Morgunblaðið - 10.05.2018, Blaðsíða 58

58 ÍSLENDINGAR
MORGUNBLAÐIÐ FIMMTUDAGUR 10. MAÍ 2018
Ég ætla að byrja daginn eins og alla aðra daga með því að fara áæfingu í Sporthúsinu. Svo ætla ég að bjóða fjölskyldu og vinumheim í bröns og eftir það fer ég út að labba með loðboltunum
mínum fjórum. Síðan ætla ég að ganga á Helgafell eins og alla aðra af-
mælisdaga,“ segir Rósa Björg Karlsdóttir sem á 50 ára afmæli í dag.
„Ástæðan fyrir því að ég geng á Helgafell er að fyrir átta árum var
ég í lyfja- og geislameðferðum vegna ristilskrabbameins og ákvað þá að
fagna hverju ári með því að ganga á Helgafell á hverjum afmælisdegi
og sitja þar og njóta. Nú er ég að takast á við afleiðingar krabbameins-
ins og líf mitt með stóma og reyni að gera það með bros á vor og ég
fagna hverjum degi.“
Rósa er íþróttakennari og heilsunuddari að mennt og er sjálfstætt
starfandi heilsunuddari. „Það gengur vel, þetta spyrst út að ég sé að
nudda og fólk hringir í mig. Ég hef aldrei þurft að auglýsa, fólk kemur
bara til mín.“
Rósa stundar sleðahundasport af fullum krafti á veturna, en hún á
fjóra sleðahunda. „Ég fer í Bláfjöll og upp á jökla og á gönguskíði og nú
er að byrja enn skemmtilegri tími þegar maður getur farið að hlaupa
með þá og hjóla. Þeir vekja alltaf mikla athygli.“
Elsti hundurinn hennar Rósu er Rauðakrosshundur og fer hún með
hann í heimsókn á dvalarheimili inn á deild með heilabiluðu fólki. „Það
er stórfenglegt að sjá gamla fólkið og hvernig það rofar til hjá því þeg-
ar það fer að klappa hundinum og þá er í raun hægt að eiga samræður
við það á meðan. Þess vegna fer ég í þessi sjálfboðaverkefni, það gefur
manni ótrúlega mikið að sjá ánægjuna sem þetta veitir fólki.“
Eiginmaður Rósu er Orri Kristinn Jóhannsson, kerfisfræðingur hjá
Hafnarfjarðarbæ. Börn þeirra eru Tinna Rós, 27 ára lögfræðingur, og
Hildur Hörn, 24 ára sáfræðingur, og barnabarn þeirra er Rósa Alva
tveggja ára.
Við Helgafell Rósa og hundarnir Hati, Hel, Gná og sá elsti, Þrymur.
Gengur alltaf á
Helgafell á afmælinu
Rósa Björg Karlsdóttir er fimmtug í dag
Þ
orsteinn Sigmundsson
fæddist 10.5. 1943 á
Bergstaðastræti 28b í
Reykjavík og ólst þar
upp fyrstu fimm árin.
Þá flutti fjölskyldan á Borgarholts-
braut 44 í Kópavogi: „Ég man vel
eftir mér við Bergstaðastrætið,
kampinum við Hallveigarstíginn
með öllum hermönnunum og hertól-
unum þar, fataverkstæði Últímu og
Síld og fiski hjá honum Þorvaldi
sem stundum var að gefa okkur
strákunum enda af rúllupylsu og
hangiáleggi.
Á Kársnesinu var samfélag fólks
sem hafði flutt frá Reykjavík vegna
skorts þar á byggingarlóðum og
húsnæði. Hinir fullorðnu unnu yfir-
leitt langan vinnudag og við krakk-
anir gengum nokkuð sjálfala. Byggð
var mun strjálli á nesinu en síðar
varð og töluvert um trillukarla sem
reru á hrognkelsi á vorin.“
Þorsteinn var í Kópavogsskóla.
Hann var á síld með föður sínum á
togaranum Helgafelli frá Hjalteyri
eitt sumar og starfaði síðan í Sápu-
gerðinni Frigg á árunum 1958-73.
Þorsteinn lærði á básúnu á yngri
árum og lék með dægurlaga-
hljómsveitinni Fimm í fullu fjöri við
upphaf rokktímabilsins. Hún lék
mikið á veitingastaðnum Vík í Kefla-
vík og uppi á velli: „Þetta var hörku
rokksveit en þá var rokkið að byrja,
ærði unglingana og ögraði eldri
kynslóðinni. Ég spilaði á kontra-
bassa, Guðbergur Auðunsson söng,
Karl Möller lék á píanó, Öddi á gítar
og Einar Blandon á trommur. Þegar
ég var svo kominn með konu og
barn dró ég mig út úr hljóm-
sveitabransanum.“
Þorsteinn og eiginkona hans festu
kaup á jörðinni Elliðahvammi við
Elliðavatn 1963. Þar byrjuðu þau
Þorsteinn Sigmundsson, bóndi í Elliðahvammi – 75 ára
Með fjölskyldunni Þorsteinn er hér með börnum sínum, tengdabörnum og barnabörnum við útför eiginkonunnar.
Rokkari og fiðurbóndi
sem er enn í fullu fjöri
Í Elliðahvammi Þorsteinn við epla-
tré. Hann ræktar um 2.000 epli á ári.
Reykjavík Salka Rún Kára-
dóttir fæddist 10. maí 2017
kl. 15.48 og á því eins árs af-
mæli í dag. Hún vó 3.740 g og
var 52 cm löng. Foreldrar
hennar eru Sif Steingríms-
dóttir og Kári Ólafsson.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Tíska &
förðun
Fylgir Morgunblaðinu
föstudaginn 18. maí
PÖNTUN AUGLÝSINGA:
Til mánudagsins 14. maí
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is
SÉRBLAÐ
–– Meira fyrir lesendur
Fjallað verður um
tískuna í förðun,
snyrtingu, fatnaði,
fylgihlutum auk
umhirðu
húðarinnar,
dekur og fleira
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is