Morgunblaðið - 13.02.2018, Síða 6

6 FRÉTTIRInnlent
MORGUNBLAÐIÐ ÞRIÐJUDAGUR 13. FEBRÚAR 2018
STYTTIST Í
STARFSLOK ÞÍN?
Starfslok eru stór tímamót sem fela í sér
miklar breytingar.
Ingrid Kuhlman, framkvæmdastjóri Þekkingar-
miðlunar, fræðir gesti um starfslok og hvernig
hægt er auka vellíðan á efri árum?
Fyrirlesturinn er haldinn miðvikudaginn
14. febrúar kl. 17:30 í Fagralundi, Furugrund 83.
Allir eru velkomnir meðan húsrúm leyfir.
Fyrirlesturinn er hluti af fyrirlestraröð
Kópavogsbæjar í tilefni lýðheilsustefnu.
kopavogur.is
Erna Ýr Öldudóttir
ernayr@mbl.is
Vinnsla á færslum í blokkarkeðjuna (e. blockchain)
þarfnast mikillar raforku fyrir stórtölvur gagnavera.
Dæmi um slíka vinnslu er gröftur á bitcoin og annarri
rafmynt.
AP-fréttastofan og breska ríkisútvarpið, BBC, hafa
síðustu daga fjallað um að Ísland sé fýsilegur kostur fyr-
ir gagnaver. Hér séu góð skilyrði fyrir kælingu á net-
þjónum sökum hagstæðs veðurfars og samkeppnishæft
verð fyrir umhverfisvæna orku frá jarðhita- og vatnsafls-
virkjunum.
AP hefur eftir Jóhanni Snorra Sigurbergssyni, við-
skiptaþróunarstjóra HS orku, að hann vænti þess að raf-
orkuþörf vegna vinnslu á færslum fyrir rafgjaldmiðla
eins og bitcoin muni tvöfaldast á þessu ári og verði þá
meiri en orkuþörf allra heimilanna í landinu. Fyrir-
spurnum rigni inn, sérstaklega eftir að bitcoin hækkaði
mikið í verði fyrir fjórum mánuðum. Jóhann Snorri hafi
jafnframt sagt að ekki væri til nóg orka í landinu eins og
er til að anna allri þeirri eftirspurn.
Hafa ekki skoðað aukna fjárfestingu í framboði
Frá Landsvirkjun fengust þær upplýsingar að vax-
andi eftirspurn væri eftir raforku frá fjölbreyttum grein-
um á Íslandi og víðar, þ.á m. væri gagnaversiðnaður.
Landsvirkjun líkt og önnur orkufyrirtæki fyndi nú fyrir
aukinni eftirspurn vegna blokkarkeðjutækni sem væri í
örum vexti. Fjölbreyttir aðilar, þ.á m. úr gagnaversiðn-
aði, sendu reglulega fyrirspurnir um raforkukaup. Ekki
hefði verið skoðað sérstaklega að fjárfesta í auknu fram-
boði á raforku vegna verkefna í blokkarkeðjutækni.
Landsvirkjun selur þó raforku til gagnavers Verne
Global og gerði nú á dögunum nýjan samning við Ad-
vania Data Centers um stóraukin kaup á raforku.
Ísland er metið áhættuminnst fyrir starfsemi
gagnavera í heiminum skv. skýrslu bandaríska
fasteignamatsfyrirtækisins Cushman & Wakefield sem
kom út árið 2016. Breytur eins og orkuverð, bandvídd,
viðskiptafrelsi, skattar, stöðugleiki, varaafl, náttúru-
hamfarir, orkuöryggi, landsframleiðsla og aðgangur að
vatni voru notaðar til að reikna út áhættuna.
Gagnaver muni nota meiri
orku en heimilin í landinu
 Telur að gagnaver tvöfaldi orkuþörf sína á þessu ári
Gagnavinnsla Úr gagnaveri Verne Global.
Borið hefur á því að ökumenn kveiki á hættuljósunum
(hasardljósunum) á bílnum þegar ekið er um í slæmu
skyggni. Mátti sjá marga á ferðinni á Suðurstrandar-
veginum um helgina með blikkandi hættuljósin.
Samkvæmt reglugerð um gerð og búnað ökutækja
er ekki heimilt að aka með hættuljós. „Hættuljós eru
ætluð til notkunar ef ökumaður neyðist til að stöðva
ökutækið þannig að hætta skapist skyndilega eða ef
ökutæki stendur óökufært á vegi eftir árekstur,
skemmd eða bilun þannig að annarri umferð stafi
hætta af.“
Notkun hættuljósa er almennari víða erlendis, sam-
kvæmt upplýsingum frá Samgöngustofu. Þar er ráð-
lagt að sett séu hættuljós á þegar ökumaður verður
var við hættulegar aðstæður fram undan s.s. vegna
umferðarslysa eða skyndilegrar fyrirstöðu. Gerðar
hafa verið tillögur við vinnslu nýrra umferðarlaga hér
á landi sem heimilar slíka notkun og einnig þegar bil-
aður bíll er dreginn.
Í umferðarlögum segir að í þoku, þéttri úrkomu eða
skafrenningi megi nota þokuljós. Þar segir einnig að
ljós megi ekki nota þannig að þau geti valdið öðrum
vegfarendum glýju. „Þokuljósin og þá sérstaklega
þokuafturljósin eru gerð til að sjást vel við þessar
sérstöku aðstæður. Hættuljósin eru ekki gerð til að
lýsa vel við þær aðstæður heldur til að vekja athygli
með því að blikka við góðar aðstæður og koma því að
minna gagni en þokuljós í þoku, þéttri úrkomu eða
skafrenningi,“ segir í upplýsingum frá Samgöngu-
stofu.
Ekki heimilt að aka með blikkandi hættuljós
ÞOKULJÓS Á AÐ NOTA Í ÞOKU, ÞÉTTRI ÚRKOMU EÐA SKAFRENNINGI
Ingveldur Geirsdóttir
ingveldur@mbl.is
Hellisheiði var lokuð í rúmar nítján
klukkustundir á sunnudaginn og
Þrengslin í tæpar nítján stundir.
Vegunum hefur ekki verið lokað í svo
langan tíma í einu í fimm ár sam-
kvæmt gögnum frá Vegagerðinni.
Hellisheiði hefur verið lokuð tólf
sinnum það sem af er þessu ári
vegna ófærðar m.v. fjögur skipti allt
árið í fyrra, átta skipti 2016, 21 skipti
2015, átta skipti 2014 og einu sinni
2013. Að meðaltali er lokað í sjö
klukkustundir. Þrengslavegi hefur
verið lokað níu sinnum í ár. Lokanir
voru sjaldnast stýrðar fyrr en 2014.
Mikil ófærð var um allt land um
helgina og voru öll tæki sem Vega-
gerðin hefur yfir að ráða úti að sinna
vetrarþjónustu. Upp undir hundrað
vörubílar og vinnuvélar voru í
mokstri og mannskapur í vinnu um
helgina taldi á annað hundrað.
„Við erum með föst snjómoksturs-
tæki en þegar mikið er undir köllum
við til margar vélar, sem eru sumar
hverjar í reglulegum útmokstri og
hreinsun, og svo allt sem hægt er að
tjalda til þegar svona ber til. Um
helgina var allt úti sem við höfðum
yfir að ráða og náðum í,“ segir Skúli
Þórðarson hjá Vegagerðinni. Var-
lega áætlað er breytilegur verktaka-
kostnaður vegna vinnu helgarinnar
hjá Vegagerðinni í kringum 80 millj-
ónir króna að sögn Skúla. Hann seg-
ir vinnuna hafa gengið vel en nokkuð
sé um liðið síðan atgangur á suðvest-
urhorninu og í uppsveitum Suður-
lands hafi verið svona mikill.
Ekki verið slæmur vetur
Svanur G. Bjarnason, svæðisstjóri
Vegagerðarinnar á Suðurlandi, segir
að hjá þeim hafi tíu mokstursbílar
verið í gangi um helgina, sem sé allur
flotinn, fjórir blásarar, veghefill og
nokkrar traktorsgröfur. „Þetta var
óvenjulega slæmt um helgina og
verst í uppsveitum Árnessýslu,“ seg-
ir Svanur. Reynt var að halda helstu
leiðum opnum á meðan hægt var en
mokstri var hætt um hádegi á sunnu-
dag. Á laugardeginum rákust starfs-
menn Vegagerðarinnar nokkuð á
fólk, mest erlenda ferðamenn, sem
sat fast í bílum sínum en lítið var um
slíkt á sunnudeginum. Þeir sem sátu
fastir voru aðallega á Biskups-
tungnabraut, á Lyngdalsheiðarvegi
og Laugarvatnsvegi.
Veturinn hefur ekki verið slæmur
að mati Svans. „Það hefur eiginlega
bara verið mikið að gera síðustu
daga.“
Níu bílar í mokstri í borginni
Kostnaður vegna moksturs gatna
og stíga auk hálkuvarna getur verið
13-14 milljónir á dag hjá Reykjavík-
urborg í færð eins og síðustu daga.
Aðfaranótt mánudagsins snjóaði
töluvert í viðbót við það sem hafði
kyngt niður um helgina. Þá voru níu
mokstursbílar á götunum auk 22
véla í stofn- og tengibrautum um
nóttina og í húsagötum upp úr
klukkan átta um morguninn. Átta
vélar sáu um gönguleiðir og fjórar
um hjólaleiðir.
Meira hefur verið um vetrarþjón-
ustu í Reykjavík í vetur en veturinn í
fyrra en þjónustan er töluvert önnur.
„Nú í vetur fengum við ekki mikla
snjókomu fyrr en undanfarið, en
fyrri hluta vetrar sinntum við helst
hálku og klakamyndun. Það hefur
farið ofboðslega mikið af salti hjá
okkur í vetur. Sem dæmi fylltum við
3.500 tonna saltgeymslu hinn 19. jan-
úar og hún tæmdist á 19 dögum,“
segir í upplýsingum frá borginni.
Vel gekk að koma þeim ellefu þús-
und flugfarþegum sem urðu stranda-
glópar hér á landi á sunnudaginn til
síns heima í gær. Hjá Icelandair var
flug samkvæmt áætlun. Sett var upp
aukaflug til Oslóar og London og far-
þegum boðið að færa sig á annað flug
eftir atvikum. Hjá WOW air voru all-
ar ferðir félagsins í gær og í dag full-
bókaðar. Ekki hafði verið tekin
ákvörðun um að leigja aukavél síð-
degis í gær en að sögn Svanhvítar
Friðriksdóttur, upplýsingafulltrúa
flugfélagsins, kom sér mjög vel í
þessum aðstæðum að WOW air tók
við nýrri vél í flotann um helgina.
Öllu tjaldað til í snjómoksturinn
 Hellisheiði aldrei verið lokuð jafn lengi og á sunnudaginn  Öll tæki Vegagerðarinnar voru í notkun
um helgina  Kostnaður vegna vinnu um 80 milljónir króna  Saltgeymslur tæmast hratt í borginni
Morgunblaðið/Hari
Pikkfastur Hjálpsamir vegfarendur ýttu föstum bíl aftur af stað í snjónum í Hamrahlíð í Reykjavík í gær.