Morgunblaðið - 10.05.2018, Blaðsíða 2

2 FRÉTTIRInnlent
MORGUNBLAÐIÐ FIMMTUDAGUR 10. MAÍ 2018
Bibione
Feneyjar
Verona
Ljubljana
Bled
ADRÍAHAF
Króatía - Porec & Umag
TRIESTE
Garda
TRIESTE
Á ÍTALÍU
Frá kr.
24.950
önnur leiðin
m/sköttum, tösku
og handfarangri
flugsæti í sólina
595 1000 . heimsferdir.is
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Magnús Heimir Jónasson
mhj@mbl.is
Skattheimta í sveitarfélögunum á
höfuðborgarsvæðinu er mest í
Reykjavík, ef skoðað er hversu hátt
hlutfall af tekjum íbúanna sveitar-
félög taka til sín í formi skatta. Þetta
kemur fram í nýrri skýrslu efnahags-
sviðs Samtaka atvinnulífsins (SA) um
fjárhagsstöðu sveitarfélaganna.
Íbúar á Seltjarnarnesi greiða hlut-
fallslega minnst af sínum tekjum til
sveitarfélagsins. Niðurstaðan er
byggð á fjárhagsáætlun fyrir árið
2018. Þar er gert ráð fyrir að 7,4% af
tekjum íbúa á Seltjarnarnesi renni til
bæjarins en á sama tíma er hlutfallið
10,9% hjá íbúum í Reykjavík. Í
skýrslunni kemur fram að meiri
skattheimta skili sér ekki endilega í
betri þjónustu eða betri rekstri, en
Seltjarnarnesbær er í þriðja sæti í
rekstrarsamanburði SA og Reykja-
víkurborg í því tíunda. „Niðurstaðan
leiðir í ljós að mikil fylgni er milli þess
hvernig sveitarfélögin raðast í rekstr-
arsamanburðinum hér að ofan og
þess hversu hátt hlutfall af tekjum
íbúa sinna þau taka til sín með skatt-
heimtu,“ segir í greiningu SA.
Íbúar ósáttir við menntamál
Í skýrslunni kemur fram að mikil-
vægt sé að verð og gæði fari saman,
þar sem íbúar greiði skatta fyrir þjón-
ustu sveitarfélaganna. Er þar rakin
þjónustukönnun, sem Gallup fram-
kvæmir fyrir sveitarfélögin, um
ánægju íbúa með menntamál, sem
eru stærsti útgjaldaliður sveitarfélag-
anna. „Niðurstaðan leiðir í ljós að íbú-
ar Reykjavíkur, sem greiða hæst
hlutfall tekna sinna til sveitar-
félagsins, eru einnig almennt
óánægðastir með þjónustu leik- og
grunnskóla. Þá raðast þau sveitar-
félög sem taka minnst hlutfall tekna
íbúa til sín í formi skattheimtu í fjög-
ur efstu sætin. Virðist því vera nei-
kvæð fylgni milli umfangs skatt-
heimtu og ánægju íbúa með þjónustu
leik- og grunnskóla.“ Íbúar Garða-
bæjar og Seltjarnarness eru ánægð-
astir með leik- og grunnskóla sveitar-
félaga sinna.
Lítil niðurgreiðsla skulda
Samkvæmt nýlegu mati Samtaka
iðnaðarins er nauðsynlegt viðhald
sem sveitarfélögin þurfa að standa
straum af metið á 100 milljarða
króna. Tekur það til framkvæmda við
vatnsveitu, úrgangsmál, vegi og fast-
eignir. Samkvæmt SA eru þar ótaldir
ríflega 70 milljarðar króna sem að
mestu leyti munu leggjast á sveitar-
félögin vegna framkvæmda á hita-
veitum, fráveitum og höfnum. Í heild
má því áætla um 170 milljarða fjár-
festingu hjá sveitarfélögunum á kom-
andi árum. Sveitarfélögin munu þurfa
að fjármagna það að hluta eða öllu
leyti en miðað við fjárhagsstöðu
sveitarfélaganna verður ekki hægt að
mæta þessari fjárfestingarþörf með
aukinni skuldsetningu. „Það veldur
vonbrigðum að ekki hafi verið meiri
afgangur af rekstri sveitarfélaganna
til að greiða hraðar niður skuldir í
þessari miklu efnahagsuppsveiflu og
einu lengsta samfellda hagvaxtar-
skeiði Íslandssögunnar.“
Skattheimtan mest í borginni
 Íbúar í Reykjavík greiða hærra hlutfall af tekjum sínum í skatta en íbúar annarra sveitarfélaga
 Íbúar Seltjarnarnesbæjar greiða lægsta hlutfallið  Fjárfestingarþörf sveitarfélaganna um 170 ma. kr.
Morgunblaðið/Ómar
Ráðhúsið SA skoðuðu fjárhags-
stöðu helstu sveitarfélaga landsins.
Árlegt átak menntunarsjóðs mæðra-
styrksnefndar Reykjavíkur hófst í
gær með sölu á Mæðrablómi, sem að
þessu sinni er kerti. Allur ágóði
rennur í menntunarsjóðinn sem
styrkir tekjulágar konur til mennt-
unar. Þórunn Árnadóttir hannaði
kerti með mismunandi skilaboðum
tileinkuð mæðrum og Eliza Reid for-
setafrú valdi ein skilaboðin sér-
staklega.
Vigdís Finnbogadóttir tók við
fyrsta kertinu á heimili sínu í gær.
„Þegar konur mennta sig verða þær
ennþá máttugri. Ég áttaði mig á því
þegar ég var kjörin til forseta að það
hlaut að vera styrkur fyrir allar kon-
ur á Íslandi – úr því að hún getur
það get ég það,“ sagði Vigdís við
þetta tilefni.
Anna H. Pétursdóttir, formaður
mæðrastyrksnefndar, situr í stjórn
sjóðsins. Hún segir sjóðinn hafa af-
hent 170 styrki frá upphafi. Kertin
verða til sölu í Pennanum-Eymunds-
son, Epal í Skeifunni, Hörpu og
Kringlunni, Snúrunni og hjá Heim-
kaup.is í tvær vikur, eða frá 9. til 23.
maí. Sjálfboðaliðar munu einnig
selja kertin í Kringlunni og Smára-
lind um helgina. ernayr@mbl.is
Mæðra-
blómið er
kerti í ár
Morgunblaðið/Hari
Erna Ýr Öldudóttir
ernayr@mbl.is
Eflingu – stéttarfélagi bárust kvart-
anir frá félagsmönnum hjá Hard
Rock Café í Reykjavík í fyrradag, en
fyrirtækið fer fram á að starfskonur
klæðist vinnukjólum.
Þær konur sem kvörtuðu til fé-
lagsins vildu áfram klæðast buxum
og skyrtum og fram kom að kjólarnir
væru „óþægilegir og ósmekklegir“,
skv. tilkynningu á vef Eflingar.
Efling hafi krafist þess að fyrir-
tækið láti tafarlaust af umræddum
áformum og áréttar að gæta skuli
jafnræðis milli kynja á vinnumarkaði
og að fyrirætlanirnar samræmist
ekki jafnréttissjónarmiðum.
Viðar Þorsteinsson, framkvæmda-
stjóri Eflingar, sagði í samtali við
Morgunblaðið að það væru sjálfsögð
réttindi fólks að vera laust undan
kvöðum kynbundinna staðalímynda í
vinnunni og að Efling vildi standa
vörð um þann rétt.
Þar sem kjóll er hefðbundinn
kvenfatnaður spurði blaðamaður
hvort kvartanir hefðu borist Eflingu
frá félagsmönnum sem hefðu orðið
að klæðast hefðbundnum karl-
mannsfatnaði í vinnunni, á borð við
skyrtu og buxur. Sagðist Viðar ekki
viss og þurfa að kanna málið betur.
Stefán Magnússon, framkvæmda-
stjóri Hard Rock Café á Íslandi, seg-
ir kröfuna um að starfskonur Hard
Rock Café klæðist kjólum koma frá
stjórnendum erlendis.
„Ég mun taka viðtöl við þá sem
vilja tala við mig á föstudaginn, þá
verður þetta allt komið á hreint,“
segir Stefán, sem gat ekki sagt til um
það ennþá hvort til greina kæmi að
hætta við að nota kjólana.
Eflingu bárust kvartan-
ir vegna vinnukjóla
 Reglur um vinnuklæðnað frá Hard Rock Café erlendis
Skylda Vinnukjóll Hard Rock Café.