Saga - 2006, Side 7

Til hvers eru söfn?
Guðbrandur Benediktsson og Rakel Halldórsdóttir
ræða um menntunarhlutverk safna
við David Anderson hjá
Victoria and Albert Museum í London
Hinn 21. október 2005 stóð Safnaráð fyrir málþingi um menntunar-
hlutverk safna.1 Af því tilefni var tveimur gestafyrirlesurum boðið
að halda erindi og kynna nýjar hugmyndir um þetta efni. Annar
þessara gesta var Helene Illeris, lektor við Kennaraháskóla Dan-
merkur (Danmarks Pædagogiske Universitet), sem unnið hefur að
rannsóknum á menntun á listasöfnum og listsýningum. Hinn var
David Anderson, viðmælandi okkar hér. David á að baki áralangan
feril á sviði safna og menntunarmála og hefur á ýmsum vettvangi
ritað og fjallað um menntunarhlutverk safna. Hann hefur unnið að
verkefnum tengdum safnastarfi, sem hafa mikið menntunar- og
fræðslugildi, og hefur jafnframt staðið framarlega meðal breskra
safnmanna í tengslum við stefnumótun í menntunarmálum safna. Í
upphafi árs 1999 hlaut David heiðursverðlaun OBE fyrir störf sín að
málefnum safna og menntunar.2
Saga XLIV:1 (2006), bls. 7–19.
V I Ð TA L
1 Safnaráð er samráðsvettvangur starfsemi lista- og minjasafna og hefur meðal
annars það hlutverk að efla faglegt safnastarf á Íslandi (sjá: www.safnarad.is).
Málþingi Safnaráðs um menntunarhlutverk safna hinn 21. október 2005 var
ætlað að efla skilning á menntunarhlutverki safna í samfélaginu og mikilvægi
þess að söfnum sé gert kleift að sinna þessu hlutverki á áhrifaríkan hátt. Mál-
þingið stóð yfir í einn dag. Fyrir hádegi var fjallað um erlendar fyrirmyndir,
hugmyndir og fræðilegar áherslur. Eftir hádegi var fjallað um hlutverk og
stöðu íslenskra safna sem þátttakendur í símenntun almennings. David
Anderson flutti erindi sitt fyrstur frummælenda, en heiti þess var „Söfn, þátt-
taka og samsemd“ (e. „Museums, Participation, and Identity“).
2 Heiðursverðlaun OBE (the Order of British Empire Award) voru fyrst veitt af
George V, konungi Englands, hinn 4. júní 1917 og eru þau veitt sem viðurkenn-
ing fyrir „verðmæta þjónustu“ (e. „valuable service“). Nánari upplýsingar:
http://www.billy-bell.co.uk/OBEaward.htm.
Saga vor 2006-NOTA-2 26.4.2006 17:26 Page 7