Morgunblaðið - 10.05.2018, Blaðsíða 10
10 FRÉTTIRInnlent
MORGUNBLAÐIÐ FIMMTUDAGUR 10. MAÍ 2018
Mitsubishi ASX 4x4 er fjórhjóladrifinn rúmgóður sportjeppi sem er hlaðinn aukabúnaði og skilar þér
miklu afli á mjúkan og sparneytinn hátt. Þú situr hærra, hefur meira rými og nýtur aksturseiginleikanna.
Nú færðu ASX með fimm ára ábyrgð á enn betra verði, frá aðeins 3.990.000 kr. Slökktu á vetrinum
og kveiktu á sumrinu með nýjum Mitsubishi ASX. Hlökkum til að sjá þig!
5 ára ábyrgð fylgir fólksbílum HEKLU að uppfylltum ákvæðum ábyrgðarskilmála. Þá er að finna á www.hekla.is/abyrgd
HEKLA · Laugavegi 170-174 · Reykjavík · Sími 590 5000 · hekla.is
Umboðsmenn um land allt: Höldur Akureyri · Bílasala Selfoss · Bílás Akranesi · HEKLA Reykjanesbæ · BVA Egilsstöðum
FYRIR HUGSANDI FÓLK
3.990.000 kr.
Á BETRA VERÐI
Mitsubishi ASX Intense
4x4, sjálfskiptur, dísil:
Lögreglan hefur ekki orðið vör við
mikla breytingu á hegðun öku-
manna í umferðinni eftir að sektir
vegna umferðarlagabrota hækkuðu
umtalsvert um nýliðin mánaðamót.
Umferðarlagabrot kosta skilding-
inn eftir hækkunina 1. maí. Lægsta
sekt er 20.000 krónur og er hún fyr-
ir að nota ekki öryggisbelti, vera á
nagladekkjum án heimildar (fyrir
hvern hjólbarða), tendra ekki öku-
ljós í dagsbirtu, brjóta sérreglur fyr-
ir reiðhjól eða létt bifhjól og fyrir að
hjóla gegn rauðu umferðarljósi.
Notkun farsíma án handfrjáls bún-
aðar við akstur kostar 40.000 kr., of
hraður akstur getur kostað hálfan
handlegginn og hæsta sekt vegna
ölvunar við akstur er 320.000 kr.
Upplýsi ökumenn um sektir
Ómar Smári Ármannsson, aðstoð-
aryfirlögregluþjónn á umferðar-
deild Lögreglunnar á höfuðborgar-
svæðinu, segist halda að ökumenn
haldi frekar að sér höndum. Þessa
dagana fylgist lögreglan sér-
staklega með farsímanotkun við
akstur án handfrjáls búnaðar og í
fyrradag höfðu 25 ökumenn verið
sektaðir í mánuðinum vegna þessara
brota. Eftir helgi megi búast við að
byrjað verði að sekta fyrir að aka á
negldum hjólbörðum.
Höskuldur Erlingsson, varðstjóri
hjá Lögreglunni á Norðurlandi
vestra, segir að ökumenn, sem lög-
reglan hafi haft afskipti af, segist
vera meðvitaðir um hærri sektir en
hafi engar skýringar á brotunum,
sem virðist ekki hafa fækkað.
Hann segir mikilvægt að starfs-
menn bílaleiga fræði ökumenn vel
og vandlega um sektir vegna um-
ferðarlagabrota. „Við höfum bók-
staflega lent í því að þeir gráta í bíl-
unum hjá okkur,“ segir hann um
viðbrögð erlendra ökumanna við
sektum.
Óheimilt er að aka á nagladekkj-
um eftir 15. apríl nema aðstæður
krefjist þess. Höskuldur segir að
daglega berist margar fyrirspurnir
vegna þessa og svarið sé að á meðan
þörf sé á að vera á nagladekkjum sé
það látið afskiptalaust. Um liðna
helgi hafi þannig þurft að setja
nagladekk undir lögreglubíla emb-
ættisins, en þeir séu nú komnir á
sumardekk á ný. steinthor@mbl.is
Morgunblaðið/Ómar Óskarsson
Umferðaröngþveiti Akstur krefst
óskertrar athygli ökumanns.
Hærri sektir virð-
ast litlu breyta
Sektað fyrir akst-
ur á negldum hjól-
börðum eftir helgi Félag atvinnurekenda (FA) gerirmiklar athugasemdir við áform heil-
brigðisráðherra um hækkun skatta á
gosdrykki. Í bréfi sem FA sendi ráð-
herranum í gær bendir FA m.a. á að
í tillögum landlæknis, sem lagðar eru
til grundvallar áformunum, sé
vörum og atvinnugreinum mismun-
að. Taka eigi gosdrykki sérstaklega
fyrir en margar aðrar vörur séu
einnig uppspretta sykurs. FA segir
og að verði farið eftir tillögunum
verði snúið af braut einföldunar
skattkerfisins sem myndi valda
framleiðendum, heildsölum og versl-
uninni mikilli fyrirhöfn og kostnaði.
FA vitnar í gögn frá Markaðs-
greiningu/AC Nielsen sem sýna að
markaðshlutdeild sykraðra gos-
drykkja hefur lækkað og hlutdeild
kolsýrðra vatnsdrykkja hækkað
hratt, án afskipta stjórnvalda. Þá
segir FA að í tillögunum sé ályktað
út frá röngum gögnum og að þar séu
settar fram hæpnar fullyrðingar.
FA minnir á að tilraunin með syk-
urskattinn hafi mistekist. Tillaga
landlæknis um að leggja skatt bæði á
sykrað gos og með sætuefnum veki
furðu, ef vandamálið sem eigi að
leysa sé sykurneysla.
FA bendir einnig á að tillögur
landlæknisembættisins um að nota
fjármuni sem hærri skattar á gos
skila til að lækka álögur á ávexti og
grænmeti séu óljósar og óútfærðar.
Loks varar FA við hugmyndum um
að stýra neyslu fólks með sköttum.
„Okkur líst illa á þetta,“ sagði Ein-
ar Snorri Magnússon, forstjóri
Coca-Cola European Partners á Ís-
landi. Hann kvaðst gera athugasemd
við að einungis eigi að hækka verð á
gosdrykkjum en ekki sé talað um
sykur í öðrum drykkjum eða vörum.
„Það er mjög ör þróun í átt til
meiri neyslu á vatnsdrykkjum og
sykurlausum drykkjum. Við sjáum
ekki ástæðu til að þessu sé stýrt,“
sagði Einar Snorri.
„Hugmyndir um verulega aukna
skattlagningu á gosdrykki vekja
fyrst og fremst furðu, enda eru þær
byggðar á röngum forsendum,“
sagði Andri Þór Guðmundsson, for-
stjóri Ölgerðarinnar. Hann sagði að
Embætti landlæknis byggði tillögur
sínar að hluta á nærri áratugar
gömlum upplýsingum um neyslu
sem væru löngu úreltar. „Sam-
kvæmt þeim gögnum sem landlækn-
isembættið leggur fram er 1⁄3 sykur-
neyslu landsmanna úr gosdrykkjum
en hið rétta er að hún er 1⁄6 sam-
kvæmt kassakerfum íslenskra versl-
ana.“
Andri minnti á að tilraun hefði
verið gerð með sykurskatt 2013 og
2014 og hún hefði mistekist. „Nú á að
gera aðra tilraun, en að þessu sinni
einungis á gosdrykkjum. Neytendur
sjálfir hafa breytt neysluvenjum sín-
um síðustu ár þannig að neysla sykr-
aðra gosdrykkja hefur dregist veru-
lega saman og neysla kolsýrðra og
ósykraðra aukist að sama skapi.
Ákvörðun um skattlagningu sem
byggist á röngum forsendum er
vond ákvörðun.“ gudni@mbl.is
Mótmæla auknum
álögum á gosdrykkina
Neysla á sykruðu gosi minnkar Aukning í kolsýrðu vatni
Getty Images/iStockphoto
Sykur Hugmynd landlæknisembættisins um að draga úr sykurneyslu með
hærri sköttum á jafnt sykraða og sykurlausa gosdrykki, er mótmælt.