Morgunblaðið - 03.01.2018, Qupperneq 16

16 DAGLEGT LÍF
MORGUNBLAÐIÐ MIÐVIKUDAGUR 3. JANÚAR 2018
Skammdegið hentar sérlega vel til
hverskonar íþróttaiðkunar og ótal
margt er þar í boði. Auk þess er
gaman að taka upp á einhverju nýju
í byrjun nýs árs, sumir vilja lyfta níð-
þungum lóðum á meðan öðrum
hentar eitthvað átakaminna. Fyrir þá
sem hafa áhuga á jóga væri hægt að
skoða það sem er í boði á Jógasetr-
inu í Reykjavík, en þar er m.a. boðið
upp á parajóga sem hefst nk. sunnu-
dag, 7. janúar. Á viðburðasíðu kemur
fram að í parajóga séu allir velkomn-
ir sem hafa félaga með sér, hvort
sem það er maki, vinur eða fjöl-
skyldumeðlimur. Pör sem eiga von á
barni eru líka velkomin. Gerðar
verða jógaæfingar og stöður í sam-
einingu.
Fyrir þá sem eru orðnir sextugir
fer Jógasetrið af stað með jóga sem
ætlað er fyrir 60 ára og eldri nk.
þriðjudag, 9. janúar, enda aldrei of
seint að hefja jógaiðkun. Í lýsingu
námskeiðsins kemur fram að jógað
sé gert á stólum og gólfi, þar sem
boðið er upp á rólegar æfingar eftir
getu hvers og eins. Fólki er velkomið
að koma og prófa. Skráning á
heimasíðunni jogasetrid.is eða með
því að senda póst jogasetrid@joga-
setrid.is eða mæta í Skipholti 50c.
Gaman er að prófa eitthvað nýtt á nýju ári
Hví ekki að skella sér í parajóga
eða í jóga fyrir 60 ára og eldri?
Morgunblaðið/Ómar
Jóga Hér má glögglega sjá hvernig jóga bætir, hressir og eykur liðleika.
Vilhjálmur A. Kjartansson
vilhjalmur@mbl.is
Bjarni Már Magnússon, Ís-landsmeistari í körfu-bolta og dósent í lög-fræði, hefur ásamt þeim
Hafrúnu Kristjánsdóttur, sviðs-
stjóra íþróttafræðisviðs Háskólans
í Reykjavík, og Margréti Lilju
Guðmundsdóttur, aðjunkt við
íþróttafræðisvið sama skóla, rann-
sakað jafnrétti kynjanna í íþrótt-
um hér á landi. Hann og Hafrún
kynntu nýlega hluta rannsóknar-
innar í Vínarborg og er margt sem
kemur þar á óvart að hans mati.
„Eiginkona mín, Hildur Sig-
urðardóttir, þjálfar kvennalið
Breiðabliks í körfubolta og ég á
strák og stelpu sem bæði æfa
körfubolta með Blikum. Auk þess
spila ég sjálfur og varð Íslands-
meistari með B-liði KR síðasta
vetur, staðreynd sem fjölmiðlar,
stjórnvöld og nærsamfélagið hafa
reynt að þegja í hel. Þetta er því
viðfangsefni sem er mér nærri,“
segir Bjarni en rannsóknin hefur
dregið ýmislegt áhugavert fram í
dagsljósið.
„Enn er verið að vinna að
gagnasöfnun og úrvinnslu en við
erum þegar búin að sjá margt for-
vitnilegt í fyrstu tölum. Launa-
munur karla og kvenna í hand-
bolta er til dæmis minni heldur en
við héldum. Á móti kemur að al-
gengara er að stelpurnar fái ekki
greitt á tilsettum tíma miðað við
strákana.“
Lögin og veruleikinn
Rannsókn þeirra Bjarna, Haf-
rúnar og Margrétar nær eingöngu
til knattspyrnu, körfubolta og
handbolta en sjálfur telur Bjarni
ekki vitlaust að kanna fleiri
íþróttagreinar.
„Þetta eru rótgrónar íþróttir
þar sem karlmenn hafa verið nán-
ast einir í sviðsljósinu þangað til
nýlega. Ég er með þá tilgátu að í
nýrri íþróttagreinum sé minni
tregða og kannski bara önnur við-
horf sem stuðla að jafnari stöðu
kynjanna.“
Spurður hvort tillit sé tekið til
áhorfs og tekna, segir Bjarni
rannsóknina ekki snúa eingöngu
að launamun heldur aðstöðu, æf-
ingatíma, fjárstuðningi hins op-
inbera o.fl.
„Við þurfum að aðskilja upp-
eldisstarfið frá afreksstarfinu, þó
við könnum hvort tveggja. Þannig
skoðum við hvort t.d. strákar fái
almennt betur menntaða þjálfara,
betri æfingatíma og aðstöðu. Hið
opinbera styrkir íþróttafélög og
íþróttahreyfinguna mikið, bæði
beint og óbeint, og eðlilegt að allir
iðkendur njóti jafnra tækifæri og
sömu aðstöðu innan hvers félags,“
segir Bjarni og bendir á að vissu-
lega komi afreksdeildir karla oft
inn með mikið fjármagn í formi
styrkja, miðasölu og fleiri þátta.
„Þrátt fyrir það að tekjurnar
kunni að vera meiri í karlabolt-
anum þarf engu að síður að standa
við samninga sem gerðir eru við
stelpurnar. Það er lágmarks-
krafa.“
Lögfræðileg spurning
Bjarni er hvað þekktastur fyr-
ir sérfræðikunnáttu sína á sviði
hafréttar en auk þess að vera með
lögfræðipróf og MA-gráðu í al-
þjóðasamskiptum frá Háskóla Ís-
lands er Bjarni með LLM-gráðu í
haf- og strandrétti frá lagadeild
Miami-háskóla og doktorsgráðu í
þjóðarétti frá Edinborgarháskóla.
Spurður hvernig kynjarannsóknir í
íþróttum hafi vakið áhuga hans og
komið inn á hans borð verður
hann sposkur á svip og segir hlæj-
andi „Ég er náttúrlega Íslands-
meistari í körfubolta.“
En að öllu gamni slepptu
bendir hann á að þarna skorti
rannsóknir, m.a. um hvaða reglur
gilda og hvaða skyldur hvíla á rík-
inu og sveitarfélögum.
„Það er svolítið þannig með
okkur fræðimennina að við hopp-
um á þær rannsóknir sem eru í
boði ef okkur þykir þær áhuga-
verðar. Í raun hófst þetta með
umræðum heima hjá mér sem ég
hélt svo áfram með á svokölluðum
föstudagspöbb uppi í háskóla. Allt
í einu var síðan kominn styrkur og
við komin á fulla ferð,“ segir
Bjarni. Forvitnilegt verður að sjá
hvað endanleg niðurstaða rann-
sóknarinnar leiðir í ljós en fleiri
niðurstöður verða kynntar á næsta
ári, en Háskólinn í Reykjavík mun
vera gestgjafi 11th meeting of the
Transnational Working Group for
the Study of Gender and Sport
sem í lauslegri þýðingu er ellefti
fundur alþjóðlegs vinnuhóps um
kynjarannsóknir í íþróttum.
Íslandsmeist-
ari rannsakar
jafnrétti
Fá stelpur jafn góða æfingatíma og strákar?
Eru laun kvenna hærri í íþróttaheiminum en karla?
Hverja þjálfa bestu þjálfarar landsins? Þetta og
ýmislegt fleira rannsakar hópur úr Háskólanum
í Reykjavík. Bjarni Már Magnússon er einn
af þessum rannsakendum.
Morgunblaðið/Golli
Hafréttarfræðingur Bjarni Már segir lágmarkskröfu að standa við samninga sem gerðir eru við stelpurnar.
Fögnuður Bjarni fagnar hér með félögum sínum í KR eftir að hafa landað
Íslandsmeistaratitli B-liða í körfuknattleik. Ánægjan leynir sér ekki.
www.VBL.is REYKJAVÍK
Krókháls 5F
110 Reykjavík
Sími: 414-0000
AKUREYRI
Baldursnes 2
603 Akureyri
Sími: 464-8600
KEÐJUVIÐGERÐAREFNI OG KEÐJUTANGIR
Keðjurnar eru til í mörgum gerðum og í öllum
mögulegum stærðum á vinnuvélar, vöru- og
flutningabifreiðar, dráttarvélar og lyftara
FRAMÚRSKARANDI NORSKAR KEÐJUR
Hlekkir • Keðjulásar • Krækjur • Krókar
Krossbandakeðjur • Ferkantakeðjur • Þverbandakeðjur
Mottukeðjur • Zik-zak keðjur • Zik-zak keðjur