Skírnir - 01.09.2013, Síða 45

SKÍRNIR LÝÐRÆÐISBRESTIR ... LÝÐVELDISINS 275
grátt. Ennfremur sagði í fréttinni að Kambur hefði verið háður
leigukvóta í rekstri sínum og þrátt fyrir umtalsverð kaup á varan-
legum aflaheimildum hefði fyrirtækið á undanförnum árum leigt
þúsundir tonna til þess að tryggja hráefni til vinnslu. Leigukvóti
hefði hækkað mjög í verði og sömuleiðis verð á varanlegum afla-
heimildum og fyrirtækið væri því orðið mjög skuldsett.
Skuldir Kambs voru að sönnu miklar. En hér má benda á að
eignirnar voru enn meiri því að félagið átti 3000 tonna þorskkvóta
sem hægt var að selja háu verði. Eftir sölu Kambs var aðaleigandinn,
Hinrik Kristjánsson, auðugur maður og skipaði stuttu síðar 17. sæti
á lista yfir ríkustu menn landsins með hreina eign upp á einn millj-
arð króna.29
Eftir lokun Kambs varð um helmingur vinnandi fólks á Flateyri
atvinnulaus. Atvinna þar hefur verið mjög ótrygg síðan enda nán-
ast enginn rekstrargrundvöllur fyrir kvótalaus sjávarútvegsfyrir-
tæki. An kvótans á samfélagið litla lífsmöguleika og fólki fækkar. I
byrjun árs 2013 voru 199 íbúar á Flateyri.
Sunnan við Önundarfjörð er Dý'rafjörður. Þar er þorpið Þing-
eyri sem á sér langa og merka sögu um fiskvinnslu, útgerð og eina
elstu vélsmiðju á landinu. Árið 1991 voru skip á Þingeyri skráð fyrir
tæplega 5600 tonna veiðiheimildum.30 Árið 2012 var sú veiðiheim-
ild um 2000 tonn og öll á höndum utanbæjarmanna sem skrá skip
með heimahöfn þar á staðnum til að öðlast rétt til að fá megnið af
byggðakvótanum á hverju ári. Aðeins tveir heimamanna eru í
áhöfnum skipanna frá Þingeyri. I frystihúsinu starfa 28 manns sem
fara heim með svipaða upphæð og væru þeir á atvinnuleysisbótum.
Ibúum hefur fækkað um fjórðung frá árinu 2002 og í grunnskól-
anum voru 36 nemendur við nám haustið 2012 en voru ríflega 60 tíu
árum áður. Vont er erfitt atvinnuástand og fólksfækkun, en verra
29 Upplýsingarnar eru úr skattskrá fyrir árið 2010, sbr. „Kvótinn varð að blokk í
Berlín" 2011. Ef um samsköttun hjóna var að ræða hafa auðæfi Hinriks verið
helmingi meiri eða tveir milljarðar. Hinrik fjárfesti síðan m.a. í fasteignafélagi
sem keypti fasteign í Berlín, höfuðborg Þýskalands. í DV 16. september 2011
birtist frétt af þessari atburðarás með fyrirsögninni „Kvótinn varð að blokk í
Berlín“ . Sú fyrirsögn segir ein og sér mikla sögu.
30 Umfjöllun um Þingeyri er öll byggð á skýrslu Þórhalls Arasonar (2012).