Skírnir - 01.04.2016, Blaðsíða 227

227múslimar og hestar á leiksviði …
MOSKAN er birtingarmynd lagskiptingar menningarheima og þeirrar
hugmyndafræði sem hefur mótað Feneyjar og opnað fyrir margar af stærstu
samfélagslegu spurningum samtímans.
Þessi markmiðslýsing verksins boðar enga árekstra við umhverfi
sitt. Þvert á móti er hér boðið upp á félagslega þjónustu, upplýs -
inga miðlun og samtal milli menningarheima, þar sem mennta- og
menningarmálaráðuneytið er jafnvel að bjóða fram aðstoð Íslands
til lausnar á þeim mikla flóttamannavanda frá löndum múslima sem
kominn var í hámæli sumarið 2015. Hér átti að gefa gestum kost á
að velta fyrir sér pólitískum kerfum sem skilgreina samtímann,
landkynningu, tungumálakennslu og hvatningu til samtals á milli
menningarheima í anda þeirrar pólitísku rétthugsunar að öll séum
við inn við beinið eins.
Erfitt er að finna þeirri staðhæfingu stað, að verk þetta geti orðið
marktækt innlegg til greiningar og lausnar á þeim flókna sambúðar-
vanda sem myndast hefur á milli Vesturveldanna og margra landa
múslima, einkum eftir 11. september 2001, sem bein afleiðing þess
„stríðs gegn hryðjuverkum“ sem staðið hefur linnulaust síðan. Sá
geigvænlegi flóttamannavandi sem Evrópuþjóðir og allmargar
stríðshrjáðar þjóðir múslima standa nú sameiginlega frammi fyrir,
verður ekki skilinn án þessa stríðs. Hér er ekki efni til greiningar á
þeim flókna vanda, einungis skal bent á að rót hans er ekki af trúar-
skírnir
Mótmælendur í sýningarsal Gavin Browns í New York sumarið 2015.
Skírnir vor 2016.qxp_Layout 1 18.4.2016 13:00 Page 227