Ljósmæðrablaðið - 01.06.2016, Blaðsíða 35

35Ljósmæðrablaðið - júní 2016
Íslenskar ljósmæður vinna um þessar mundir blómlegt starf við
rannsóknir á margvíslegum þáttum barneignarferlisins. Afrakstur
rannsókna þeirra fer fyrst að bera ávöxt þegar ný þekking breiðist
út meðal ljósmæðra og annarra heilbrigðisstarfsmanna, og því ekki
úr vegi að kynna í Ljósmæðrablaðinu þau rannsóknarverkefni sem
unnin eru af íslenskum ljósmæðrum og þær greinar sem birst hafa í
öðrum ritrýndum tímaritum.
Í dag stunda fimm íslenskar ljósmæður rannsóknanám á
doktorsstigi. Sigfríður Inga Karlsdóttir, Ingibjörg Eiríksdóttir,
Sigríður Sía Jónsdóttir og Valgerður Lísa Sigurðardóttir halda áfram
sínu doktorsnámi, en við hópinn hefur bæst Emma Swift sem stundar
doktorsnám í ljósmóðurfræði og lýðheilsuvísindum við Háskóla
Íslands (HÍ) og rannsakar meðgönguvernd, undirbúning fæðingar,
fæðingarótta, sjálfsöryggi og fæðingarinngrip. Berglind Hálfdáns-
dóttir lauk doktorsnámi í ljósmóðurfræði við HÍ 2. maí síðastliðinn
þar sem hún rannsakaði forsendur, útkomu og áhrifaþætti fyrirfram
ákveðinna heimafæðinga á Íslandi.
Þátttaka íslenskra ljósmæðra í stórum samstarfsverkefnum um
innlendar sem erlendar rannsóknir heldur áfram að vaxa. Þau
verkefni sem þær taka þátt í um þessar mundir eru:
- Barneign og Heilsa: Hildur Kristjánsdóttir og Dr. Ólöf Ásta
Ólafsdóttir.
- BIDENS rannsóknasamstarfið (Belgium, Iceland, Denmark,
Estonia, Norway and Sweden): Hildur Kristjánsdóttir.
- COST verkefnið Childbirth Cultures, Concerns and
Consequences: Dr. Helga Gottfreðsdóttir.
- COST verkefnið BIRTH, Building Intrapartum Research
Through Health: Sigfríður Inga Karlsdóttir og Sigríður Sía Jóns-
dóttir.
- MiMo módelið: Sænsk-íslensk rannskókn um innleiðingu og
mat á ljósmóðurfræðilegu umönnunarmódeli. Dr. Ólöf Ásta
Ólafsdóttir.
- The Nordic Homebirth Study: Dr. Ólöf Ásta Ólafsdóttir, Ásrún
Ösp Jónsdóttir og Dr. Berglind Hálfdánsdóttir.
- Við fyrri samstarfsverkefni hefur bæst þátttaka Emmu Swift í
rannsóknasamstarfi í Kanada, Bandaríkjunum, Þýskalandi, Bret-
landi, Ástralíu, Nýja-Sjálandi, Chile og Íslandi undir leiðsögn
Dr. Kathrin Stoll þar sem þróaður var nýr mælikvarði til að meta
fæðingarótta, viðhorf kvenna til notkunar tækni í fæðingum og
hvað hefur áhrif á þau viðhorf hjá næstu kynslóð barnshafandi
kvenna.
Frá síðasta vori hafa birst tvær ritrýndar greinar íslenskra ljós-
mæðra í Ljósmæðrablaðinu. Á sama tíma hafa birst í öðrum
tímaritum í það minnsta átta ritrýndar greinar um rannsóknir sem
íslenskar ljósmæður hafa gert á efni sem snertir ljósmæðraþjónustu á
Íslandi (greinar sem eru hluti af doktorsverkefni eru stjörnumerktar):
Hildur Kristjánsdóttir og samstarfsaðilar hennar í BIDENS rann-
sóknasamstarfinu birtu í tímaritinu BMC Pregnancy and Childbirth
í maí 2015 greinina Pregnancy intendedness and the association
with physical, sexual and emotional abuse ‒ a European multi-
-country cross-sectional study:
http://bmcpregnancychildbirth.biomedcentral.com/articles/10.1186/
s12884-015-0558-4
Helga Gottfreðsdóttir og félagar birtu í tímaritinu Midwifery í septem-
ber 2015 greinina Taxonomy for complexity theory in the context
of maternity care:
http://www.midwiferyjournal.com/article/S0266-6138(15)00157-6/
abstract
Helga Gottfreðsdóttir og félagar birtu í tímaritinu The Europe-
an Journal of Human Genetics (rafræn birting í nóvember 2015)
greinina Preferences for prenatal tests for Down syndrome: An
international comparison of the views of pregnant women and
health professionals:
h t tp : / /www.nature .com/ejhg/ journal /vaop/ncurrent /pdf /
ejhg2015249a.pdf
Ólöf Ásta Ólafsdóttir og samstarfsaðilar hennar í The Nordic
Homebirth Study birtu á árunum 2015‒16 tvær rannsóknargreinar í
tímaritunum Birth og Acta Obstetricia et Gynecologica Scandinavica
um lengd eðlilegrar fæðingar og flutning í heimafæðingum:
http://onlinelibrary.wiley.com/doi/10.1111/birt.12191/abstract
http://onlinelibrary.wiley.com/doi/10.1111/aogs.12858/full
Berglind Hálfdánsdóttir, Ólöf Ásta Ólafsdóttir og félagar birtu í
tímaritinu Midwifery í mars 2016 greinina Maternal attitudes
towards home birth and their effect on birth outcomes in Iceland:
A prospective cohort study*:
http://www.midwiferyjournal.com/article/S0266-6138(16)00002-4/
abstract
Helga Gottfreðsdóttir, Embla Ýr Guðmundsdóttir, Hildur Kristjáns-
dóttir og félagar birtu í tímaritinu Midwifery (rafræn birting í maí
2016) greinina Content of antenatal care: Does it prepare women
for birth?:
http://www.midwiferyjournal.com/article/S0266-6138(16)30044-4/
abstract
Emma Swift og samstarfsaðilar hennar í rannsóknasamstarfi um
fæðingarótta birtu í tímaritinu Sexual & Reproductive Healthcare í
júní 2016 greinina Cross-cultural development and psychometric
evaluation of a measure to assess fear of childbirth prior to
pregnancy:
http://www.srhcjournal.org/article/S1877-5756(16)00022-7/abstract
Að auki má til gamans geta þess að fjölmargar íslenskar ljósmæður
kynntu rannsóknir sínar á Norðurlandaráðstefnu ljósmæðra í
Gautaborg í maí síðastliðnum. Ljósmæðrablaðið hvetur íslenskar
ljósmæður til að kynna sér efni þessara rannsókna sem geta haft
þýðingu fyrir störf okkar í þjónustu við íslenskar fjölskyldur í
barneignarferli.
Dr. Berglind Hálfdánsdóttir ljósmóðir tók saman
Íslenskar ljósmæðrarannsóknir
F R É T T A T I L K Y N N I N G