Skírnir - 01.09.2013, Page 23

SKÍRNIR
LÝÐRÆÐISBRESTIR ... LYÐVELDISINS
253
Stefán Valgeirsson sagði á fréttamannafundi í gær að samtökin hefðu
gert kröfu til þess að fá samgönguráðuneytið ef þau ættu að verða aðili að
ríkisstjórninni. I gærmorgun hefði Steingrímur Hermannsson komið til sín
og tilkynnt sér að Stefán yrði að láta af öðrum störfum ef hann tæki við
ráðherraembætti en að öðrum kosti stæði til boða formennska í sjóðnum
nýja. ^
„Eg stóð frammi fyrir því að velja um hvort ég vildi ráðherrastólinn
eða hvort ég vildi heldur nýta þá aðstöðu sem ég er að tala um. Minn
metnaður er í því fólginn að reyna að gera gagn, fyrst og fremst lands-
byggðinni, og landsbyggðin og atvinnulífið í landinu er flakandi eftir þá
ríkisstjórn sem sat að völdum. Ég tel mig því geta gert meira gagn með því
að hafa þessa aðstöðu heldur en að sitja í ráðherrastól með takmarkaða
möguleika til framkvæmda eins og nú horfir," sagði Stefán.
Hann bætti því við að hann fengi að skipa menn í nefndir til að fjalla um
og undirbúa frumvörp og til að geta fylgst með þeirri vinnu sem unnin er
í ríkisstjórninni. („Stefán Valgeirsson aðili ...“ 1988)
Skömmu eftir stjórnarmyndunina réð Stefán Valgeirsson Trausta
Þorláksson sem aðstoðarmann og deildu þeir skrifstofu. Engin
heimild var á fjárlögum fyrir slíkri stöðu en forsætisráðherrann,
Steingrímur Hermannsson, kippti því í liðinn með því að setja
Trausta á launaskrá sem deildarstjóra í forsætisráðuneytinu án þess
að slík staða væri auglýst eins og skylt er um allar stöður hjá
stjórnsýslu hins opinbera. Eftir að upplýst var um málið spurði
Morgunblaðið Steingrím hvort þessi ráðstöfun gæti talist eðlileg.
Hann svaraði: „Eg vil mjög gjarnan losna við hann af launaskrá. Það
má segja að forsætisráðuneytið hafi með það að gera að halda ríkis-
stjórninni saman og þess vegna varð það niðurstaðan að setja hann
þar“ („Aðstoðarmaður Stefáns á launaskrá ..." 1989).10
10 Eftir að gerðar voru athugasemdir við að Trausti væri á launaskrá í forsæt-
isráðuneytinu greiddi sama ráðuneyti honum einfaldlega undir liðnum „ýmsar
greiðslur" og fyrir„sérfræðiaðstoð vegna Samtaka jafnréttis og félagshyggju“.
Sjá Alþingistíðindi 1989-1990 A III: 2858-2860, 306. mál, 680. Svar forsætis-
ráðherra við fyrirspurn Friðriks Sophussonar um aðkeypta sérfræðiþjónustu á
vegum ríkisstjórnarinnar. Ríkisendurskoðun skrifaði um þessar greiðslur m.a.:
„Oeðlilegt er að færa kostnað vegna sérfræðiaðstoðar við þingmenn á rekstur
aðalskrifstofu forsætisráðuneytisins. Slíkan kostnað ber að færa á viðeigandi lið
hjá Alþingi" (Skýrslayfirskoðunarmanna ... 1991: 36).