Skírnir - 01.09.2013, Page 42

272
SVANUR KRISTJÁNSSON
SKÍRNIR
veiða. Sjálfstæðisflokkurinn vildi hins vegar styðja skipan fiskveiði-
stjórnunar með framsölu á aflaheimildum „þar til ákveðið jafnvægi
[hefði] fengist milli sóknar fiskiskipa og afrakstursgetu fiskistofna“.
Jafnframt kynnti Guðmundur tillögu til rökstuddrar dagskrár sem
studd væri af fulltrúum allra flokka í sjávarútvegsnefnd efri deildar
nema fulltrúum Framsóknarflokksins. Þar sagði m.a.:
Á fundi sjávarútvegsnefndar fimmtudaginn 25. apríl lagði formaður (Stefán
Guðmundsson) fram endanlegar breytingatillögur ríkistjórnarinnar við frv.
og frv. til laga um Ureldingarsjóð fiskiskipa. Tillögurnar fela í sér grund-
vallarbreytingu á stjórn fiskveiða og verða ekki ræddar né afgreiddar nema
í samhengi. Fyrsti minni hluti sjávarútvegsnefndar hefur tekið upp breyt-
ingatillögur ríkisstjórnarinnar. Ekki var haft samráð við fulltrúa hags-
munaaðila. Á fundum sjávarútvegsnefndar kom fram að meðal fulltrúa
hagsmunaaðila er mikil andstaða við málið eins og það liggur nú fyrir í
heild.
Af framansögðu er ljóst að nauðsynlegt er að endurskoða frumvarp til
laga um stjórn fiskveiða og frumvarp til laga um Úreldingarsjóð fiskiskipa
frá grunni með hliðsjón af nýjum viðhorfum og þeim sjónarmiðum sem
fram hafa komið. Deildin telur nauðsynlegt að samráðsnefnd sú, sem
skipuð var samkvæmt lögum nr. 3, 8. jan. 1988, um stjórn fiskveiða 1988-
1990, verði kölluð saman að nýju og skili áliti eigi síðar en 1. ágúst nk. í
framhaldi af því verði aukaþing kallað saman svo fljótt sem verða má til
þess að afgreiða heildarlög um stjórn fiskveiða áður en reglulegt Alþingi
kemur saman 10. okt. nk. (Alþingistíðindi 1989-1990 B IV: 6928-6929)
Hér höfðu orðið stórtíðindi í íslenskum stjórnmálum. Tveir stuðn-
ingsmenn ríkisstjórnarinnar tóku höndum saman við stjórnar-
andstöðuna um að virða vilja stjórnarinnar að vettugi í mikilvægasta
málinu sem Alþingi þurfti að afgreiða. Samþykkt dagskrártillög-
unnar í efri deild hefði þýtt frestun málsins til haustþings og tefldi
reyndar einnig samstarfinu í ríkisstjórninni í fullkomna tvísýnu. Úr-
slit atkvæðagreiðslunnar gátu heldur ekki tæpari verið því að níu
þingmenn greiddu atkvæði með tillögunni en tíu á móti. Tveir þing-
menn voru fjarverandi.27 Þar með var gata frumvarpanna um fisk-
27 Allir sex þingmenn Sjálfstæðisflokksins voru með tillögunni ásamt Danfríði
Skarphéðinsdóttur, Skúla Alexanderssyni og Karvel Pálmasyni. Á móti voru
fimm framsóknarmenn; tveir úr Alþýðubandalagi (Margrét Frímannsdóttir,