Morgunblaðið - 13.02.2018, Blaðsíða 16

BAKSVIÐ
Þóroddur Bjarnason
tobj@mbl.is
Óvissa, áhætta og skortur á gagnsæi
eru meðal þess sem tveir af stærstu
lífeyrissjóðum landsins nefna sem
ástæðu þess að þeir ákváðu að taka
ekki tilboði Kaupskila um kaup í
Arion banka að þessu sinni.
Eins og fram kom í frétt Morgun-
blaðsins í gær þá munu stærstu líf-
eyrissjóðir landsins ekki kaupa hlut í
Arion banka á grundvelli tilboðs
Kaupskila, sem er stærsti eigandi
bankans. Þannig mun ekki verða af
kaupum þeirra í bankanum í aðdrag-
anda skráningar hans á markað.
Stærstu lífeyrissjóðir landsins eru
Lífeyrissjóður verslunarmanna, Líf-
eyrissjóður starfsmanna ríkisins,
Gildi lífeyrissjóður og Birta. Tilboð
Kaupskila til lífeyrissjóðanna
byggðist á þeirri forsendu að þeir
myndu kaupa að minnsta kosti 5%
hlut í bankanum á um níu milljarða
króna.
Ekki útilokað að kaupa
Haukur Hafsteinsson, fram-
kvæmdastjóri Lífeyrissjóðs starfs-
manna ríkisins, LSR, segir í samtali
við Morgunblaðið að fyrir hafi legið
tiltekið tilboð sem ákveðið hafi verið
að taka ekki, en ekki sé útilokað að
koma að kaupum á hlut í bankanum
á einhverju stigi.
Spurður um nánari skýringar á
ákvörðuninni segir Haukur að meðal
annars hafi skort á gagnsæi í ferlinu.
„Ferlið varðandi útboðið var að okk-
ar mati ekki nægjanlega gagnsætt,
auk þess sem stuttur tími var frá því
að tilboðið var lagt fram og þar til
svör áttu að berast,“ segir Haukur.
Hann segir að einnig hafi skort á
upplýsingar um framtíðarsýn núver-
andi eigenda bankans hvað rekstur
bankans varðaði. „Framtíðarsýn
þeirra mætti vera skýrari. Svo má
segja að stutt sé í skráningu bankans
á markað ef af henni verður og þá er
heppilegra fyrir okkur að horfa til
þess og halda að okkur höndum að
svo stöddu. Einnig hefur það áhrif að
fjármagnshöftum hefur verið aflétt
og nú er áhersla okkar því meira á
erlendar fjárfestingar.“
Haukur segir ennfremur að fari
svo að ekki takist að skrá bankann á
markað eins og stefnt sé að á þessu
ári þá hafi LSR átt bréf í óskráðu fé-
lagi á móti erlendu hluthöfunum,
hefðu þeir keypt hlut í bankanum
núna, og því fylgi einnig óvissa. „Að
mörgu leyti er heppilegra fyrir aðila
eins og lífeyrissjóði að bíða eftir að
ársreikningur liggi fyrir og allar töl-
ur úr rekstrinum, ásamt endanlegri
ákvörðun um það hvort bankinn fari
á markað eða ekki.“
Erfitt að verðleggja óvissu
Ólafur Sigurðsson, framkvæmda-
stjóri lífeyrissjóðsins Birtu, segir í
samtali við Morgunblaðið að kaupum
á Arion banka fylgi áhætta og í við-
skiptum sé alltaf spurning um
hvernig áhættan er verðlögð. „Það
er ákveðin áhætta fyrir hendi þegar
tíminn er knappur og bankinn er
stór og alltaf erfitt að verðleggja
óvissu. Stjórn sjóðsins ákvað að bíða
með kaup og sjá hvað myndi gerast.
Sumir hefðu viljað fá bankann skráð-
an, þá fengist meiri vissa fyrir þeirri
áhættu sem er fyrir hendi. Þegar
keypt eru bréf í fjármálastofnun er
mikilvægt að allt sé tryggt eins og
hægt er. Það er líka blæbrigðamun-
ur á skuldabréfalýsingu eins og nú
liggur fyrir og hlutabréfalýsingu
eins og unnin verður fyrir útboð á
bréfum bankans, þegar að því kem-
ur,“ sagði Ólafur.
Hann segir að sjóðurinn vilji ekki
blanda sé frekar inn í söluferlið núna
á meðan aðrir séu enn þátttakendur í
því.
Ólafur nefnir einnig að von sé á
hvítbók um fjármálamarkaðinn frá
stjórnvöldum og þar muni koma
fram hvernig ríkið hyggist stuðla að
uppbyggingu fjármálamarkaða. „Öll
óvissa, hvort sem er pólitísk eða fjár-
hagsleg, hefur áhrif. Það er margt í
umhverfi bankanna háð óvissu um
þessar mundir og eitt af því er hvern-
ig stjórnvöld skrifa þessa hvítbók.“
Hann segir að það sé skylda sjóðs-
ins að skoða allt og því muni sjóð-
urinn skoða kaup í Arion banka þeg-
ar og ef bréf bankans verða boðin til
kaups í útboði. „Við skoðum auðvitað
allt sem okkur stendur til boða og er-
um stöðugt að meta fjárfestingar-
kosti.“
Vantaði meira gagnsæi
í söluferli Arion banka
Morgunblaðið/Eggert
Kaup Enn standa yfir viðræður við tryggingafélög og aðra fagfjárfesta.
Arion banki
» Á hluthafafundi Arion banka
í gær var veitt heimild til 25
milljarða arðgreiðslu að því
skilyrði uppfylltu að Kaupskil
selji a.m.k. 2% hlut í bank-
anum fyrir 15. apríl nk.
» Einnig var samþykkt að
bankinn gæti keypt allt að 10%
af eigin bréfum í bankanum
fyrir allt að 18,8 milljarða
króna. Sú upphæð yrði þó
dregin af væntanlegri arð-
greiðslu.
» Arion banki skilar ársupp-
gjöri sínu fyrir 2017 á morgun.
 Framtíðarstefna eigenda óskýr  LSR horfir meira til erlendra fjárfestinga
16 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 13. FEBRÚAR 2018
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
13. febrúar 2018
Gengi Kaup Sala Mið
Dollari 101.89 102.37 102.13
Sterlingspund 141.7 142.38 142.04
Kanadadalur 80.79 81.27 81.03
Dönsk króna 16.772 16.87 16.821
Norsk króna 12.663 12.737 12.7
Sænsk króna 12.492 12.566 12.529
Svissn. franki 108.6 109.2 108.9
Japanskt jen 0.9332 0.9386 0.9359
SDR 147.31 148.19 147.75
Evra 124.85 125.55 125.2
Meðalgengi/Viðskiptavog þröng 151.1098
Hrávöruverð
Gull 1321.7 ($/únsa)
Ál 2141.5 ($/tonn) LME
Hráolía 64.44 ($/fatið) Brent
Skannaðu kóð-
ann til að sjá
gengið eins og
það er núna á
● Markaðsaðilar
virðast spá hratt
vaxandi verðbólgu
að því er fram kem-
ur í skuldabréfa-
yfirliti Capacent.
Bent er á að í febr-
úar í fyrra hafi vísi-
tala neysluverðs
hækkað um 0,7%,
en fasteignaliður
vísitölunnar hækk-
aði þá um 1% og lagði til um helming af
hækkun hennar. Nú bregði svo við að
flestir markaðsaðilar spái lítilli hækkun
eða óbreyttu fasteignaverði nú í febrúar.
Sé gert ráð fyrir sömu hækkun annarra
undirliða og í fyrra ættu verðbólguspár
markaðsaðila að hljóða upp á 0,35% til
0,45% hækkun í febrúar, en ekki 0,7%
eins og raunin er. Það virðist því sem að
markaðsaðilar séu að spá ört vaxandi
verðbólgu. Ef spár markaðsaðila ganga
eftir hefur vísitalan hækkað um 0,9%
síðastliðna 3 mánuði eða sem jafngildir
um 3,6% verðbólgu á ársgrunni.
Markaðsaðilar að spá
hratt vaxandi verðbólgu
Verslun Vaxandi
verðbólga í spám.
STUTT
Hagnaður Reita nam 5,7 milljörðum
króna á síðasta ári. Til samanburðar
var hagnaður félagsins 2,4 milljarðar
árið 2016.
Leigutekjur Reita námu 10,8
milljörðum króna og jukust um 7,4%
frá árinu á undan. Nýtingarhlutfall
eigna var 96,2%. Rekstrarhagnaður
fyrir matsbreytingar var 7,3 millj-
arðar króna og jókst um 5,4% á milli
ára.
Matshækkun fjárfestingareigna
jókst verulega á milli ára og nam 3,9
milljörðum króna, samanborið við
347 milljónir árið á undan.
Virði fjárfestingareigna var 135
milljarðar króna í árslok og eigið fé
var 49 milljarðar króna. Eiginfjár-
hlutfall var 35,1% í árslok.
Guðjón Auðunsson forstjóri segir
að á síðustu árum hafi hlutdeild fast-
eignagjalda í rekstrarkostnaði
félagsins farið mjög vaxandi og horf-
ur séu á að það hlutfall eigi enn eftir
að hækka. „Fasteignagjöld hafa
hækkað úr rúmum 14% í rúm 17%
sem hlutfall af leigutekjum félagsins
á síðustu þremur árum og hefur
heildarfjárhæðin hækkað um ríflega
40% fyrir eignasafn félagsins. Er
þessi breyting til marks um mjög
aukna skattheimtu sveitarfélaga af
bæði íbúðar- og atvinnuhúsnæði sem
leiðir af sér hækkandi húsnæðis-
kostnað heimila og fyrirtækja.“
Stjórnendur Reita vænta þess að
rekstrarhagnaður fyrir matsbreyt-
ingu á árinu 2018 verði 7.350 til 7.500
milljónir króna miðað við núverandi
eignasafn. Stjórn félagsins gerir til-
lögu um greiðslu á arði að fjárhæð
1.060 milljónir króna vegna rekstr-
arársins 2017.
Morgunblaðið/Styrmir Kári
Fasteignir Guðjón segir skatt-
heimtu sveitarfélaga fara vaxandi.
Hagnaður Reita
5,7 milljarðar
 Matsbreytingar
jukust um 3,5
milljarða milli ára