pokann sinn þrátt fyrir að hann
gerði sér grein fyrir því að ekki væri
mikil þolinmæði hjá kínverska
knattspyrnusambandinu og starfs-
öryggið ekki verið mikið í þessu
starfi í gegnum tíðina.
„Það voru engin teikn á lofti svo
sem og ég átti ekki von á því að
missa starfið á þessum tímapunkti.
Við stóðum okkur vel að mínu mati
á Asíuleikunum og náðum þeim
markmiðum sem sett voru þegar ég
var ráðinn. Þegar við sömdum var
rætt um að ná í verðlaun á Asíuleik-
unum og tryggja liðið í lokakeppni
HM og það tókst,“ sagði Sigurður í
samtali við Fréttablaðið.
Þróunin þótti of hæg
„Við töpuðum bara fyrir Japan sem
er mun  hærra skrifað en Kína í
kvennaboltanum og hefur verið í
allra fremstu röð undanfarin ár. Ég
fékk mjög misvísandi skilaboð um
það hver stefnan væri með liðið.
Þegar ég tók við var talað um að liðið
ætti að toppa á Ólympíuleikum árið
2020, en ástæðan sem ég fékk þegar
ég fékk sparkið var að við værum
ekki komin nógu nálægt bestu þjóð-
um heims og þróunin væri of hæg
undir minni stjórn,“ sagði Sigurður
um brottreksturinn.
„Vinnumenningin er allt önnur í
Kína en í Evrópu. Það er mikil stétta-
skipting í öllu vinnulagi og mikil yfir-
mannahollusta. Forsvarsmenn kín-
verska knattspyrnusambandsins eru
ekki vanir því að þjálfari liðsins hafi
sterkar skoðanir á því hvernig vinnu-
umhverfið sé og það var nýtt fyrir
þeim að kynnast því hvernig hlutir
eru  gerðir í Evrópu.  Það tala fáir
ensku hérna og öll samskipti mín við
kínverska starfsmenn og leikmenn
liðsins fóru fram í gegnum túlk. Þetta
var mjög lærdómsríkt og ég sé ekki
eftir því að hafa tekið þetta starf að
mér,“ sagði Sigurður um starfsum-
hverfið í Kína. 
Vilja endurvekja gullaldarárin
Sigurður fékk aðeins rúma sex mán-
uði í starfi áður enn hann fékk stíg-
vélið. Hér á árum áður var kínverska
liðið eitt af þeim fremstu í heiminum
en árangurinn hefur verið slakur
undanfarin ár.
„Það hefur ekki verið mikil þolin-
mæði síðustu ár í garð forvera minna
í starfi og fjölmiðlar eru duglegir að
rifja það upp hversu gott liðið var
fyrir tuttugu árum. Það er vissulega
mikill efniviður til staðar í Kína, en
það eru færri leikmenn sem stunda
knattspyrnu að atvinnu en maður
myndi halda. Það eru til að mynda
bara 15 lið í tveimur atvinnumanna-
deildum í Kína,“ sagði Sigurður enn
fremur um tímann sinn í Kína.
Hann er kominn aftur til Íslands
og er með augun og eyrun opin.
„Nú er ég bara nýfluttur heim og
er að melta það að vera hættur störf-
um hjá Kína. Ég er opinn fyrir öllu
og starfsferill minn sýnir að ég er til
í spennandi verkefni hvar svo sem
það er í heiminum og ég er bæði til
í að starfa sem félagsliðaþjálfari og
landsliðsþjálfari. Nú ætla ég bara
að njóta sumarsins og sjá hvað mér
býðst,“ sagði Sigurður.
hjorvaro@frettabladid.is
Þeim fannst þróunin of hæg
Sigurður Ragnar Eyjólfsson er kominn aftur til Íslands eftir að hafa þjálfað í Kína undanfarið ár. Honum var
sagt upp störfum sem þjálfari kínverska landsliðsins á dögunum honum að óvörum. Honum fannst hann
hafa náð þeim markmiðum sem sett voru en forráðamenn kínverska sambandsins voru óþolinmóðir.
Sigurður hvetur leikmenn sína til dáða í einum af leikjum sínum en í þessum leik mættust lið Kína og Norður-Kóreu.
Hann segir vinnuumhverfið öðruvísi í Asíu og að þolinmæðin sé ekki mikil fyrir uppbyggingu. NordicPHotoS/getty
ester í leik ÍBV gegn Val í olís-deild-
inni í vetur. FréttABlAðið/SteFáN
Það voru engin
teikn á lofti og svo
sem og ég átti ekki von á því
að missa starfið á þessum
tímapunkti.
Sigurður Ragnar Eyjólfsson
2 6 . m a í 2 0 1 8 l a U G a R d a G U R26 S p o R t ∙ F R É t t a b l a ð i ð
sport
GolF Birgir Leifur Hafþórsson, kylf-
ingur úr GKG, komst nokkuð örugg-
lega í gegnum niðurskurðinn á móti
í Tékklandi sem er hluti af Áskor-
endamótaröð Evrópu en Birgir
Leifur er á fimm höggum undir pari
á leiðinni inn í helgina.
Birgir Leifur fór snemma af stað
í gær og byrjaði vel en hann fékk
þrjá fugla og einn skolla á fyrri níu
holum dagsins. Seinni níu lék hann
á pari, fékk einn fugl, einn skolla og
sjö pör sem kom honum í tíunda
sæti er hann kom í hús. Deildi hann
sautjánda sæti í lok dagsins, sjö
höggum á eftir franska kylfingnum
Thomas Linard sem leiðir mótið.
Axel Bóasson, GK, náði sér ekki
á strik í gær en hann hefur lokið
keppni á sjö höggum yfir pari.
Þurfti hann að leika óaðfinnanlega
á öðrum degi til að gera gert atlögu
að niðurskurðarlínunni en hann
lék á fjórum höggum yfir pari á
hringnum. – kpt
Birgir undir pari
í Tékklandi
Arnór ingvi
traustason
Aldur:
25 ára
Staða:
Kantmaður
Félag:
Malmö
landsleikir:
18/5
21
Fótbolti Það verður mikið undir
þegar Birkir Bjarnason og félagar í
Aston Villa mæta Fulham í úrslita-
leik umspils á Wembley í dag. Leik-
urinn hefst klukkan 16.00.
Sigurvegarinn tryggir sér ekki ein-
ungis sæti í ensku úrvalsdeildinni
heldur er talið að hann fái 160 millj-
ónir punda í sinn hlut, eða tæpa 23
milljarða króna. Haldi sigurliðið
sér í ensku úrvalsdeildinni á næsta
tímabili getur upphæðin hækkað
upp í 280 milljónir punda.
Villa féll úr ensku úrvalsdeildinni
2016 eftir að hafa leikið í efstu deild
samfleytt í 28 ár. Fulham féll 2014
eftir að hafa leikið í ensku úrvals-
deildinni síðan 2001.
Birkir hefur komið við sögu í 29
leikjum með Villa á tímabilinu.
Liðið endaði í 4. sæti B-deildar-
innar og vann svo Middlesbrough í
undan úrslitum umspilsins.
Fulham byrjaði rólega en fór svo
í gang um áramótin, lék 23 leiki í
röð án taps og endaði í 3. sæti. Liðið
vann Derby County í undanúr-
slitum umspilsins og tryggði sér
sæti í úrslitaleiknum. Leikurinn í
dag verður fyrsti leikur Fulham á
Wemb ley síðan 1975 þegar liðið
tapaði fyrir West Ham í úrslitum
ensku bikarkeppninnar. – iþs
Birkir Bjarnason og félagar í Aston
Villa mæta Fulham á Wembley í dag.
NordicPHotoS/getty
Verðmætasti
leikur ársins
2
6
-0
5
-2
0
1
8

0
4
:3
9
F
B
1
4
4
s
_
P
1
1
9
K
.p
1
.p
d
f
F
B
1
4
4
s
_
P
1
1
0
K
.p
1
.p
d
f
F
B
1
4
4
s
_
P
0
2
6
K
.p
1
.p
d
f
F
B
1
4
4
s
_
P
0
3
5
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
E
A
-1
9
F
C
1
F
E
A
-1
8
C
0
1
F
E
A
-1
7
8
4
1
F
E
A
-1
6
4
8
2
7
5
X
4
0
0
.0
0
1
6
B

F
B
1
4
4
s
_
2
5
_
5
_
2
0
1
8
C
M
Y
K