Morgunblaðið - 03.01.2018, Síða 74

74 MENNING
MORGUNBLAÐIÐ MIÐVIKUDAGUR 3. JANÚAR 2018
» Listahátíð Sigur Rósar, Norður og niður, lauk30. desember í Hörpu og var mikið um dýrðir.
Meðal þeirra sem fram komu voru Íslenski dans-
flokkurinn sem sýndi tvö verk, Jarvis Cocker,
Julianna Barwick, Stars of the Lid og elektró-
pönkarinn Peaches.
Vel heppnaðri listahátíð Sigur Rósar, Norðu
Kraftur Íslenski dansflokkurinn sýndi ný dansverk í Flóa.
Peter Martins,
hinn áhrifamikli
listræni stjórn-
andi New York
City Ballet til
fjölmargra ára,
tilkynnti afsögn
sína á mánudag.
Hann hafði verið
ásakaður um
kynferðislega
áreitni og um að
áreita dansara flokksins bæði and-
lega og líkamlega. Martins, sem er
71 árs gamall, hafði áður verið
aðalkarldansari ballettflokksins frá
1970.
Fimm dansarar flokksins, og þar
á meðal einn sem enn er í honum,
stigu fram og lýstu í grein í The
New York Times ofbeldisfullri
framkomu Martins í orðum og
gerðum, allt aftur til ársins 1993.
Síðan hefur þeim dönsurum fjölgað
sem lýsa viðlíka framkomu, eru nú
24, og þá er hann sagður hafa stutt
sérstaklega dansara sem hann hef-
ur átt í líkamlegu sambandi við.
Í uppsagnarbréfinu sem Martins
sendi stjórn dansflokksins hafnar
hann ásökununum með öllu.
Martins sagði upp
vegna ásakana
Peter Martins
Á árlegum heið-
urslista Elísabet-
ar II. Breta-
drottningar, sem
birtur er við ára-
mót, kemur fram
að meðal þeirra
sem hún veitir
riddaratign er
Ringo Starr,
trommuleikari
Bítlanna.
Starr, sem er 77 ára gamall, hlýt-
ur riddaratign tveimur áratugum á
eftir Paul McCartney, hinum eftir-
lifandi meðlim Bítlanna. „Sir Rich-
ard Starkey, það hljómar vel,“
skrifaði McCartney í Twitter-
færslu. Starr svaraði að það væri
heiður að hljóta upphefðina, fyrir
tónlistina og góðgerðarstörf sín.
Meðal annarra sem hljóta ridd-
aratign er Barry Gibb, hinn eini eft-
irlifandi af bræðrunum í Bee Gees.
Riddarinn Sir
Richard Starkey
Sir Ringo Starr
Silja Björk Huldudóttir
silja@mbl.is
„Það hefur lengi staðið til að koma
tónlistinni á disk,“ segir Sigurður
Flosason um 26 sálma úr hans fórum
við ljóð Aðalsteins Ásbergs Sigurðs-
sonar sem kammerkórinn Schola
cantorum flytur undir stjórn Harðar
Áskelssonar á diski sem nefnist
Sálmar á nýrri öld. Að sögn Sig-
urðar komu flestir sálmarnir út á
samnefndri bók hjá Skálholtsútgáf-
unni 2010 og það sama ár flutti
Schola cantorum stóran hluta þeirra
á tónleikum í Hallgrímskirkju.
„Í haust sem leið hélt Schola can-
torum tónleika á Lúthersdögum í
Hallgrímskirkju þar sem kórinn
flutti 20 af 26 sálmum disksins,
þannig að þau voru vel undirbúin
fyrir upptökurnar,“ segir Sigurður,
en þær fóru fram í Hallgrímskirkju
seint á síðasta ári en upptökustjóri
var Håkan Ekman.
Taki undir í öðru erindi
„Þessir sálmar eru samdir með
það að markmiði að vera til notk-
unar við merkisatburði manns-
ævinnar eins og þeir tengjast kirkj-
unni, þ.e. skírn, fermingu, hjóna-
vígslu og útför sem og stórhátíðir
kirkjuársins, þ.e. jólin og páska.
Þegar ég var að semja þessa tónlist
á sínum tíma hugsaði ég mikið um
það hvað sálmur er. Hann þarf að
vera þannig að hann sé lagrænn
þannig að fólk geti lært lagið fljótt
og helst tekið undir strax í öðru er-
indinu. Þá þarf lagið að vissu leyti að
vera einfalt og grípandi. Það þarf
hins vegar líka að vera áhugavert,
skemmtilegt og spennandi fyrir tón-
listarfólkið sem flytur það og það
birtist fyrst og fremst í hljómsetn-
ingunni. Það þurfa að vera ein-
hverjir snúningar sem fanga athygli
flytjenda og þeirra kirkjugesta sem
hafa þekkingu á tónlist,“ segir Sig-
urður og tekur fram að tvær gerðir
sálma séu á diskinum.
„Annars vegar eru þetta sálmar
við ljóð sem við Aðalsteinn bjuggum
til beinlínis til notkunar í kirkjunni.
Hins vegar samdi ég við ljóð eftir
Aðalstein úr eldri ljóðabókum hans
sem hafa trúarlegan eða andlegan
undirtón. Það eru óreglulegri ljóð og
við þau er óreglulegri músík, eins og
lítil kórverk. Hátt í tíu af 26 lögum
disksins eru því trúartengd kirkju-
leg músík, sem er ekki beint hefð-
bundnir sálmar til safnaðarnotk-
unar. En eftir stendur að meirihluti
laganna eru praktískir sálmar með
alveg ákveðið notagildi,“ segir Sig-
urður og tekur fram að það gleðji sig
hversu vel kirkjan hafi tekið efninu,
en nótnabókin Sálmar á nýrri öld er
til í ýmsum kirkjum og nokkrir
sálmanna munu rata inn í væntan-
lega sálmabók íslensku þjóðkirkj-
unnar.
Ein stærsta innspýting
En hverjum er diskurinn ætlaður?
„Diskurinn er fyrir alla sem hafa
áhuga á kórtónlist og nýrri íslenskri
tónlist á hvaða sviði sem er og alla þá
sem tengjast kirkjunni á einhvern
hátt, þ.e. organista, kórstjóra, kór-
söngvara, presta og kirkjugesti, því
tónlistin er sérstaklega ætluð ís-
lensku kirkjunni. Nú ætla ég ekki að
leggja mat á eigin verk, en ég held
að ég geti sagt að þetta sé líklega ein
stærsta innspýting í einum skammti
af nýju sálmaefni fyrir kirkjuna.
Þetta kemur ótilhvatt að mestu, en
rétt er að geta þess að Hörður pant-
aði einn sálminn fyrir Sálmafoss sem
haldinn hefur verið árlega í Hall-
grímskirkju síðustu ár þar sem verið
er að hvetja íslenska höfunda til að
búa til sálma,“ segir Sigurður og vís-
ar þar til sálmsins „Lifandi Guð“.
Góður hljómur eykur gildið
Að sögn Sigurðar lögðu þeir Aðal-
steinn mikið upp úr því að diskurinn
hljómaði sem best og því fengu þeir
Håkan Ekman frá Svíþjóð til að sjá
um upptökurnar. „Ég hef notið þess
að starfa með honum áður þegar
kammerkórinn Hymnodia tók upp
disk í Síldarverksmiðjunni á Hjalt-
eyri. Þar kynntist ég því aðeins
hversu frábært það er að vinna með
svona góðum upptökustjóra sem er
sérfræðingur í kórmúsík. Við feng-
um hann því til landsins til að upp-
tökurnar yrðu eins góðar og kostur
væri hljóðlega, sem aftur eykur gildi
disksins til hlustunar.“
„Grípandi og áhugavert“
 Sálmar á nýrri öld eftir Sigurð Flosason við ljóð Aðalsteins Ásbergs Sigurðs-
sonar eru komnir út á diski í flutningi kammerkórsins Schola cantorum
Ljósmynd/Gunnar Freyr Steinsson
Hljómur Schola cantorum ásamt Herði Áskelssyni stjórnanda. Diskurinn var tekinn upp í Hallgrímskirkju.
Ljósmynd/Álfgrímur Aðalsteinsson
Höfundar Aðalsteinn Ásberg Sigurðsson og Sigurður Flosason.
Suðurhrauni 4210 Garðabæ | Furuvellir 3 600 Akureyri | Sími 575 8000 | samhentir.is
Heildarlausnir
í umbúðum og öðrum rekstrarvörum
fyrir sjó- og landvinnslu
◆ KASSAR
◆ ÖSKJUR
◆ ARKIR
◆ POKAR
◆ FILMUR
◆ VETLINGAR
◆ HANSKAR
◆ SKÓR
◆ STÍGVÉL
◆ HNÍFAR
◆ BRÝNI
◆ BAKKAR
◆ EINNOTA VÖRUR
◆ HREINGERNINGAVÖRUR
Allt á
einum
stað