Morgunblaðið - 17.01.2018, Blaðsíða 14

14 FRÉTTIRInnlent
MORGUNBLAÐIÐ MIÐVIKUDAGUR 17. JANÚAR 2018
ÖFLUG LAUSN VIÐ HÁLSBÓLGU!
Bólgueyðandi og verkjastillandi
munnsogstafla við særindum í hálsi
HUNANGS
OG SÍTRÓNU-
BRAGÐ
APPELSÍNU-
BRAGÐ
SYKURLAUST
Strefen 8,75 mg munnsogstöflur og
Strefen Orange 8,75 mg Sukkerfri,
munnsogstöflur. Innihalda flurbiprofen.
Strefenernotaðsemskammtímameðferð
til að draga tímabundið úr særindum í
hálsi hjá fullorðnum og börnum eldir en
12 ára. Sjúga skal eina munnsogstöflu
rólega og láta leysast upp í munni á
3-6 klst. fresti eftir þörfum, mest 5 töflur
á sólahring. Ekki er ráðlagt að nota lyfið
lengur en í 3 sólarhringa. Lesið vandlega
upplýsingar á umbúðum og fylgiseðli fyrir
notkun. Leitið til læknis eða lyfjafræðings
sé þörf á frekari upplýsingum um áhættu
og aukaverkanir.
Sjá nánari upplýsingar um lyfið á
www.serlyfjaskra.is.
Magnús Heimir Jónasson
mhj@mbl.is
„Þetta er bara fyrir neðan allar
hellur. Það fyllast öll dekk hjá okk-
ur og hefur áhrif á alla akstureig-
inleika bílanna,“ segir Rafn Harð-
arson, vörubílstjóri hjá flutnings-
fyrirtækinu Sigga danska ehf. Rafn
ók austur til Hornafjarðar í gær og
segir að slæmt ástand þjóðvegarins
hafi valdið því að mikil tjara safn-
aðist upp í dekkjum vörubílsins og
gerði aksturinn afar hættulegan.
Sigurður Hafsteinsson, eigandi
Sigga danska ehf., segir að nauð-
synlegt sé að
grípa til aðgerða
en vörubílstjórar
hafa ítrekað bent
á vandamálið.
„Þetta er orðið
það mikið í
dekkjunum núna
að bílarnir missa
aksturseiginleika.
Þetta voru fimm
bílar í gær; einn
frá mér og fjórir
aðrir, og voru þeir allir í vandræð-
um. Þeir héldu að það væri sprung-
ið á bílunum, þeir létu svo illa,“ seg-
ir Sigurður og bætir við að
bílstjórarnir séu búnir að fá nóg.
„Þetta er búið að vera svona undan-
farin ár. Vegagerðin segist alltaf
vera að athuga málið og skoða hlut-
ina,“ segir Sigurður og bendir á að
svipuð vandamál hafi komið upp áð-
ur á Vestur- og Norðurlandi. „Þetta
er ekki bara á Austurlandi, þetta er
allt landið. Þetta kemur upp á vet-
urna hjá okkur og það er aldrei gert
neitt í þessu.“ Hann bendir jafn-
framt á að vörubílar eru skyldaðir
til að vera með munstur á dekkj-
unum sínum sem ná ákveðinni dýpt
en þegar dekkin fyllast svona af
skít er ekkert eftir af því mynstri.
„Bílarnir verða alveg ómögulegir í
stýri, það er alveg hræðilegt að
lenda í þessu og ofan á það eru veg-
irnir rosalega mjóir fyrir austan.
Það er bara verið að bíða eftir því
að við keyrum framan á einhverja
rútu svo eitthvað gerist.“
Reynir Gunnarsson, rekstrar-
stjóri hjá Vegagerðinni, staðsettur
á Höfn í Hornafirði, segir Vega-
gerðina vita af vandanum. „Við er-
um búin að fá kvartanir um þetta
síðan í gær. Við fórum og skoðuðum
þessa kafla og fundum ekki neitt
sjáanlegt. Þetta virðist hafa komið
aftur í gærkvöldi og í morgun. Það
finnst svosem ekkert en það er líka
allt frosið. Það er maður á leiðinni
að sunnan sem ætlar að hjálpa okk-
ur að taka þetta út,“ segir Reynir.
Spurður hvað hægt sé að gera segir
Reynir að fyrst verði að finna hvaða
vegarkafli veldur þessu. „Það er
svosem ekki mikið annað en að
dreifa sandi á þessa kafla ef maður
finnur þá. Þetta er alveg rétt hjá
þeim [vörubílstjórunum] að þetta er
mjög slæmt og getur verið hættu-
legt. Við ætlum að skoða hvað er
hægt að gera og finna hvar þetta
er.“
Ástand vega á Austur-
landi ógnar öryggi
 Vörubílstjórar ósáttir við aðgerðaleysi Vegagerðarinnar
Hætta Mynstrið í dekkjunum fyllist af drullu og gerir akstur afar erfiðan.
Sigurður
Hafsteinsson
Ljósmyndir/Rafn Harðarson
Eftir akstur austur Tjara úr malbikinu festist í dekkjunum. Ásamt tjörunni safnast fyrir sandur og alls kyns skítur.
Erna Ýr Öldudóttir
ernayr@mbl.is
„Heimilisfriður“ er meðferðar-
úrræði fyrir gerendur heimilis-
ofbeldis og heyrir undir velferðar-
ráðuneytið. Það byrjaði sem „Karlar
til ábyrgðar“ árið 1998 að norskri
fyrirmynd.
„Meirihluti þeirra sem koma er
karlar. Ekki af því að þeir beiti meira
ofbeldi heldur af því að ofbeldið er
grófara og afleiðingarnar verða mun
verri. En hugmyndir um að aðeins
karlar beiti ofbeldi eru auðvitað barn
síns tíma,“ segir Andrés Proppé
Ragnarsson, klínískur sálfræðingur
hjá Sálfræðingum Höfðabakka.
Einnig er boðið upp á úrræði fyrir
konur sem gerendur síðan 2014.
„Ætli það séu ekki liðlega 800
manns sem hafa komið frá byrjun ár-
ið 1998. Árið 2014 gerði Háskóli Ís-
lands árangursmat á okkur og talaði
við alla sem höfðu komið í meðferð
og maka þeirra. Af þeim sem svör-
uðu hafði líkamlegt ofbeldi hætt hjá
nánast öllum, andlegt ofbeldi hafði
hætt eða minnkað hjá flestum en það
sem var e.t.v. mest um vert var að
lífsgæði höfðu aukist verulega hjá
þeim og mökum þeirra líka.“
Vanmáttur í ögrandi aðstæðum
Aðferðin byggist á að ofbeldið sé
persónulegt vandamál og á ábyrgð
gerandans, sem komi því hann vilji
breytast. Beitt er sálfræðilegum að-
ferðum eins og hugrænni atferlis-
meðferð o.fl. Um ástæður ofbeldisins
segir Andrés þær vera margbrotnar,
oft sé um valdbeitingu að ræða en
líka vanmátt og vankunnáttu í ögr-
andi aðstæðum. Ofbeldið hafi víðtæk
alvarleg áhrif, ekki síst á börn.
„Langflestir sem koma eru með
mikla áfallasögu. Þeir hafa kannski
bara fáar tilfinningar að vinna með,
setja t.d. allar erfiðar tilfinningar í
reiðipakkann. Við reynum að kenna
meiri breidd, nýtt gildismat og nýjar
leiðir til að bregðast við ögrunum.
Ofbeldi er aldrei réttlætanlegt.“
Heimilisofbeldi
er vandamál
gerendanna
 Meðferð getur aukið lífsgæði verulega
Ofbeldi „Femme battant son mari“.
Talið vera eftir Albrecht Dürer.
Heimilisfriður
» Í byrjun var einblínt á karla
en hugmyndin um að einungis
karlar séu gerendur heimilis-
ofbeldis er barn síns tíma.
» Könnun leiðir í ljós verulega
minna ofbeldi og umtalsvert
aukin lífsgæði fyrir geranda og
maka að meðferð lokinni.
» Valdbeiting, vanmáttur, van-
kunnátta og röng viðbrögð við
erfiðum tilfinningum algengar
orsakir heimilisofbeldis.
Garðabær lendir í 1. sæti þegar
spurt er um ánægju íbúa með þjón-
ustu leikskóla, grunnskóla og
hversu vel eða illa starfsfólk bæj-
arins hefur leyst úr erindum íbúa
samkvæmt niðurstöðum úr árlegri
könnun Gallup sem var fram-
kvæmd í lok árs 2017. Þetta kemur
fram í tilkynningu frá Garðabæ.
Þjónustukönnunin er síma- og
netkönnun þar sem viðhorf íbúa til
þjónustu í 19 stærstu sveitar-
félögum landsins er mælt. Garða-
bær er í flestum spurningum í efstu
sætum eða í 1.-3. sæti í níu af alls
þrettán viðhorfsspurningum í sam-
anburði við önnur sveitarfélög og
meðaltal úr öllum spurningum er
hærra í öllum tilvikum nema í einni
spurningu, segir í tilkynningunni.
Íbúar Garðabæjar eru næst-
ánægðastir íbúa allra sveitarfélag-
anna þegar spurt er um þjónustu
sveitarfélagsins í heild og um
ánægju með skipulagsmál almennt
í bæjarfélaginu.
Garðabær í efstu sætum hjá Gallup