Ljósmæðrablaðið - 01.06.2016, Blaðsíða 34

34 Ljósmæðrablaðið - júní 2016
Karolina Fund. Söfnunin gekk vonum framar og viðbrögðin voru
eiginlega alveg ótrúleg. Þegar farið er af stað með söfnun hjá Karolina
Fund fylgir því að maður þarf að vera duglegur að kynna verkefnið
sitt sem við gerðum. Við fórum í viðtöl hingað og þangað og gerðum
allt sem okkur datt í hug til að vekja á verkefninu athygli. Kastljósið,
Ísland í dag, flest öll dagblöð, fréttamiðlar á netinu og útvarpsþættir
voru nánast daglegt brauð um tíma. Þægindarammi var hugtak sem við
vorum alveg hættar að nota, enda löngu komnar út fyrir hann.
Fram að þessu höfum við ekki fengið annað en jákvæð viðbrögð
hvar sem við höfum komið, ótrúlegasta fólk hefur sýnt þessu mikinn
áhuga. Einstaklingar og fyrirtæki hafa sett sig í samband við okkur og
viljað leggja verkefninu lið og fyrir það erum við eilíflega þakklátar.
Það er mikið búið en það er líka töluvert eftir. Um leið og húsnæðið
er tilbúið sækjum við um starfsleyfi heilbrigðiseftirlits. Í kjölfarið
tilkynnum við reksturinn til landlæknis og verið er að vinna í samn-
ingum við Sjúkratryggingar Íslands. Fyrsta barnið fæðist vonandi í
sumar á litla fæðingarheimilinu okkar, ef allt gengur að óskum. Við
vitum að fæðingar taka mislangan tíma og það þarf þolinmæði í yfir-
setu. Það sama virðist eiga við um fæðingu fæðingarstofu. Konur
hafa haft samband við okkur og lýst yfir áhuga á að fæða hjá okkur á
fæðingarstofunni en við höfum hingað til ekki viljað lofa þeim neinu.
Allt er samt að verða tilbúið og það er þegar verið að prjóna heimferð-
arsett á fyrsta barnið sem fæðist í fæðingarstofunni okkar. Það er mikil
vinna að setja á fót fæðingarstofu. Í tveggja manna hópinn okkar hafa
nú bæst við fleiri ljósmæður sem eru okkur mikill liðstyrkur. Það eru
Harpa Ósk Valgeirsdóttir, ljósusystir okkar, Greta Matthíasdóttir, Jenný
Árnadóttir og Emma Swift. Þær Harpa og Emma ætla að vinna með
okkur í tengslum við námskeið og ýmsar nýjungar sem við erum farnar
að bjóða upp á í Björkinni og hægt er að finna upplýsingar um á nýju
heimasíðunni okkar sem við vorum að opna í byrjun árs. Harpa hefur
hjálpað okkur að halda utan um verkefnin og er vefstjórinn okkar.
Gréta og Jenný eru að vinna með okkur og Hörpu að mótun þjón-
ustunnar sem verður veitt á fæðingarstofunni og þær munu mynda með
okkur fyrsta ljósmæðrahópinn sem býður upp á samfellda þjónustu og
fæðingu í fæðingarstofunni. Okkur innan handar er líka góður hópur
af ráðgefandi ljósmæðrum sem er líka mikill styrkur fyrir okkur og
við erum þeim mjög þakklátar. Fæðingarstofan verður til að byrja með
aðallega ætluð konum sem koma utan af landi til að fæða börnin sín og
hafa ekki kost á að fæða barnið sitt á heimaslóðum. Konur af höfuð-
borgarsvæðinu verða líka boðnar velkomnar. Allar þurfa konurnar
að vera hraustar og verður meðgangan þeirra að vera eðlileg. Stuðst
verður við leiðbeiningar landlæknis um val á fæðingarstað. Draumur
okkar er að fæðingarstofan í Lygnu verði upphaf að einhverju stærra
og meira. Fæðingarheimili með nokkrum fæðingarstofum og fleiri ljós-
mæðrahópum. Það er von okkar að með opnun fæðingarstofu Bjark-
arinnar munum við skapa nýjan starfsvettvang fyrir ljósmæður, fjölga
valkostum og bæta þjónustu við verðandi foreldra.
Arney Þórarinsdóttir
Hrafnhildur Halldórsdóttir
Fjölskyldumeðlimir hjálpa til að gera fæðingastofuna klára.