Dagblaðið Vísir - DV - 19.10.2018, Blaðsíða 24

24 19. október 2018FRÉTTIR
B
raggamálið, eða Bragga­
blúsinn svokallaði, fer nú
hátt í fjölmiðlum. Málið
er flókið og því getur verið
erfitt fyrir marga að skilja um hvað
málið snýst.
Af því tilefni ætlar ritstjórn DV
að svara helstu spurningunum um
málið hér.
Hvað er bragginn, hvar er hann
og hvað átti hann að kosta?
Bragginn er í Nauthólsvík.
Hann var byggður í síðari heims­
styrjöld, hann var hluti af hót­
eli. Hótelið brann. Fyrir nokkrum
árum ákvað Reykjavíkurborg að
gera hann upp ásamt tveimur
öðrum byggingum; fyrirlestrasal
og skála. Í bragganum sjálfum er
veitingastaður. Háskólinn í Reykja­
vík mun leigja braggann af Reykja­
víkurborg. Samkvæmt kostnað­
armati sem verkfræðistofan Efla
vann árið 2015 átti verkefnið að
kosta borgar búa 158 milljónir.
Hvað kostar bragginn?
Bragginn, fyrirlestrasalurinn
og skálinn hafa kostað borgarbúa
meira en 400 milljónir. Myndir
innan úr fyrirlestrasalnum, sem
kallaður er náðhúsið, benda til
þess að sú bygging sé ekki tilbúin.
Í dag vitum við ekki hvað bragginn
mun koma til með að kosta. For­
seti borgarstjórnar gaf það út 11.
október að borgarbúar muni ekki
greiða krónu í viðbót í braggann.
Hvers vegna er borgin að borga
bragga fyrir Háskólann í Reykja-
vík?
Fram kom í fréttatilkynningu
haustið 2015 að bragginn væri
hluti af metnaðarfullri áætlun
Háskólans í Reykjavík um að
byggja upp nýsköpunargarð að er­
lendri fyrirmynd. Vinna átti verk­
ið í samráði við stúdenta HR og
hafa þar félagsaðstöðu, veitinga­
sölu stúdenta og aðstöðu fyrir
sprotafyrirtæki. Dagur B. Eggerts­
son borgarstjóri sagði við undir­
ritun samninganna á sínum tíma:
„Ástæðan fyr ir því að borg in vill
leggja þessu lið er að við vilj um að
borg in sé spenn andi staður, þar
sem verða til nýj ar hug mynd ir og
ný fyr ir tæki og þetta verk efni pass­
ar mjög vel inn í þá mynd.“
Hvaða reikninga er DV að
birta?
DV hefur undir höndum alla
reikninga sem Reykjavíkurborg
hefur greitt vegna braggaverkefn­
isins. Þar má sjá með berum aug­
um hvernig verkefnið fór úr því að
kosta 158 milljónir í yfir 400 millj­
ónir. Blaðamenn eru að fara yfir
þá alla og eru að birta fréttir sem
snerta þá.
Hver er Margrét Leifsdóttir?
Margrét Leifsdóttir er verk­
efnastjóri yfir verkefninu, hún
starfar hjá arkitektastofunni Arki­
búllunni en starfaði áður hjá
Reykjavíkurborg. Margrét kvitt­
aði upp á reikningana fyrir hönd
Reykjavíkurborgar og er því nafn
hennar á flestum reikningunum
sem Reykjavíkurborg greiddi verk­
tökum fyrir vinnu við verkefnið.
Hún er ekki aðalhönnuður verks­
ins, hún sinnti eftirliti fyrir hönd
borgarinnar og sat vikulega fundi
með fulltrúum borgarinnar þar
sem kostnaðurinn lá fyrir hverju
sinni.

Hver ber ábyrgð á
framúrkeyrslunni?
Það er erfitt að fullyrða um
ábyrgð einstaklinga á þessum
tímapunkti, en ekki liggur fyrir
hverjir vissu að kostnaðurinn væri
að fara fram úr áætlun og hvenær.
Samkvæmt niðurstöðum könnun­
ar sem Zenter gerði fyrir Frétta­
blaðið í vikunni telur þriðjungur
svarenda að ábyrgðin sé Dags B.
Eggertssonar borgarstjóra. Rúm­
lega fjórð ungur telur ábyrgð ina
vera meiri hluta borg ar stjórnar og
álíka margir telja að emb ætt is­
menn ættu að axla ábyrgð. Um níu
pró sent telja að hönn uðir og arki­
tektar beri ábyrgð ina á fram úr­
keyrsl unni og rúm fimm pró sent
telja hana ann arra. n
D
V.is hefur fjallað ítarlega
um Braggablúsinn svokall­
aða. Í síðustu viku var fjall­
að um stráin sem pöntuð
voru frá Danmörku og kostuðu
alls meira en milljón. Alla þessa
viku hefur DV birt reikninga úr
bókhaldi Reykjavíkurborgar sem
varpa ljósi á hvernig það kom til
að verkefnið á Nauthólsvegi 100
fór rúmlega 250 milljónum króna
fram úr upphaflegu kostnaðar­
mati. Verkefnið fór ekki í útboð
og fékk Reykjavíkurborg fyrirtæki
til að annast verkefnastjórnun og
kvitta upp á reikninga í nafni borg­
arinnar.
Á mánudaginn birti DV.is reikn­
inga arkitektastofunnar Arkibúll­
unnar þar sem kom fram að það
tók rúmlega 1.300 klukkustund­
ir að hanna braggann. Margrét
Leifsdóttir, starfsmaður Arkibúll­
unnar og verkefnastjóri verkefn­
isins, sagði í samtali við fjölmiðla
í kjölfarið að hún hefði ekki verið
aðalhönnuðurinn heldur hafi hún
sinnt eftirliti. Greindi DV.is frá því
á þriðjudag að borgin hefði greitt
Arkibúllunni fyrir meira en 600
klukkustundir í eftirlit.
DV.is hefur einnig birt reikn­
inga í tengslum við ýmis atriði
í málinu. Þar á meðal reikning­
ana í tengslum við barinn sem er
inni í bragganum ásamt myndum
af barnum sjálfum. Greindi DV.is
einnig frá því að Reykjavíkurborg
greiddi verkfræðistofunni Eflu alls
33 milljónir vegna verkefnisins,
þar á meðal 170 þúsund krónur
fyrir að hanna lýsingu.
Í bókhaldsgögnum sem DV hef­
ur undir höndum vegna bragga­
málsins kemur í ljós að flestir þeir
verktakar sem unnu að verk efninu
sáu sjálfir um efniskaup. Í ein­
göngu örfá skipti var Reykjavíkur­
borg rukkuð beint fyrir efniskostn­
að vegna framkvæmdanna við
Nauthólsveg 100.
Samkvæmt reikningum sem
margir verktakar skiluðu er sett
10% álag á allan efniskostnað.
Verktakinn Smiðurinn Þinn Slf.
fékk greiddar 105 milljónir króna
vegna verkefnisins, reikningarnir
sýna að Smiðurinn þinn rukkaði
fyrir tímakaup vegna efniskaupa,
aksturs vegna efniskaupa og svo
loks var sett 10% álag ofan á efnis­
kaupin sjálf.
Sigfús Örn Sigurðsson, eigandi
fyrirtækisins, segir í samtali við DV
að þetta hafi verið samkomulag­
ið og hann sé með tölvupóst sem
staðfesti það. Þegar blaðamað­
ur spurði Sigfús um ástæðu þessa
10% álags sagði hann: „Það var
samið um það“.
Alls keypti Sigfús vörur fyrir
rúmlega 36 milljónir og eru því
álagsgreiðslur til hans vegna
braggans um 3,5 milljónir króna.
Verkefnið fór ekki í útboð og
kann því að vera að Reykjavíkur­
borg hafi ekki fengið besta mögu­
lega verðið á efni sem fór í verk­
efnið á Nauthólsvegi 100. Alls
vann Smiðurinn Þinn Slf. í 8.835
klukkutíma að verkefninu en
hann var eingöngu einn af mörg­
um verktökum sem komu að
framkvæmdinni.
Fram kemur í reikningum að
verktakinn leigði Reykjavíkur­
borg einn til tvo hitablásara með­
an á framkvæmdum stóð og var
heildarkostnaður vegna þeirrar
leigu rúmar 429 þúsund krónur.
Fyrir þá upphæð hefði verið hægt
að kaupa 22 dýrustu hitablásara
sem eru í boði í verslun Byko fyrir
18.995 krónur stykkið.
Þann 28. febrúar á þessu ári
skrifaði Sigfús á Facebook­síð­
una Smiður­
inn þinn að
verkefnastað­
an væri orðin
þannig að
hann gæti ekki
tekið að sér
fleiri verkefni
þangað til vor­
ið 2019 og seg­
ir hann þetta
„Ákveðið
lúxus­
vandamál“.
Fimm dögum
áður en þetta
var skrifaði sendi hann inn reikn­
ing á Reykjavíkurborg upp á tæpar
2,7 milljónir króna. n
DV mun halda áfram að birta
upplýsingar úr braggabókhaldinu
í dag og á næstunni.
Bjartmar Oddur Þeyr Alexandersson
Ari Brynjólfsson
bjartmar@dv.is / ari@dv.is
Efni keypt af verk-
tökum með 10% álagi
n DV birtir braggabókhaldið n Borgin samdi um álagsgreiðslur til verktaka
Það helsta sem þú þarft að vita um
braggamálið – Spurt og svarað
??