Morgunblaðið - Sunnudagur - 29.04.2018, Page 10
Kerfið má ekki stjórna
„Þótt kerfið skrifi nánast öll frum-
vörp sem verða að lögum er ekki
hægt að eftirláta stjórnkerfinu stjórn
landsins.“
Sigmundur Davíð Gunnlaugsson,
formaður Miðflokksins.
Ég var bara rekinn
„Ég vildi ekki hætta hjá Ægi svo ég er vonsvikinn.
Ég var bara rekinn.“
Franski sundþjálfarinn Jacky Pellerin.
Varð að hætta vegna þess
að hún gifti sig
„Ég varð að hætta þá vegna þess að ég
gifti mig, en flugfreyjur máttu ekki vera
giftar í þá daga.“
Kristín Jónasdóttir, fyrrverandi flugfreyja,
sem þurfti að skipta um starf eftir
brúðkaup sitt árið 1963.
Ekki álitinn hættulegur
„Viðkomandi maður mun ekki hafa verið álitinn hættulegur og því erfitt að
sjá að þessi framgangur í málinu þjóni almannahagsmunum.“
Karl Gauti Hjaltason, þingmaður Flokks fólksins, um flótta
Sindra Þórs Stefánssonar frá Sogni.
Lífið er fótbolti
„Ef ég gæti ekki talað um fótbolta þá er nú ekki
mikið annað sem ég gæti talað um.“
Eiður Smári Guðjohnsen,
dagskrárgerðarmaður í sjónvarpi.
Góð tilfinning
„Að ná að toppa á réttum tíma og sigla
þessu heim er ólýsanlega góð tilfinning.“
Sigurbjörg Jóhannsdóttir, fyrirliði Ís-
landsmeistara Fram í handbolta.
Morgunblaðið/Árni Sæberg
VIKAN SEM LEIÐ
10 MORGUNBLAÐIÐ SUNNUDAGUR 29.4. 2018
VETTVANGUR
Ég er fastagestur í Vesturbæjarlauginni. Hún ermeiriháttar. En í hvert skipti sem ég fer í sturtuverður mér hugsað til þess hvernig fólk notar
sjampóið. Við vitum hvernig við gerum þetta heima hjá
okkur. Við notum ekki mikið. Bara svona nákvæmlega
passlegt fyrir hárið á okkur og aðra staði sem þurfa að
vera í toppstandi. Kannski af því að sjampó kostar pen-
ing, sem við þurfum sjálf að borga.
Svo sé ég fólk í sturtunni í lauginni. Ég er ekkert að
glápa á það en ég kemst ekki hjá því að taka eftir
þessu. Það pumpar og pumpar lófafylli af sjampói. Eins
og það sé óþrjótandi brunnur og það sé nánast borg-
araleg skylda okkar að nota næstum því meira sjampó
en vatn. Það er af því að það er „ókeypis“.
Ég er hinsvegar ekkert fyrir sápuna í sundlaug-
unum. Mér finnst hún vond. Og kannski er hún vond
vegna þess að fólk notar svona mikið af henni. Það
væri soltið galið að vera með rándýrt lúxussjampó sem
fólk pumpaði bara eins og það ætti lífið að leysa.
Ef ég væri hagfræðingur þá væri ég andvaka yfir
þessu.
Eftir síðustu ferð í laugina fór ég heim og sá að
gangstéttin í götunni minni hefur enn ekki verið sópuð.
Þá vaknaði önnur hagfræðileg spurning: Á ég að sópa
sjálfur fyrir framan garðinn minn, þegar ég er búinn
að borga fyrir það með útsvarinu? Eða á ég að bíða eft-
ir því að sérfræðingar borgarinnar komist að þeirri
niðurstöðu að sennilega verði ekki sandað meira fyrir
sumar? Rétt eins og þeir biðu með snjómoksturinn í
fyrravetur allan veturinn af því að það gæti snjóað
meira. Þar til snjórinn bráðnaði.
Stutta svarið er að ég sópaði sjálfur og laug að mér
að ég hefði bara gaman af því. En í mér sat efinn. Er
verið að misnota það hvað ég er frábær gaur?
Nú er ég með nokkrar lausnir. Til dæmis að fólk
borgaði fyrir sjampó í lauginni. Það er ekki mikið galn-
ara en að fólk þurfi að borga 200 kall til að fá að pissa
á skiptistöð Strætó í Mjóddinni. En þá myndi fólk
kannski hætta að nota sápu. Það er einfaldara en að
hætta að pissa.
En að ég borgaði minna í sund og lofaði að nota bara
mitt eigið sjampó? Eða allir fengju sjampóbréf með sér
með útreiknuðum opinberum sjampóskammti? Og hver
gata gæti leigt einhvern til að moka snjó og sópa götur
og borgaði þá lægra útsvar? Væri það betra kerfi eða
sanngjarnara?
Ég vona, ykkar vegna, að þið hafið ekki lesið alla leið
hingað og séuð að bíða eftir geðveikt snjallri lausn. Ég
á hana ekki til. Mér finnst þetta bara merkilegt, og
stundum pirrandi, að ég sé að borga fyrir hluti sem ég
nota ekki og horfa á fólk fara illa með peningana okk-
ar.
Líklega er ástæðan sú að við upplifum ekki peninga
sem alvöru fyrr en við þurfum að borga sjálf, ekki með
sköttum eða útsvari, heldur taka þá úr veskinu. Það er
nefnilega svo merkilegt að opinber útgjöld koma úr
veskinu okkar. Líka sjampó.
Hagfræði sjampósins
Logi Bergmann
logi@mbl.is
Á meðan ég man
’Ef ég væri hagfræðingur þá væri ég andvaka yfir þessu.
UMMÆLI VIKUNNAR
’Við erum bara komnarmeð nóg.Arney Þórarinsdóttir, ljósmóðir og tals-maður sjálfstætt starfandi ljósmæðra í
heimaþjónustu, um drög að samningi
um þjónustu þeirra við sængurkonur.
Fasteignir
Útsölustaðir: Öll apótek, heilsuverslanir og heilsuhillur stórmarkaðanna.
Elskaðu. Lifðu. Njóttu.
FEMARELLE REJUVENATE
• Minnkar skapsveiflur
• Stuðlar að reglulegum svefni
• Eykur orku
• Eykur teygjanleika húðar
• Viðheldur eðlilegu hári
Égmæli hiklaust með Femarelle.
Í byrjun árs fór ég að finna fyrir hitaköstum bæði á daginn og einnig á nóttunni, sem var
mjög skrítið því mér var venjulega alltaf svo kalt. Þetta ágerðist svo meira þegar leið á
sumarið og ég fór að spá í því hvað væri í gangi. Ég las um Femarelle sem konur á mí-
num aldri væru að taka með góðum árangri, en ég er 45 ára. Ég ákvað að prófa og fann
mikinn mun strax eða á c.a. þremur vikum. Ég hef tekið Femarelle núna í þrjá mánuði og
stendur ekki til að hætta að taka það. Ég mæli hiklaust með því.
Þórunn Elfa Magnúsdóttir.
Með sjálfbærni að leiðarljósi
Finnsk innanhússhönnun
02.03–02.09.2018 www.norraenahusid.is
Innblásið af Aalto