Fréttablaðið - 26.05.2018, Blaðsíða 48

Útgefandi: 365 miðlar Veffang: frettabladid.isÁbyrgðarmaður: Elmar Hallgríms Hallgrímsson Sölumaður auglýsinga: Arnar Magnússon, arnarm@frettabladid.is, s. 512 5402
Bogfimisetrið var stofnað árið 2012 til að bæta aðgengi að bogfimi, sem var áður erfitt
að stunda hér á landi,“ segir Ásdís
Lilja Hafþórsdóttir, leiðbeinandi
hjá Bogfimisetrinu. „Það getur hver
sem er komið. Svo lengi sem þú
getur haldið á boga geturðu skotið.
Þau yngstu sem hafa komið voru
svona þriggja ára, svo það er ekkert
aldurstakmark.
Margir eru hissa á að hver sem
er geti komið, en þetta er mjög
aðgengilegt og skemmtilegt fyrir
alla,“ segir Ásdís. „Sumir gera þetta
bara sér til skemmtunar, við fáum
til dæmis alls kyns hópa til okkar,
en við fáum líka helling af fólki
sem æfir af alvöru.
Í sumar ætlum við að bjóða
upp á námskeið fyrir ungmenni á
aldrinum 12-20 ára. Námskeiðið
er í átta vikur og stendur yfir í júní
og júlí og því fylgir kort í Bog-
fimisetrið fyrir þessa tvo mánuði
þannig að þeir sem eru skráðir
á námskeiðið geta komið utan
æfingatíma og skotið eins og þeir
vilja,“ segir Ásdís. „Námskeiðið er
kennt mánudaga og miðvikudaga
frá kl. 16 til 17.30 og byrjar 4. júní.
Á námskeiðinu fær fólk leiðsögn
frá menntuðum þjálfurum sem
eyða miklum tíma með hverjum
nemanda og haga þjálfun eftir
þörfum hvers og eins, þannig að
það skiptir ekki máli á hvaða stigi
börnin eru,“ segir Ásdís. „Nám-
skeiðið kostar 24.000 krónur, en
mánaðarkort hjá okkur er á 12
þúsund krónur, þannig að þetta
er eins og að kaupa tvo mánuði
og fá æfingar og þjálfun með. Það
fylgir líka allur búnaður, svo það er
enginn aukakostnaður.
Ef fólk hefur áhuga á að halda
áfram er svo hægt að fara beint
á haustnámskeiðið, sem byrjar
snemma í ágúst,“ segir Ásdís. „Full-
orðnir geta líka komið til okkar á
grunnnámskeið í hverjum mánuði
til að læra að nota bogana.“
Bogfimi er aðgengileg fyrir alla
Í Bogfimisetrinu er hægt að læra allt í tengslum við bogfimi og bæði leika sér og æfa af alvöru. Í
sumar verður boðið upp á námskeið fyrir ungmenni þar sem þau geta fengið persónulega þjálfun.
Í sumar verður
námskeið
fyrir ungmenni á
aldrinum 12-20
ára á Bogfimi-
setrinu.
MYNDir/ErNir
Ásdís Lilja Hafþórsdóttir segir að
bogfimi henti öllum aldurshópum
og sé mjög aðgengileg.
Blaðamaður hafði mælt sér mót við sirkuslistamennina á Klambratúni fyrir mynda-
töku og viðtal. Þegar á hólminn
var komið var ekki hægt að vera
úti vegna rigningar svo viðtalið
og myndatakan voru færð inn
á Kjarvalsstaði og eftir að strák-
arnir sýndu ljósmyndara og öðrum
aðdáendum listir sínar voru þeir
spurðir nánar út í sumarið.
Benedikt Ingi: Við ætlum að halda
sirkusnámskeið á Klambratúni
í sumar. Það er opið fyrir alla en
kannski sérstaklega miðað að
börnum. En ef einhvern fullorðinn
langar að koma og læra að djöggla
er viðkomandi velkominn.
Steinn Kári: Við verðum hérna
frá ellefu til eitt alla góðviðris-
laugardaga í júní og júlí.
Jóhannes: Við nennum ekki að
standa hérna í úrhellisrigningu og
halda námskeið auk þess sem það
fer mjög illa með sirkusverkfærin
okkar.
Þremenningarnir hafa verið í
sirkusnámi hjá Æskusirkusnum
í fjögur ár og eru allir í djöggl-
deildinni.
Jóhannes: Æskusirkusinn er
hluti af Sirkus Íslands þannig að
við erum mikið að vinna með
fólkinu þar.
Benedikt Ingi: Og þar erum við
að læra allt sem okkur langar til.
Jóhannes: Allar sirkuslistirnar.
Steinn Kári: Við erum reyndar
ekki mikið í hnífakasti …
Benedikt Ingi: Nei. En við
djögglum með hnífa.
Jóhannes: Það er ekki nærri því
eins hættulegt.
Námið í Æskusirkusnum er
deildaskipt og þeir eru saman í
deild.
Jóhannes: Við erum allir í
djöggl-deildinni en sérhæfum
okkur í mismunandi verkfærum.
Steinn Kári: Djöggl snýst um
að láta hluti gera það sem þú vilt
að þeir geri. Þú getur notað hvað
sem er til að djöggla, það þurfa
ekkert endilega að vera boltar eða
keilur heldur getur verið hvað sem
er. Þegar körfuboltamaður snýr
bolta á puttanum á sér er hann að
djöggla.
Benedikt Ingi: Þetta er mjög
fjölbreytt. Ég er aðallega í bolta-
djöggli en er með keilur og hatta
líka.
Steinn Kári: Ég er aðallega í því
sem kallað er „poi“ og „diablo“. Í
poi er maður með band með ein-
hverri þyngd á endanum á bandinu
og sveiflar því í kringum sig.
Jóhannes: Ég er líka í diablo en
svo er ég líka á einhjóli og hef verið
að æfa mig á því.
Steinn Kári: Diablo er eiginlega
tvær skálar sem eru festar saman
á botninum og svo er maður með
band með tveimur prikum á end-
anum og notar bandið til að grípa
og kasta skálunum.
Jóhannes: Líka kallað kínverskt
jójó.
Benedikt Ingi: … eða kínversk
fuglahræða því þetta var uppruna-
lega búið til til að kasta upp í loft og
hræða fuglana. Þannig urðu flestir
djöggl-hlutir til, þegar fólk var að
leika sér með hluti úr daglegu lífi.
Ætlið þið að kenna fólki að nota
þessar græjur?
Steinn Kári: Já, og við ætlum að
vera með nógu mikið af græjum
fyrir alla til að æfa sig á.
Jóhannes: Svo ef þig langar til að
prófa eitthvað ákveðið þá verðum
við vonandi með græjur fyrir þig.
Steinn Kári: Og ef eftirspurnin
verður mikil eða það er spurt um
eitthvað sem við erum ekki með þá
getum við mögulega reddað því.
Þeir segjast eiga allar græjurnar
sjálfir og mörg sett af sumum sem
þeir hafa sankað að sér gegnum
námið.
Benedikt Ingi: Þetta eru ekki
neitt mjög dýrar græjur. Sirkus er
ekki mjög algengt áhugamál svo
sirkusgræjur eru í flestum tilfellum
búnar til heima hjá fólki sem er að
selja þær sjálft á netinu.
Steinn Kári: Þetta eru mjög
lífræn viðskipti ef svo má að orði
komast, beint samband á milli
þeirra sem búa til og þeirra sem
vilja kaupa. Við erum til dæmis
í sambandi við danskan hatta-
gerðarmann sem gerði djöggl-hatt-
ana okkar.
Jóhannes: Það eru ekki margir
sem vita að það er mikill munur á
djöggl-hatti og venjulegum hatti.
Steinn Kári: Djöggl-hattar eru
miklu þyngri en venjulegir hattar.
Benedikt Ingi: Það eru til margir
mismunandi djöggl-hattar. Það eru
til mjög harðir en svo er hægt að
velja hvað þeir eru þungir og bara
alls konar tegundir. Okkar eru með
þreföldu lagi af filti í staðinn fyrir
einfalt lag í venjulegum hatti. Við
sérpöntum okkar hatta eftir þeirri
þykkt sem við viljum og litina og
allt það.
Steinn Kári: Og hattarnir okkar
eru líka sérsniðnir á okkur.
Í fyrrasumar lagði hluti Æsku-
sirkussins land undir fót og kynnti
sér sirkuslistir í öðrum löndum.
Steinn Kári: Já, við fórum á
sirkusnámskeið í fyrra í Svíþjóð.
Jóhannes: Það var mjög gaman
að hitta hundrað aðra krakka
sem eru að æfa sirkus því yfirleitt
hittum við bara krakkana sem eru
með okkur í Æskusirkusnum.
Benedikt Ingi: Já, það var frá-
bært að kynnast krökkum með
sama áhugamál og líka sirkuslífi í
öðrum löndum.
Strákarnir eru allir saman í
Háteigsskóla og eru þekktir innan
skólans fyrir sirkuslistir.
Benedikt Ingi: Krökkunum
fannst fyrst dálítið skrýtið þegar
við vorum að æfa okkur að djöggla
á göngunum og komu og horfðu á
og vildu fá að prófa en nú eru þau
orðin vön þessu.
Jóhannes: Við höfum nokkrum
sinnum sýnt á hæfileikakeppnum
og við önnur tilefni í skólanum.
Steinn Kári: Við gerðum einu
sinni atriði þar sem við vorum með
öll verkfærin sem við höfum talað
um hérna nema að við vorum búin
að tengja ljós við þau. Það var alveg
myrkur og það kom ofboðslega
vel út.
Hvað tekur við eftir Æskusirkus?
Jóhannes: Æskusirkusinn átti
bara að vera upp í sextán ára en nú
erum við allir að verða sextán svo
við verðum líklegast áfram í Æsku-
sirkusnum þangað til við verðum
átján og þá færum við okkur yfir í
Sirkus Íslands.
Benedikt Ingi: Við erum nokkur
búin að vera að æfa með Sirkus
Íslands í vetur og mætum þá líka á
fullorðinsæfingarnar.
Steinn Kári: Okkur var boðið að
sýna með Sirkus Íslands í fyrra, á
barnasýningunni, svo við erum að
fikra okkur yfir í sirkusheiminn.
Erum líklega svona sirkusungl-
ingar.
Þeir viðurkenna að vera ekki
mikið farnir að huga að framtíðar-
störfum en sirkus er þó klárlega
inni í myndinni.
Jóhannes: Það er hægt að
taka háskólapróf í sirkuslistum í
útlöndum. Við þekkjum nokkra
hjá Sirkus Íslands sem gerðu það
og það hljómar mjög spennandi.
Steinn Kári: Kannski ekki mikl-
ir atvinnu- eða valmöguleikar með
þannig nám hér á Íslandi núna en
við vonum að það breytist.
Jóhannes: Það er samt rosalega
mikil sérhæfing í sirkuslistum. Þú
þarft að vera alveg viss um að þú
viljir gera einmitt þetta.
Benedikt Ingi: En við ætlum að
sjálfsögðu að halda áfram í sirkus
þó við séum að fara í framhalds-
skóla.
En aftur að sirkusfjörinu á
Klambra túni sem hefst laugar-
daginn 9. júní.
Steinn Kári: Við fengum styrk
frá Reykjavíkurborg til að halda
þessi sirkusnámskeið í sumar og
erum mjög spenntir fyrir þessari
sumarvinnu.
Jóhannes: Og við verðum
kannski líka að vinna sem sirkus-
dýr með Sirkus Íslands, búa til
kandífloss og taka saman í tjaldinu
og þannig.
Steinn Kári: Við byrjuðum
allir á sumarnámskeiði hjá Sirkus
Íslands og við vonum að það komi
margir að æfa með okkur og prófa
allar græjurnar í sumar á Klambra-
túni.
Sirkusfjörið á Klambratúni verður
ókeypis og fer fram alla laugar-
daga í júní og júlí ef veður leyfir.
Áhugasamir geta fylgst með á
Facebook-síðunni Sirkusfjör á
Klambratúni.
Brynhildur
Björnsdóttir
brynhildur@frettabladid.is
Hér má sjá Stein leika listir sínar með diablo, Benni hendir keilurnar á lofti og
Jói býr sig undir að kasta hattinum á höfuðið. MYND/EYþór
2 KYNNiNGArBLAÐ 2 6 . M A Í 2 0 1 8 L AU G A R DAG U RSuMAr & BörN
2
6
-0
5
-2
0
1
8

0
4
:3
9
F
B
1
4
4
s
_
P
0
9
7
K
.p
1
.p
d
f
F
B
1
4
4
s
_
P
0
9
6
K
.p
1
.p
d
f
F
B
1
4
4
s
_
P
0
4
8
K
.p
1
.p
d
f
F
B
1
4
4
s
_
P
0
4
9
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
E
A
-8
6
9
C
1
F
E
A
-8
5
6
0
1
F
E
A
-8
4
2
4
1
F
E
A
-8
2
E
8
2
7
5
X
4
0
0
.0
0
1
7
B

F
B
1
4
4
s
_
2
5
_
5
_
2
0
1
8
C
M
Y
K