Morgunblaðið - 03.01.2018, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 3. JANÚAR 2018
Að loknum veisluhöldum um jól og áramót flykkist
landinn í líkamsræktarstöðvarnar sem aldrei fyrr.
Hrönn Svansdóttir, framkvæmdastjóri Crossfit
Reykjavík segir að líkamsræktin byrji vel eftir hátíð-
arnar.
„Crossfit Reykjavík hefur haft opið alla daga ársins
frá árinu 2010. Við höfum haft opið upp á hvern einasta
dag hvort sem það er jóladagur, nýársdagur eða páska-
dagur. Það eru margir sem vilja æfa á hátíðisdögum og
sleppa aldrei úr degi. Við komum til móts við þá með
því að hafa opið í stuttan tíma þá daga. Það er oft mikil
stemming á hátíðisdögum og fjölskyldan kemur öll
saman. Þau yngstu fara í barnapössun á meðan aðrir í
fjölskyldunni taka á í stöðinni,“ segir Hrönn.
Hún segir að aðsókn hafi verið góð þá tvo daga sem
liðnir eru af árinu.
Fá góða kennslu og hafa gaman af
Hrönn segir að þeir sem séu að byrja að hreyfa sig
verði að passa sig á því að fara ekki of geyst af stað.
„Fólk á að velja hreyfingu sem það hefur gaman af
og fá góða kennslu og leiðbeiningar í upphafi. Þeir sem
ekki hafa stundað líkamsrækt lengi og ætla að æfa í
Crossfit þurfa að byrja á grunnnámskeiði sem stendur í
fjórar vikur,“ segir Hrönn og bætir við að heilbrigði og
heilsa ætti að vera aðalmarkmið líkamsræktar.
Líkamsrækt í ársbyrjun
Morgunblaðið/Árni Sæberg
Laugar Mikil aðsókn var í Laugar World Class þegar ljósmyndara Morgunblaðsins bar að garði. Svipaða sögu var að
segja frá öðrum líkamsræktarstöðvum landsins. Það á m.a. við um Crossfit Reykjavík þar sem mikið er um að vera.
Líkamsræktin tekin með trompi
GRAN CANARIA
23. janúar í 7 nætur
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
án
fyr
irv
ar
a.
Frá kr.
79.995
Sólarferð til
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Helgi Bjarnason
helgi@mbl.is
Eftirlit lögreglu og Neytendastofu
með sölu og notkun skotelda í lok
síðasta árs og byrjun þessa hefur
gengið vel til þessa. Ekki hafa verið
gerðar margar athugasemdir. Hins
vegar er erfitt, eðli málsins sam-
kvæmt, að koma í veg fyrir að ein-
staklingar skjóti upp flugeldum og
sprengi á ókristilegum tíma.
Lögreglustjórum og Neytenda-
stofu er falið að hafa eftirlit með
sölu og notkun skotelda samkvæmt
nýrri reglugerð sem innanríkisráðu-
neytið gaf út á síðasta ári. Þar er
kveðið á um að allir skoteldar sem
hér eru seldir skuli hafa CE-merk-
ingu. Það þýðir að framleiðandi
þeirra lýsir yfir að þeir standist
fjölmargar lágmarkskröfur sem
gerðar eru í Evrópu, meðal annars
um öryggi og innihald mengandi
efna.
Neytendastofa kannaði málin á
höfuðborgarsvæðinu fyrir áramótin
og gerði athugasemdir við nokkrar
vörur. Guðrún Bjarnadóttir, gæða-
stjóri Neytendastofu, segir að al-
mennt megi segja að vörurnar séu í
þokkalegu lagi. Ekki hafi borist
neinar tilkynningar um galla í skot-
eldum, það sem af er. Það sé alveg
nýtt. Tekur hún fram að lögreglan
hafi ekki fengið upplýsingar um
hvort galli var í skottertu sem
sprakk með miklum látum á götu í
Vesturbænum eða hvort rangri
meðhöndlum var um að kenna.
Samkvæmt myndbandi sem farið
hefur víða virðist atvikið hafa valdið
hættu fyrir fólk.
CE-merkingin gildir á öllu Evr-
ópska efnahagssvæðinu þannig að
ekki er verið að selja hér skotelda
sem bannaðir eru annars staðar.
Þorsteinn Jóhannsson, sérfræðing-
ur hjá Umhverfisstofnun, segir að
þessar reglur eigi að tryggja að
þungmálmar og þrávirk efni séu
undir ákveðnum mörkum. Hann
getur þess að mengunin á gamlárs-
kvöld hafi stafað af svifryki sem
verði til þegar miklu er skotið upp á
litlu svæði. Veður var þannig að
menguninni blés ekki jafnóðum í
burtu.
Lítið sem lögreglan getur gert
Í reglugerðinni er tíminn sem
skjóta má upp flugeldum styttur
um þrjár klukkustundir á dag.
Skoteldana má nota frá 28. desem-
ber til 6. janúar, að báðum dögum
meðtöldum, frá klukkan 10 að
morgni til 10 að kvöldi. Áður var
leyft að skjóta upp frá 9 að morgni
og til miðnættis.
Oddur Ólafsson lögreglumaður
segir að áramótin hafi gengið nokk-
uð snurðulaust fyrir sig. Hann seg-
ist ekki hafa heyrt um það að meira
hafi verið kvartað undan flugelda-
skotum á nóttunni en áður. Lög-
reglan sé send á staðinn, þegar til-
kynnt er um slíkt, ef tök eru á. Eðli
málsins samkvæmt sé atburðurinn
löngu um garð genginn þegar lög-
reglan kemur og því lítið hægt að
gera. Hann segir að höfða verði til
fólks um að sýna almenna kurteisi
með því að skjóta ekki upp flug-
eldum eftir að fólk er almennt
gengið til náða. Einnig verði fólk að
reyna að sýna umburðarlyndi á
meðan þessi tími stendur yfir.
Aukið öryggi og minni mengun
 CE-merkingar krafist á öllum skoteldum, sem seldir eru hér á landi, samkvæmt nýrri reglugerð
 Sömu kröfur og annars staðar í Evrópu  Ákvæði um hámark á þungmálmum og þrávirkum efnum
Morgunblaðið/Hari
Flugeldar Allt sem fer upp kemur aftur niður, stendur á vef Sorpu.
Magnús Heimir Jónasson
mhj@mbl.is
Áramótaskaupið 2017 mældist með
72% áhorf samkvæmt bráðabirgða-
tölum RÚV. Svokallað VOD áhorf
og tímaflakk er ekki talið með inni í
þeirri tölu og er
búist við því að
endanlegar
áhorfstölur fyrir
Áramótaskaupið
2017 verði í það
minnsta 75%,
samkvæmt upp-
lýsingum frá
RÚV.
Það er meira
áhorf en á Ára-
mótaskaupið 2016, sem mældist
með 73% endanlegt áhorf. Skaupið
var auk þess með 99,1% hlutdeild
þeirra sem voru að horfa á sjón-
varp (mældar sjónvarpsstöðvar).
Að sögn Skarphéðins Guðmunds-
sonar, dagskrárstjóra RÚV, var
kostnaðurinn við skaupið svipaður
og undanfarin ár, eða um 30 millj-
ónir króna.
Áhorf breytilegt eftir árum
Áhorf á Áramótaskaupið hefur
breyst mikið á undanförnum árum.
Árið 2011 voru endanlegar áhorfs-
tölur Áramótaskaupsins 86,3% af
þjóðinni. Árið eftir voru endanlegar
áhorfstölur 82,5%. Áhorfið jókst ör-
lítið að nýju 2013 og mældist end-
anlegt áhorf 82,7%. Árið 2014 fór
áhorfið hins vegar niður um heil
10% og var endanlegt áhorf 72,6%.
Áhorf Íslendinga á Áramótaskaup-
ið batnaði hins vegar töluvert árið
eftir og náði 83,7% árið 2015.
Almennt virtust Íslendingar
ánægðir með áramótaskaupið í ár
ef dæma má af samfélagsmiðlum
og fjölmiðlaumfjöllun.
Fleiri horfðu á
Áramótaskaupið
Skarphéðinn
Guðmundsson
 RÚV áætlar meira áhorf nú en ári fyrr