Jökull - 31.12.2001, Qupperneq 104

Magnús T. Guðmundsson
HEIÐURSFÉLAGAR
A aðalfundi félagsins voru kosnir sex nýir heiðurs-
félagar. Að tillögu valnefndar lagði stjómin til við
aðalfund að Auður Ólafsdóttir, Erla Engilbertsdóttir,
Helgi Björnsson, Ingibjörg Arnadóttir, Jón E. Isdal
og Jón Sveinsson yrðu gerð að heiðursfélögum. Var
kosning þeirra samþykkt með langvinnu lófataki. Öll
eiga þau áratuga starf að baki fyrir Jöklarannsóknafé-
lagið. Frá 1980 hafði aðeins einn maður verið kjörinn
heiðursfélagi, en það var Stefán Bjarnason sem varð
heiðursfélagi 1992.
FUNDIR
Aðalfundur var haldinn 28. febrúar í kjallaranum á
Mörkinni 6 og eftir venjuleg aðalfundarstörf sýndi
Snævarr Guðmundsson myndir frá Öræfajökli og um-
hverfi hans. Vegna mikils kostnaðar við að nota kjall-
arann í Mörkinni, sem Ferðafélagið hefur nú leigt
út til einkaaðila, var ákveðið að skipta um fundar-
stað fyrir næstu fundi. Vorfundurinn 25. apríl var
því haldinn í húsi Endurmenntunarstofnunar Háskól-
ans við Dunhaga. Þar sagði Þorsteinn Þorsteinsson
frá þátttöku sinni í borleiðangri á Suðurskautsland-
inu og Magnús Tumi Guðmundsson sýndi myndir frá
Heklu, m.a. af nýafstöðnu Heklugosi. Haustfundur-
inn var haldinn í Norræna Húsinu 31. október. Oddur
Sigurðsson sagði frá jöklum á Norðurlandi fyrir hlé
en eftir hlé sýndu Magnús Tumi og Astvaldur Guð-
mundsson myndir úr ferðum sumarsins. Einn við-
bótarfundur var á árinu, en það var afmælisfundur sem
fram fór í Norræna Húsinu þann 18. nóvember. Nánar
er greint frá honum hér á eftir.
ÚTGÁFA JÖKULS
Tveir árgangar Jökuls komu út á árinu. Það voru hefti
nr. 48 og 49. I fyrra heftinu eru greinar um niðurstöð-
ur hallamælinga við Mýrdalsjökul, þykkt Sólheima-
jökuls, Jökulsárgil við Sólheimajökul, um byggingu
Hengils og Kröflu út frá samtúlkun skjálftamælinga
og þyngdarmælinga, afkomumælingar á Öræfajökli
og um upphaf smásjárrannsókna á þunnsneiðum af
bergi. I seinna heftinu er safn greina um Kötlu. Þar er
grein um eldgosasögu Kötlu á nútíma, um yfirborð og
botn Mýrdalsjökuls út frá íssjármælingum, um túlk-
un segulmælinga yfir Mýrdalsjökli, um jarðskjálfta-
virkni þar og um jökulhlaup úr Sólheimajökli 18. júlí
1999. I báðum heftum eru fastir liðir eins og skýrsl-
ur um jöklabreytingar og um rannsóknarferðir JÖRFI
auk félagslegs efnis frá bæði Jöklarannsóknafélaginu
og Jarðfræðafélaginu. Hafa ritstjórar unnið ötullega
að útgáfu ritsins og horfur á að Jökull komist á rétt
útgáfuár, jafnvel þegar á þessu ári.
FRÉTTABRÉF
Fréttabréfið var eins og mörg undanfarin ár í um-
sjón Odds Sigurðssonar, varaformanns félagsins. Sex
fréttabréf komu út á árinu.
SUMARFERÐ
Sumarferðin var farin 1.-2. júlí. Hún var vel sótt
eins og undanfarin ár en þátttakendur voru um fimm-
tíu. Farið var að Heklu og gist í tjöldum við Galta-
læk. Einmunablíða var allan tímann en á laugardeg-
inum voru ummerki jarðskjálfta á Suðurlandi skoðuð,
Heklusafn og hellar í Landsveitinni. Daginn eftir gekk
meiri hluti hópsins á Heklu og skoðaði ummerki um
gosið sem varð þremur mánuðum fyrr. A meðan fóru
nokkrir fórnfúsir þátttakendur með yngri börnin í sund
í Þjórsárdal. Leiðsögumaður var Árni Hjartarson jarð-
fræðingur.
SKÁLAMÁL
Nokkuð var unnið í viðhaldi skála á árinu eins og
endranær. Kostnaðarsamasta verkefnið var endurnýj-
un á öllum dýnum í stóra skálanum á Grímsfjalli.
Leystu þær af hólmi dýnur sem verið höfðu í skál-
anum frá því hann var fluttur á staðinn 1987. Voru
þær orðnar æði lúnar og bældar. Einnig var settur
upp skápur með neyðarbúnaði. Þá var borið á skálana
eins og hægt var í vorferð. I Jökulheimum var þak
nýrri skálans málað og gólf bílageymslunnar hellu-
lagt. Skálinn í Kverkfjöllum var málaður utan sem
innan í byrjun september. Á Goðahnúkum var settur
nýr hleri fyrir hurð og í Kirkjubóli var gert við hurð og
skálin málaður að utan. Farin var gönguferð í Esfju-
fjöll í júlí. Brakinu úr skálanum sem fauk, var safn-
að saman og það brennt. Þá voru undirstöður skál-
102 JÖKULLNo. 51