Morgunblaðið - 17.03.2018, Síða 2
2 FRÉTTIRInnlent
MORGUNBLAÐIÐ LAUGARDAGUR 17. MARS 2018
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
„Það er mögnuð tilviljun að þetta skuli allt gerast sama
daginn,“ segir Sigurður Flosason saxófónleikari, sem á
miðvikudaginn hlaut Íslensku tónlistarverðlaunin sem
lagahöfundur ársins fyrir tónlistina á „Green Moss Black
Sand“. Tvær dætra hans, Anna Gréta og Sigríður, fengu
samtímis verðlaun á öðrum vettvangi, önnur fyrir djass-
tónlist og hin fyrir hönnun. Fjölskyldan er að vonum í
skýjunum. Sigurður segir að þessar viðurkenningar muni
koma sér vel fyrir dæturnar á þeim brautum sem þær
hafa valið sér.
Sigurður Flosason lauk einleikaraprófi á saxófón frá
Tónlistarskólanum í Reykjavík árið 1983. Hann stundaði
framhaldsnám í klassískum saxófónleik og djassfræðum
við Indiana University í Bandaríkjunum og lauk þaðan
Bachelors- og mastersprófum. Síðan stundaði hann einka-
nám hjá George Coleman í New York veturinn 1988-1989.
Sigurður var ráðinn aðstoðarskólastjóri og yfirmaður
djassdeildar Tónlistarskóla FÍH 1989 og hefur gegnt því
starfi síðan. Hann hefur verið atkvæðamikill í íslensku
dasslífi undanfarin ár og hefur einnig tekið þátt í mörgum
fjölþjóðlegum samstarfsverkefnum.
Anna Gréta, 23 ára gömul dóttir Sigurðar, fékk verð-
laun Vina Fasching, aðaldjassklúbbsins í Svíþjóð, en þau
velja aðeins einn ungan djasstónlistarmann í Svíþjóð á ári.
„Þetta kemur sér vel fyrir hana, þar sem um peninga-
verðlaun er að ræða,“ segir faðir hennar. Hann bendir á að
Svíar séu 10 milljónir og því sé það talsverður árangur að
skara fram úr með þessum hætti þar í landi.
Sigríður Hulda, sem er 27 ára, fékk hönnunarverðlaun
FÍT, Félags íslenskra teiknara, fyrir mastersverkefni sitt
frá Konstfack í Stokkhólmi. Það nefnist „Snið sögunnar:
Greining á hulinni sögu kvenna í gegnum hönnun.“
Anna Gréta Sigríður Hulda Sigurður Flosason
„Alveg mögnuð tilviljun“
Þrjú í sömu fjölskyldu verðlaunuð einn og sama daginn
Guðni Einarsson
gudni@mbl.is
Krónan tók í fyrradag í notkun
fjóra sjálfsafgreiðslukassa í verslun
sinni í Nóatúni 17 í Reykjavík.
Kristinn Skúlason, rekstrarstjóri
Krónunnar, sagði að fleiri Krónu-
verslanir fylgdu fljótlega í kjölfar-
ið. Einn mannaður afgreiðslukassi
var fjarlægður til að koma fjórum
sjálfsafgreiðslukössum fyrir í versl-
uninni. Nú eru þar þrír mannaðir
afgreiðslukassar auk sjálfs-
afgreiðslustöðvanna.
Kristinn sagði að margir við-
skiptavinir hefðu afgreitt sig sjálfir
vandræðalaust. Starfsmaður er til
staðar til að aðstoða þá sem óska og
kenna þeim á tæknina. Strikamerki
varanna er skannað og vörurnar
settar á borð sem er vigt. Vigtin
stemmir sig við kassann. Við-
skiptavinurinn greiðir svo með de-
bet- eða kreditkorti.
„Næsta búð með sjálfsafgreiðslu
kemur um mánaðamótin. Þá opnum
við Krónuna á Hvolsvelli. Þar verða
bæði sjálfsafgreiðslukassar og
venjuleg afgreiðsla,“ sagði Krist-
inn. Þar á eftir fylgja ný verslun
Krónunnar í Garðabæ og verslunin
KR Vík í Vík í Mýrdal. KR eru syst-
urverslanir Krónunnar á Suður-
landi. Þær eru með um 2.800 vöru-
númer og þar af eru um 2.000 vörur
á Krónuverði.
Krónan gerði tilraun með sjálfs-
afgreiðslu í versluninni við Bílds-
höfða fyrir 12 árum. Kristinn sagði
að það hefði ekki gengið nægilega
vel þá. „Nú er komin önnur tækni
og meiri skilningur á þessu. Sjálfs-
afgreiðsla er orðin svo almenn. Í
Bretlandi sérðu nánast bara sjálfs-
afgreiðslukassa og örfáa þjónustu-
kassa í matvörubúðum. Þetta hjálp-
ar viðskiptavinum að flýta sér við
innkaup og er góður kostur fyrir
þá,“ sagði Kristinn.
Morgunblaðið/Árni Sæberg
Sjálfsafgreiðsla í Krónunni Viðskiptavinir skanna vörurnar sjálfir og borga svo fyrir innkaupin með korti.
Sjálfsafgreiðsla
kynnt í Krónunni
Nóatún fyrst, svo kemur Hvolsvöllur
Magnús Heimir Jónasson
mhj@mbl.is
Alls 106 félagsmenn í Matvís, félagi
iðnaðarmanna í matvæla- og veitinga-
greinum, gátu ekki kosið í formanns-
kosningum félagsins í vikunni. Um er
að ræða félagsmenn sem greiða full
gjöld í félagið en teljast aukafélagar í
skilningi laga Matvís. Í lögum félags-
ins er kveðið á um að aukafélagar
skuli hafa málfrelsi og tillögurétt á
fundum félagsins, en njóti ekki at-
kvæðisréttar og kjörgengis. Á vett-
vangi Matvís hafa ekki verið haldnar
formannskosningar í tæp 29 ár og því
mun stór hópur félagsmanna hafa
uppgötvað fyrst í nýafstöðnum kosn-
ingunum að þeir væru ekki með
atkvæðisrétt. „Þetta olli gremju hjá
stórum hópi sem komst að því í kosn-
ingunni að þeir væru búnir að borga,
einn frá 1988 til dæmis, sem hafði
ekki hugmynd um að hann hefði eng-
an rétt til að kjósa,“ segir Ágúst Már
Garðarsson, sem bauð sig fram til for-
manns Matvís í kosningunum. „Þetta
eru félagsmenn sem hafa greitt
félagsgjöld og eru menntaðir mat-
reiðslumenn og þjónar og fullgildir að
öðru leyti. Þetta er skilgreining sem
Matvís hefur búið til og kallast auka-
félagi yfir þá sem þeir segja að vinni
ekki vinnu eins og lýst er í kjara-
samningum.“
Reglan illa framkvæmd
Ágúst segir að þetta fyrirkomulag
hljóti að þykja mjög merkilegt og bar
hann það undir fundarstjóra frá ASÍ
á fundi félagsins. „Hann viðurkenndi
fúslega að þetta væri merkilegt og
þyrfti að skoða betur en vildi ekki
svara hvort þetta stæðist lög ASÍ á
aðalfundi. ASÍ skyldaði í raun ekki
aðildarfélög sín í svona málum,“ segir
Ágúst. „Ljóst er að flestir sem hafa
lent í þessu spyrja sig hvort þetta
standist lög. Þeir hafa félagsgjöld af
fólki og hafa það síðan inni á skilyrt-
um reglum. Það sem er merkilegt líka
er að það sátu sölumenn í fyrirtækj-
um hlið við hlið og einn gat kosið og
annar gat ekki kosið. Þannig að eft-
irfylgdin virðist ekkert sérstök held-
ur. Þannig er þetta skrýtin regla og
svo er hún illa framkvæmd.“
Aukafélagar fullmeðvitaðir
Níels Sigurður Olgeirsson, fyrr-
verandi formaður Matvís, segir hins
vegar að þeim sem séu aukafélagar í
félaginu ætti að vera fullljós staða sín.
„Ég hef alltaf látið menn vita ef þeir
eru ekki að vinna samkvæmt kjara-
samningi. Þá eru þeir ekki fullgildir
hjá okkur. Ég stóð í þeirri meiningu
að menn væru meðvitaðir um þetta
en að þeir vildu vera í Matvís þrátt
fyrir það. Svo kemur eitthvað upp á
núna þegar það koma kosningar en
það hefur ekki verið formannskosn-
ing hjá okkur í 29 ár,“ segir Níels.
Hann bendir á að aukafélagar njóti
ýmissa réttinda og fríðinda þrátt fyrir
að starfa ekki samkvæmt kjarasamn-
ingi. „Við erum með kokka hjá okkur
sem eru á sjó á fiskiskipum. Við erum
ekki með samningsrétt við fiskiskip-
in. Þegar sjómannaverkfallið var fóru
þeir í verkfall, okkar félagar, þó að við
gætum ekki samið fyrir þá og nutu
þeir verkfallsbóta hjá okkur.“ Hann
bendir jafnframt á að um leið og Mat-
vís myndi semja fyrir þessa hópa
myndu þeir njóta fullra réttinda.
„Stór hópur manna er til dæmis sölu-
menn og það hefur verið umræða um
að gera kjarasamninga vegna þeirra.
Einn frambjóðandi var með það á
stefnuskrá hjá sér.“
Níels segir að lokum að það geti
ekki hafa verið stór hópur manna sem
vissu ekki af því að þeir hefðu ekki at-
kvæðisrétt. „Hvað varðar þessa 106
held ég að langstærsti hluti þeirra viti
mæta vel að þeir séu aukafélagar og
ekki kjörgengir. Langflestir þeirra
eru klárir á því að þeir eru að borga
vinnuréttargjald, njóta þess sem fé-
lagið býður upp á, komast í orlofs-
húsin, kaupa sér tryggingar úr
sjúkrasjóði og hafa ýmis önnur rétt-
indi.“
106 félagsmenn án atkvæðisréttar
Félagsmenn í Matvís, sem borga full gjöld í félagið, fengu ekki að kjósa í formannskosningu Teljast
til aukafélaga Þurfa að starfa samkvæmt kjarasamningi til að fá atkvæðisrétt í kosningum félagsins
Ágúst Már
Garðarsson
Níels Sigurður
Olgeirsson
Morgunblaðið/Golli
Matvís Félagsmenn fengu ekki að
kjósa sér formann í vikunni.