Saga - 2006, Side 198

ævintýri þegar ljósmyndarann
bar að garði og hann truflaði
samræður þeirra.
Rómantík og ævintýri eru til
staðar á mörgum ljósmynda Sig-
ríðar. Má þar nefna ljósmynd af
tveimur vinkonum frá árinu
1918. Yfir ljósmyndinni hvílir
draumkennd birta sem ýtir und-
ir rómantískt yfirbragð fyrirsæt-
anna. Stúlkurnar standa þétt upp
við hvor aðra og önnur þeirra
heldur fast í tvo fingur á hendi
hinnar. Það er líkt og þær standi
frammi fyrir einhverju forvitni-
legu furðuverki. Þær eru bæði
eftirvæntingarfullar, undrandi
og örlítið hræddar að sjá. Þær
horfa framhjá linsu ljósmynda-
vélarinnar. Augnaráð þeirra
beinist framhjá raunveruleikan-
um og í átt að leyndardómsfull-
um ævintýrum. Þær minna mig á börnin í ævintýri C.S. Lewis um
Narníu eða börnin á ljósmyndum þýska ljósmyndarans Lorettu Lux
sem eru eins og af öðrum heimi, klædd samkvæmt nýjustu tísku en
samt utan við svið raunveruleikans. Líkt og Lorettu Lux hefur Sig-
ríði Zoëga tekist að fanga hvort tveggja í senn, forvitni og ótta
barnsins. Ljósmyndin birtir okkur óvænt mynd af þeirri hættu sem
felst í því að lifa eins og barn í heimi fullorðinna.
Ljósmyndir Sigríðar Zoëga kalla fram tilvistarlegar spurningar
um veru mannsins í heiminum. Þetta kemur ekki aðeins fram í
stúdíómyndum hennar heldur einnig í ljósmyndum hennar af ís-
lenskri náttúru. Á landslagsmyndum Sigríðar má oftar en ekki sjá
örsmáar mannverur eða mannvirki sem standa frammi fyrir stór-
fengleika náttúrunnar. Samband manns og náttúru er þannig í for-
grunni. Tvær konur á ljósmynd Sigríðar frá árinu 1915 renna sam-
an við fegurð og kyrrð náttúrunnar en sú þriðja truflar myndflötinn
með augnaráði, sem beinist ekki að náttúrunni sjálfri heldur vísar
út fyrir svið ljósmyndarinnar. Ef ekki væri fyrir þriðju konuna væri
samræmi manns og náttúru nánast fullkomið, líkt og á málverkum
S I G R Ú N S I G U R Ð A R D Ó T T I R198
Anna Þórdís Sigurðardóttir frá
Pálsbæ á Seltjarnarnesi og Sigríður
Ólafsdóttir, dóttir Ólafs Ólafssonar
prests á Staðarhóli, 1918. — Ljósm.
Sigríður Zoëga. Þjms. SZ 7192.
Saga vor 2006-NOTA-2 26.4.2006 17:27 Page 198