Saga - 2006, Qupperneq 85

Það eru engar ýkjur að kvikmyndaiðnaður samtímans gefur
tóninn fyrir hálfa heimsbyggðina. Enginn efast um að kvik-
myndin er sterkasti miðillinn sem skapaður hefur verið til að
hafa áhrif á fólk. Við getum komið á nýjum lífsvenjum og
markmið kvikmyndaframleiðslunnar verður að vera að gera
hana vinsæla. […]. Við verðum sífellt að vinna að því að not-
færa okkur boðskiptamiðla til að ná til fjöldans og segja þeim
sögu lýðræðisins. Vegna þess að kvikmyndir eru sá miðill sem
ég starfa við er eðlilegt að ég hugsi um þær á þessum nótum
[…]. Á sumum svæðum eru kvikmyndir síðasta hálmstráið
sem fólk hefur til að tengjast Bandaríkjunum.11
Þessar skoðanir Johnstons náðu eyrum stjórnmálamanna og var
hann kallaður til Washington D.C. til þess að taka þátt í opinberri
rannsókn bandaríska þingsins á því hverjir væru hallir undir hug-
sjónir kommúnismans. Á sama tíma, eða árið 1946, vann hann með
innanríkisráðuneytinu að því að tryggja að „óæskilegar kvikmynd-
ir“ fengju ekki útflutningsleyfi. Vann hann einnig með varnarmála-
ráðuneytinu að því að banna endurútgáfu kvikmyndarinnar Tíð-
indalaust á Vesturvígstöðvunum (All Quiet on the Western Front,
1930), en hún þótti áróður fyrir tilgangsleysi stríðs. Skoðanir í anda
Johnstons náðu miklu fylgi meðal stjórnmálamanna, embættis-
manna innan stjórnkerfisins, forsvarsmanna í kvikmyndaiðnaðin-
um og skemmtikrafta. Sást þeirra víða merki á þessum tíma í því
hvernig sögur voru sagðar á breiðtjaldi kvikmyndahúsanna, hvaða
kvikmyndir voru fluttar út til annarra landa og hvernig stjórnkerf-
ið flækti sig inn í framleiðslu á kvikmyndum almennt. Teknar voru
upp nýjar ritskoðunarreglur í kvikmyndaiðnaðinum fyrir áhrif frá
Samtökum um bandarísk gildi (Advancement of American Ideals).
Með setningu reglnanna tókst samtökunum að gera andkommún-
ískar hugmyndir að viðfangsefni fjölda kvikmyndagerðarfólks.
K A L D A S T R Í Ð I Ð O G K V I K M Y N D A S Ý N I N G A R 85
11 Eric Johnston í: Lary May, The big tomorrow, bls. 176. „It is no exaggeration to
say that the modern motion picture industry sets the styles for half the world.
There is not one of us who isn’t aware that the motion picture industry is the
most powerful medium for the influencing of people that man has ever built
[…] We can set new styles of living and the doctrine of production must be
made completely popular. […] We must strive constantly to utilize all the
other tools of mass communication to tell the democracy story. Because
motion pictures are my business I naturally think of them in this connection
too […] In some areas they are the last link which the people share with Amer-
ica.“ (þýðing höfunda)
Saga vor 2006-NOTA-2 26.4.2006 17:26 Page 85