Morgunblaðið - 19.05.2018, Blaðsíða 34
34 UMRÆÐAN
MORGUNBLAÐIÐ LAUGARDAGUR 19. MAÍ 2018
Einn fyrsti skákviðburðursem greinarhöfundursótti var fjöltefli rúss-neska stórmeistarans
Evgení Vasjúkov, sem lést á dög-
unum 85 ára að aldri, sem átti sér
stað í Samkomuhúsinu í Vestmann-
eyjum fyrir 50 árum – í júní árið
1968 en þá var þriðja Reykjavík-
urskákmótinu ný lokið – Fiske-
mótinu eins og það er stundum
kallað. Samkomuhúsið var líka
kvikmyndahús og þar voru einnig
haldin hrikaleg böll eins og ég átti
eftir að kynnast síðar. Fjölteflið
dró til sín eitthvað rúmlega 20
manns sem þótti víst hálfgert
„skrap,“ eins og það var orðað enda
hásumar og Eyjamenn höfðu flestir
öðrum hnöppum að hneppa. Sem 11
ára áhugamanni og áhorfanda á
staðnum fannst mér athyglivert að
nokkrir náðu góðum úrslitum
þarna. Einn besti skákmaður Eyja-
manna, Arnar Sigurmundsson,
sagði mér síðar að eftirá hefði
Vasjúkov verið boðið í heimahús og
fjallað þar um nýafstaðið mót og
vart komst önnur viðureign að en
sú sem hann háði við Friðrik Ólafs-
son. Friðrik tefldi glæfralega og
glæsilega, hlaut 10 vinninga af 14
mögulegum, og varð einn í þriðja
sæti, ½ vinningi á eftir Vasjúkov og
Mark Taimanov. Með sigri í skák-
inni sem tefld var í þriðju umferð
hefði hann sennilega orðið einn
efstur:
Friðrik Ólafsson – Evgení
Vasjúkov
Spænskur leikur
1. e4 e5 2. Rf3 Rc6 3. Bb5 a6 4.
Ba4 Rf6 5. O-O b5 6. Bb3 Bb7 7.
He1 Bc5 8. c3 d6 9. d4 Bb6 10. a4
O-O 11. Bg5 h6 12. Bh4 He8 13.
axb5 axb5 14. Hxa8 Bxa8 15. Dd3
exd4?
Arkhangelsk-afbrigðið var ekki
mjög þróað á þessum árum og upp-
skipti á d4 oft hæpin í spænska
leiknum. Vasjúkov sást yfir 17 leik
Friðriks.
16. cxd4 g5 17. e5!
(STÖÐUMYND 1)
Hárbeittur leikur, hvítur hótar
18. Dg6+!
17. ... Kf8 18. Rxg5! hxg5 19.
Bxg5 dxe5 20. Dh3! Dd6 21. Dh6+
Ke7 22. Dg7!
Nú fellur riddarinn á f6 því ekki
dugar að valda f7-peðið, 22. ... Hf8
23. dxe5 Rxe5 24. Bxf6+ Dxf6 25.
Hxe5+ og vinnur.
22. ... Kd7 23. Bxf6 Kc8
Og nú vinnur 24. Bxf7! létt t.d.
24. ... Dd4 25. Hf1! og hrókurinn á
e8 á engan reit. Varla er hægt að
skýra næsta leik Friðrik með öðru
en tímahraki.
24. dxe5?? Db4!
Tvöfalt uppnám og taflið snýst
algerlega við. Það sem eftir lifir
skákar teflir Vasjúkov óaðfinnan-
lega.
25. Rd2 Dxd2 26. Hf1 Bxf2+! 27.
Hxf2 De1+ 28. Hf1 De3+ 29. Kh1
Dxb3 30. h4 Rd4 31. Kh2 Dc2 32.
Dg4 Kb8 33. Hf4 Re6 34. Hb4 Bc6
35. h5 Kb7 36. b3 Ha8 37. Dg3
Ha2 38. Hg4 Ha1 39. Hh4 Hf1 40.
h6 Dc1 41. Dg4
– og gafst upp um leið, svartur
mátar í tveim leikjum, 41. ... Hh1+
42. Kg3 De1 mát.
Meðan á Fiske-mótinu ’68 stóð
tókst góður vinskapur með Vasjú-
kov og Taimanov og nokkrum árum
síðar hélt Vasjúkov sem aðstoð-
armaður með Taimanov til Vancou-
ver í Kanada þar sem þessi fjölhæfi
maður mætti örlögum sínum í hinu
fræga einvígi við Fischer. Eftir ein-
vígið var rifjuð upp ferð Fischers
með með systur sinni til Moskvu
vorið 1958 er hinn 15 ára gamli
Bandaríkjameistarinn sat og malaði
menn í hraðskák í stærsta ská-
klúbbi Moskvuborgar. Þá var kallað
eftir „aðstoð“ og þeir mættu í
klúbbinn Vasjúkov og Tigran Pet-
rosjan. Vasjúkov gekk illa í byrjun
þó það hafi lagast þegar á leið en
Tigran Petrosjan reyndist baneitr-
aður í hraðskákinni og hafði mun
betur þegar upp var staðið.
Fjöltefli og Fiske-
mót Vasjúkovs
Skák
Helgi Ólafsson
helol@simnet.is
Friðrik situr og hugsar næsta leik í skákinni við Vasjúkov sem heldur á vind-
lingi. Að baki hans er Laszlo Szabo. Mark Taimanov fylgist spenntur með.
Borgarstjórnar-
kosningarnar munu í
megindráttum snúast
um stóru framboðin:
fylgi Sjálfstæðisflokks
og Samfylkingar.
Fylgi þessara flokka
mun ráða úrslitum um
það hvort Reykvík-
ingar vilji tafarlausar
og raunhæfar ráðstaf-
anir til að lækka
skatta, sjá öllum börnum fyrir leik-
skólarými, lækka leigu- og húsnæð-
isverð með framboði á ódýrari bygg-
ingarlóðum og draga úr
svifryksmengun, um-
ferðarslysum og sí-
auknum umferðar-
töfum fólksbíla og
almenningsvagna með
auknu umferðarflæði
um stofnbrautir borg-
arinnar – eða hvort
Reykvíkingar vilji
„óbreytt ástand“.
Röng stjórn-
málastefna
„Óbreytt ástand“ er
slæmt og mun verra en það var fyrir
fjórum árum. Um það þarf ekkert
að karpa: Allar tölur og staðreyndir
tala sínu máli: Borgaryfirvöld leggja
hæsta leyfilega útsvar á borgarbúa
og hugmyndaauðgi þeirra blómstrar
helst í þeirri viðleitni að finna upp
stöðugt nýjar álögur, allt frá skrefa-
gjöldum á sorphirðu til innviða-
gjalds. Stöðugt fleiri börn fá ekki
leikskólarými, leikskólunum er illa
við haldið og sumir þeirra hafa verið
heilsuspillandi sökum sveppa, myglu
og möls. Borgaryfirvöld hafa fylgt
lóðaskortsstefnu sem er ein meg-
inástæðan fyrir mestu hækkunum á
húsnæði og leiguverði í Íslandssög-
unni. Stefna borgaryfirvalda í sam-
göngumálum felst í því að leggja
stein í götu vegfarenda, hvort sem
þeir ferðast með fólksbílum eða al-
menningsvögnum. Árangurinn er sá
að ferðatími borgarbúa hefur lengst
um 26% á einungis fjórum árum.
Ljósastýrðum gatnamótum á stofn-
brautum fjölgar stöðugt í stað þess
að fækka. Meðan eitt ökutæki færist
úr stað standa tvö í lausagangi við
umferðarljós. Afleiðingarnar eru
gríðarleg aukning á heilsuspillandi
svifryksmengun í Reykjavík. Ekk-
ert af þessu samfélagsböli, sem í
sumum tilfellum er að nálgast þol-
mörk, er óviljaverk, heldur fyrir-
sjáanlegar afleiðingar rangrar
stjórnmálastefnu.
Vont versnar
Nú eru áreiðanlega einhverjir
sem segja sem svo: „Ég vil óbreytt
ástand. Það er vont – en það venst.“
En gallinn er bara sá að „óbreytt
ástand“ er ekki í boði. Það er að vísu
vont og kannski venst það, en það á
eftir að versna ef kjósendur grípa
ekki í taumana. Það á eftir að
versna því núverandi ófremdar-
ástand er einfaldlega afleiðing af
rangri stefnu í skipulags-, sam-
göngu- og húsnæðismálum. Borgar-
yfirvöld hafa ekki viðurkennt að
stefna þeirra sé röng. Þau telja ekki
að hún þarfnist endurskoðunar og
þau afneita þeim alvarlegu afleið-
ingum sem hún hefur haft í för með
sér.
Ef Samfylkingin ræður áfram
ferðinni eftir kosningar mun gjöld-
um á borgarbúa halda áfram að
fjölga og hækka, húsnæðis- og leigu-
verð halda áfram að hækka, ferða-
tími innan borgarinnar verður
a.m.k. orðinn helmingi lengri eftir
fjögur ár en hann var fyrir fjórum
árum og svifryksmengunin heldur
áfram að aukast.
Gallinn við núverandi borgar-
yfivöld er ekki sá að þau geri mis-
tök. Það gerum við öll. Gallinn er
fólginn í því að þau viðurkenna aldr-
ei mistök sín og læra því aldrei af
þeim. Við skulum því ekki segja á
kjördag: „Það er vont en það venst“
– því lengi getur vont versnað.
Það er vont – það venst – en það versnar
Eftir Mörtu
Guðjónsdóttur » Gallinn er fólginn
í því að þau við-
urkenna aldrei mistök
sín og læra því aldrei
af þeim.
Marta Guðjónsdóttir
Höfundur er borgarfulltrúi.
Móttaka aðsendra greina
Morgunblaðið er vettvangur lifandi umræðu í landinu og birtir aðsendar grein-
ar alla útgáfudaga.
Þeir sem vilja senda Morgunblaðinu greinar eru vinsamlega beðnir að nota
innsendikerfi blaðsins. Kerfið er auðvelt í notkun og tryggir öryggi í sam-
skiptum milli starfsfólks Morgunblaðsins og höfunda. Morgunblaðið birtir
ekki greinar sem einnig eru sendar á aðra miðla.
Kerfið er aðgengilegt undir Morgunblaðslógóinu efst í hægra horni forsíðu
mbl.is. Þegar smellt er á lógóið birtist felligluggi þar sem liðurinn „Senda inn
grein“ er valinn.
Í fyrsta skipti sem innsendikerfið er notað þarf notandinn að nýskrá sig inn
í kerfið. Ítarlegar leiðbeiningar fylgja hverju þrepi í skráningarferlinu. Eftir að
viðkomandi hefur skráð sig sem notanda í kerfið er nóg að slá inn kennitölu
notanda og lykilorð til að opna svæðið. Hægt er að senda greinar allan sólar-
hringinn.
Nánari upplýsingar veitir starfsfólk Morgunblaðsins alla virka daga í síma
569-1100 frá kl. 8-18.
VOLVO S90 D5 AWD
INSCRIPTION XENIUM
Árgerð 2017,ek.aðeins 2.þús km,dísel,
Verð 7.990.000. Rnr.248348.
EIN
N
ME
Ð Ö
LL
U
562 1717
Kletthálsi 2 - bilalif@bilalif.is
bilalif.is
Eigum mikið úrval af nýjum og nýlegum bílum á staðnum
Allt um sjávarútveg