Saga - 2006, Blaðsíða 103

Í upphafi hafði Reykjavíkurdeild MÍR aðsetur í Lækjargötu en
aðstaða til kvikmyndasýninga var þar engin. Eftir að MÍR fékk inni
í leiguhúsnæði í Þingholtsstræti 27 haustið 1951 var strax komið
upp aðstöðu til að sýna 16mm kvikmyndir. Nokkrum árum síðar
eignaðist félagið rússneska gerð af 35mm kvikmyndasýningarvél.
Fyrir utan almennar kvikmyndasýningar, sem árið 1953 voru orðn-
ar fastur liður á föstudagskvöldum klukkan níu, var sérstaklega
efnt til sýninga á barnakvikmyndum á sunnudögum sem urðu
mjög vinsælar. Þessar barnasýningar voru skipulagðar af Hús-
mæðradeild MÍR í Reykjavík, en sú deild skipulagði einnig sérstak-
lega nokkrar kvikmyndasýningar fyrir börn í Stjörnubíói. Aðsókn-
in var oft og tíðum svo mikil að margir urðu frá að hverfa.65 Barna-
myndir á vegum MÍR voru einnig vinsælar í kvikmyndahúsum á
landsbyggðinni. Þetta voru bæði leiknar myndir og teiknimyndir
en einnig átti félagið ágætt safn brúðuleikmynda. Húsnæði MÍR í
Þingholtsstræti iðaði af lífi. Þar var ekki bara rúmgóður salur held-
ur líka bókasafn og skrifstofa félagsins. Fyrir utan félagsfundi MÍR
dreif að fólk úr öllum áttum, svo sem lúðrasveitir og annað tónlist-
arfólk til æfinga og tónleikahalds í salnum.66
Á fyrsta ársþingi MÍR árið 1951 flutti Kristinn E. Andrésson árs-
skýrslu félagsins þar sem hann ræddi m.a. um veigamikið hlutverk
kvikmynda í starfinu:
Mest starf hefur þó MÍR unnið og mesta athygli vakið með því
að gangast fyrir sýningum á rússneskum kvikmyndum sem
fullyrða má að séu að vinna sér mikilla vinsælda meðal Íslend-
inga. Í sambandi við alla fundi og sýningar sem sagt var frá
hafa kvikmyndir verið hafðar. MÍR gekkst þar að auki fyrir
kvikmyndaviku í þremur bíóum í Reykjavík í júní síðastliðn-
um og hafa á þess vegum verið sýndar um 20 rússneskar
myndir í Reykjavík og öðrum deildum félagsins sem ekki færri
en 10.000 Íslendingar hafa séð.67
Ársþinginu var svo slitið með sýningu myndarinnar Nýja Kína
(Noví Kítaj, 1950) eftir Ívan Dúkínskíj og Sergej Gerasímov. Árið
1956 bætti félagið aðstöðu sína og sýndi kvikmyndir tvisvar sinn-
um í viku í húsakynnum sínum í Þingholtsstræti 27.68 Félagið stóð
K A L D A S T R Í Ð I Ð O G K V I K M Y N D A S Ý N I N G A R 103
65 Tímaritið MÍR (1953), bls. 30.
66 Viðtal við Jón Múla Árnason, 11. og 12. júlí 2001.
67 Kristin E. Andrésson, „Starf og stefna M.I.R.“, bls. 20.
68 Viðtal við Ívar H. Jónsson, 8. júlí 2001.
Saga vor 2006-NOTA-2 26.4.2006 17:26 Page 103