Morgunblaðið - 13.02.2018, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 13. FEBRÚAR 2018
SVIÐSLJÓS
Sigurður Bogi Sævarsson
sbs@mbl.is
Vænst er að eftir ár héðan í frá geti
fyrstu íbúarnir flutt inn í fjölbýlishús
IKEA við Urriðaholt í Garðabæ.
Þegar er búið að reisa tvær hæðir af
fimm og ágætur gangur er því í
framkvæmdum. Íbúðirnar í húsinu
verða alls 34; hinar stærstu 60 fer-
metrar en þær minnstu 25 fermetrar
og verða alls 19 talsins. Til samræm-
is við það hefur í verslun IKEA verið
útbúin lítil sýningaríbúð þar sem við-
skiptavinir geta séð svart á hvítu hve
haganlega má nýta allt rými og koma
hlutunum vel fyrir þótt plássið sé
ekki endilega mikið.
Lóðir liggja ekki á lausu
„Í alla staði er þetta mjög áhuga-
vert verkefni. Sú mikla húsnæðisekla
sem er á höfuðborgarsvæðinu kallar
á alveg nýjar lausnir og hugsun, hver
sem í hlut á, segir Þórarinn Ævars-
son, framkvæmdastjóri IKEA, í
samtali við Morgunblaðið. Það eru
ÞG verktakar sem reisa fjölbýlis-
húsið nýja, en uppsteypu á því ætti
að ljúka með vorinu. Þá er frágangur
eftir sem er nokkurra mánaða vinna.
Íbúðirnar 34 fara allar í útleigu;
starfsfólk IKEA verður í forgangi en
sé svigrúm verða þær einnig leigðar
til starfsmanna annarra fyrirtækja í
hverfinu og annarra eftir atvikum.
Öllum íbúðunum fylgir geymsla og
svalir og pláss í sameign.
„Ef vel tekst til vil ég halda áfram
á þessari sömu braut og byggja fleiri
hús með litlum íbúðum. Lóðir fyrir
svona byggingar liggja hins vegar
ekki á lausu og sú sem við fengum
hér í Urriðaholtsstræti var nokkuð
dýr. Þá stefnu þurfa sveitarfélögin á
höfuðborgarsvæðinu að endurskoða,
svo meira verði byggt af litlum íbúð-
um sem eru klárlega það sem unga
fólkið úti á markaðnum þarf og kall-
ar eftir,“ segir Þórarinn Ævarsson.
Húsgögn eru lítil og nett
„Ég hefði áhuga á að reisa nokkur
fjölbýlishús til viðbótar og þar koma
ýmsar staðsetningar til greina, bæði
hér í Garðabæ, Kópavogi og Hafn-
arfirði – þar sem ég horfi til Valla-
hverfisins. Þetta gæti fallið vel að
öðru hjá IKEA. Auðvitað þekkjumst
við best sem verslun sem selur hús-
búnað, en við höfum hins vegar verið
að sprikla í hinu og þessu, samanber
veitingastaðinn okkar og lambakjöt-
ið sem við höfum lagt vaxandi
áherslu á.“
Fyrir nokkrum dögum var lokið
uppsetningu á fyrrnefndri sýn-
ingaríbúð sem er í verslun IKEA.
Innanstokksmunir í hana voru valdir
samkvæmt því sem neytendakann-
anir leiða í ljós og hönnuðir IKEA
víða um heim hafa hugmyndir um.
Útgangspunkturinn þar er að nýta
veggpláss vel fyrir hillur og skápa,
húsgögn eru lítil og nett, svefnsófi í
stofunni er samanbrjótanlegur, í eld-
húsinnréttingunni er plássið gjör-
nýtt með tveimur í stað fjögurra eld-
unarhellna og ísskápurinn er lítill en
notadrjúgur. Þá er allt sem þarf á
baðherberginu; klósett, vaskur,
sturta og aðstaða fyrir þvottavél.
„Baðherbergið mætti reyndar vera
minna. Snúingsradíusinn þar er 130
sentímetrar og þá er miðað við að
fólk í hjólastól geti athafnað sig þar
inn. Á Norðurlöndum er þetta pláss
tíu sentímetrunum minna og það
hefði mér fundist eiga að duga; í
svona lítilli íbúð munar eiginlega um
hvern sentímetrann,“ segir Þór-
arinn.
Það var starfsfólk útstillinga-
deildar sem útbjó sýningaríbúðina,
en Hulda Bryndís Óskarsdóttir,
sölustjóri í stofudeild IKEA, kom
með ýmsar hugmyndir en íbúðin var
hönnuð og útbúin með það í huga að
hún væri fyrir ungan einstakling
sem væri að byrja búskap. Þeir inn-
anstokksmunir sem í íbúðinni eru
koma úr versluninni og samanlagt
virði þeirra er 700 þúsund krónur.
Millilending í lítilli íbúð
„Ungt fólk í dag vill fyrirferðarlítil
þægileg húsgögn og nægt rými fyrir
skápa og hillur sem geta verið alveg
upp í loft. Margt sem var í íbúðum
fyrr á árum er líka horfið; geisla-
diskastandar og hirslur fyrir mynd-
bandsspólur sjást til dæmis ekki
lengur því nú er þetta allt komið á
netið og í sjónvarpið, sem eru þunnir
skjáir í stað túbutækjanna sem voru
áður. Svona gæti ég haldið áfram.
Svo þarf líka að raða hlutunum vel
upp og horfa á heildarmyndina,“ seg-
ir Hulda Bryndís sem þekkir hús-
næðisvanda ungs fólks vel. Sjálf var
hún byrjuð búskap fyrir nokkrum
árum og fór í íbúð, sem eigendurnir
völdu síðar að setja á leigumarkað
Airbnb. Þá var ekki annað í stöðunni
en snúa aftur í foreldrahús og bíða
átekta – og þar hefur Hulda horft til
þess að fá inni í væntanlegu fjölbýlis-
húsi IKEA, eins og fleira af sam-
starfsfólki hennar gerir.
„Auðvitað verða þessar íbúðir í
Urriðaholtinu pínulitlar, en ættu að
duga vel til dæmis þegar fólk býr
eitt. Getur verið fín millilending í
kannski tvö til þrjú ár og þá má alltaf
færa sig í stærri eign og kannski
hafa aðstæður fólks breyst í millitíð-
inni. Í dag er fermetraverð fasteigna
líka orðið það hátt að ungt fólk getur
ekki leyft sér að vera í stórum húsum
eða íbúðum. Því ætti að byggja sem
allra mest af litlum eignum og
minnka þar með þann vanda sem
unga kynslóðin í dag þarf að glíma
við, segir Hulda Bryndís Óskardóttir
að síðustu.
Fjölbýlishús IKEA tilbúið að ári
 Tvær hæðir af fimm eru uppsteyptar  34 íbúðir  25 fermetra sýningaríbúð og ódýrt innbú
 Mikil húsnæðisekla kallar á nýjar lausnir, segir framkvæmdastjórinn sem vill byggja meira
Morgunblaðið/Sigurður Bogi
Gestgjafar Hulda Bryndís Óskarsdóttir og Þórarinn Ævarsson í sýningaríbúðinni. Allt er úthugsað og vel nýtt.
Urriðaholt Húsið nýja er verið að steypa upp eins og tölvuteikningin sýnir hvernig húsið mun líta út fullbúið.
Við erum á facebook
Bæjarlind 6 | sími 554 7030
Síðar peysur
Str. S-2XL
3 litir
Guðni Einarsson
gudni@mbl.is
Launasjóður stórmeistara verður
lagður niður og í stað hans kemur
launasjóður skákmanna, verði nýtt
frumvarp mennta- og menningar-
málaráðherra að lögum. Umsagnar-
frestur um frumvarpsdrögin rennur
út 23. febrúar.
Tilgangurinn með launasjóði
skákmanna er að styðja stórmeist-
ara og aðra skilgreinda afreksskák-
menn til að ná hámarksárangri í
íþróttinni. Verði frumvarpið að lög-
um falla lög um launasjóð stórmeist-
ara úr gildi og störf stórmeistara
verða lögð niður um næstu áramót.
Nýja kerfið gerir ráð fyrir því að
afreksskákmenn geti í framtíðinni
sótt um starfslaun og styrki í launa-
sjóðinn. Staða þeirra verður þá lík og
verktaka og sjálfstætt starfandi ein-
staklinga. Hópurinn sem getur sótt
um stuðning til að iðka skák mun því
breikka frá því sem nú er. Stefnt er
að því að fyrsta úthlutun úr launa-
sjóðnum verði 2. janúar 2019. Sam-
kvæmt frumvarpinu verða starfs-
laun greidd í tvo til tólf mánuði á ári.
Einnig verða veittir styrkir úr
Launasjóði skákmanna til afreks-
skákmanna vegna verkefna sem
vara skemur en í tvo mánuði, ferða-
styrkir og styrkir vegna afmarkaðra
verkefna.
Samkvæmt frumvarpinu eru af-
reksskákmenn þeir sem „hlotið hafa
nafnbótina stórmeistari í skák, náð
hafa alþjóðlegum meistaratitli, þeir
sem lokið hafa áföngum í því að
hljóta nafnbótina stórmeistari eða
lokið hafa áföngum að alþjóðlegum
meistaratitli“.
Starfslaun eiga að nema 428.251
kr. á mánuði á verðlagi fjárlaga 2017.
Fjárhæðin verður endurskoðuð við
afgreiðslu fjárlaga ár hvert með til-
liti til þróunar launa, verðlags og
efnahagsmála. Samanlögð starfslaun
sem koma til úthlutunar á ári nema
75 mánaðarlaunum, eða rúmlega 32
milljónum króna. Sæki fleiri afreks-
skákmenn í sjóðinn en hægt er að út-
hluta til munu þeir sem hlotið hafa
nafnbótina stórmeistari í skák njóta
forgangs við úthlutun.
Ýmislegt virðist vera til bóta
Gunnar Björnsson, forseti Skák-
sambands Íslands, segir að stjórn
sambandsins hafi ekki tekið form-
lega afstöðu til frumvarpsins.
„Ég held að almennt séu menn já-
kvæðir, en ég á eftir að skoða þetta
betur með mínu fólki,“ segir Gunnar.
„Persónulega er ég alveg sáttur við
þetta við fyrstu sýn.“
Hann kveðst telja að stórmeistar-
ar sem helga sig skáklistinni verði
ekki fyrir kjaraskerðingu við breyt-
inguna. Þá sé fleirum gefinn kostur á
að komast inn í kerfið, t.d. þeim sem
vinna að því að verða stórmeistarar.
Einnig verði veittir ferðastyrkir sem
munu hjálpa mönnum að fara á mót
erlendis til að sækja sér titla eða
áfanga að þeim. Það geti verið mjög
gott fyrir eflingu íslenskrar skákiðk-
unar.
Íslenskir stórmeistarar í skák eru
fjórtán talsins, þar af einn stórmeist-
ari kvenna. Fjórir munu vera á laun-
um sem stórmeistarar.
Launasjóður skákmanna efli skák
 Frumvarp um breytingu á stuðningi ríkisins við afreksskákmennina
Morgunblaðið/Ómar
Skák Friðrik Ólafsson varð stórmeistari í skák 1958, fyrstur Íslendinga. Nú
eru 14 stórmeistarar hér á landi, þar af er einn stórmeistari kvenna. Alþjóð-
legir meistarar á lífi eru 12 talsins, þar af einn alþjóðlegur meistari kvenna.