Saga - 2006, Page 106

fékk myndir til sýninga eftir þekkta leikstjóra, eins og til dæmis
kvikmyndina Sólaris (Solaris, 1972) eftir Andrej Tarkovskíj og var
hún sýnd í Háskólabíói 10. mars 1975. Tveir af aðalleikurum mynd-
arinnar komu sérstaklega til landsins og fylgdu henni úr hlaði. Árið
1978 stóð félagið einnig fyrir sýningu á teikningum Sergejs M.
Eisensteins og fékk sendar frá Sovétríkjunum allar kvikmyndir
leikstjórans sem félagið átti ekki fyrir í safni sínu. Rússneskur sér-
fræðingur í verkum Eisensteins hélt erindi um listamanninn í tilefni
af sýningunni.79
Árið 1980 fluttist félagið á Lindargötu 48 og árið 1985 festi það
kaup á Vatnsstíg 10 og innréttaði þar kvikmyndaaðstöðu. Fyrir
utan kvikmyndasalinn hýsti félagsheimilið sýningarsal, kaffistofu
og bóka- og myndasafn. Þrátt fyrir að félagsstarf MÍR hafi mikið
breyst og félagið starfi ekki lengur á sama hátt og í upphafi, eru
kvikmyndasýningar ein helsta starfsemi félagsins enn þann dag í
dag.80 Félagið flutti bóka- og tímaritasafn sitt á Hverfisgötu 105 árið
2005. Eftir sem áður eru þar sýndar kvikmyndir og veittar veiting-
ar eftir sýningar. Í dag eru meðlimir félagsins einkum áhugamenn
um rússnesku og rússneska menningu og listir. Þrátt fyrir að kvik-
myndaúrval MÍR hafi verið grisjað og myndum hent sem mönnum
þótti ekki henta lengur af margvíslegum pólitískum ástæðum,81
voru um eða yfir 30 tonn af kvikmyndum flutt á Kvikmyndasafn Ís-
lands árið 2005 til varðveislu.
Reynsla íslenskra áhorfenda
Eins og fram hefur komið voru kvikmyndir á vegum MÍR og Upp-
lýsingaþjónustu Bandaríkjanna sýndar víðsvegar um landið á ár-
unum 1950–1975. Sýningarnar fóru þó fram við misjafnlega góð
skilyrði. Þó að flestum sýningum væri komið fyrir í sérútbúnum
sýningarsölum var slík aðstaða ekki alltaf fyrir hendi. Sýningum
var oft og tíðum komið fyrir í heimahúsum, félagsheimilum, litlum
samkomustöðum og skólum víða í sveitum. Páll Sigurðsson frá
T I N N A G R É TA R S D. O G S I G U R J Ó N B. H A F S T E I N S S O N106
79 Viðtal við Ívar H. Jónsson, 8. júlí 2001.
80 Skammstöfunin stendur í dag fyrir „Menningartengsl Íslands og Rússlands“.
Því var breytt árið 1992.
81 Ólafur H. Torfason sagði okkur t.d. frá því að á meðan hann starfaði á vegum
MÍR hafi sovéskur sendiráðsfulltrúi grisjað safnið seint á sjöunda áratugnum,
einkum þær myndir sem snertu samskipti Kína og Sovétríkjanna. Viðtal við
Ólaf H. Torfason, 18. júlí 2001.
Saga vor 2006-NOTA-2 26.4.2006 17:26 Page 106