Skírnir - 01.04.2016, Blaðsíða 122

kveld … hinn annar dagur; 2007 Og Guð nefndi festinguna him-
in …).
9 Og Gud sagdi: safnist vøtnin undir himninum í einn stad, svo ad
sjást megi þurrt land; og það skiedi svo. (1584 Samansafnist (1644
Safnest) Vøtnen vnder Himnenum j eirn Stad / so ad siast meigi þurt
Land / Og þad skiedi so.; 1728 ekki bein þýðingartengsl; 1866 =
Við.; 1908/1981 … Safnist vötnin undir himninum í einn stað svo að
þurlendið sjáist; 2007 farin önnur leið).
10 Og Gud kalladi þurrlendid jørd; en samsafn vatnanna kalladi
hann sjó. Og Gud sá ad þad var gott. (1584/1644 Og Gud kallade
Þurrlendit Iørd / og samansafnan Vatnanna kallade hann Sio. Og
Gud sa ad þat var gott.; 1728 ekki bein þýðingartengsl; 1866 = Við.;
1908/1981… en safn vatnanna kallaði hann sjó; 2007 Guð nefndi
þurrlendið jörð og safn vatnanna nefndi hann haf).
Niðurstöður
Þessi tíu upphafsvers Biblíunnar í þýðingu Árna Helgasonar eru
fyrst og fremst til vitnis um samfellu í íslensku biblíumáli. Þess er
kannski að vænta með svo kunnan texta. Þar vill gæta tregðu til
breytinga. Þannig er upphafsversið eins í öllum þýðingum. Í 2. vers-
inu er Viðeyjarbiblía undir áhrifum eldri þýðinga og raunar kemur
á daginn að hún hefur ekki haft markverð áhrif á yngri þýðingar í
þessum versum. Og 3. versið er nánast eins í öllum þýðingum.
Jobsbók
Jobsbók, sem telst til spekirita Gamla testamentisins, glímir við
spurninguna um þjáningu hins réttláta. Job heldur staðfastlega fram
sakleysi sínu en vinir hans, fulltrúar rétttrúnaðar þess tíma, endur-
gjaldskenningarinnar, telja að ófarir hans hljóti að stafa af syndum
hans. Hápunktur bókarinnar felst í svari Guðs í 42. kafla þar sem Job
virðist finna lausnina í guðssamfélaginu. Jobsbók er tvímælalaust
eitt af áhrifamestu ritum Gamla testamentisins.7
122 guðrún, gunnlaugur, sigurður skírnir
7 Um Jobsbók sagði Ásmundur Guðmundsson, síðar biskup, (1933: 256) að hún
væri „bæði að skáldskapargildi og trúargildi í fremstu röð heimsbókmenntanna“.
Meðal fróðlegra rita um Jobsbók má nefna rit eftir vestur-íslenska prófessorinn
Skírnir vor 2016.qxp_Layout 1 18.4.2016 13:00 Page 122