Dagblaðið Vísir - DV - 22.02.2019, Blaðsíða 8

8 22. febrúar 2019FRÉTTIR
Dalvegi 2, 201 Kópavogi Dalshrauni 13, 220 Hafnarfirði
eldbakaðar eðal pizzur
sími 577 3333
www.castello.is
DALVEGI 2, 201 KÓPAVOGI
DALSHRAUNI 13, 220 HAFNARFIRÐI
PIZZERIA
eldbakaðar
eðal pizzyur
www.castello.is
ÍSLENDINGAR Í FANGELSUM ERLENDIS
S
amkvæmt úttekt DV af­
plána sex aðrir Íslendingar
fangelsisdóm erlendis; í
Bretlandi, Bandaríkjunum,
Ástralíu og Noregi. Vert er að taka
fram að sumir einstaklinganna
eru ekki íslenskir ríkisborgarar,
en fæddir hér á landi og skráðir í
þjóðskrá eða eiga íslenskt foreldri.
Gögn gefa ekki rétta mynd
Í skriflegu svari Sveins H. Guð­
marssonar, upplýsingafulltrúa
utan ríkisráðuneytisins, kem­
ur fram að ráðuneytið haldi ekki
heildstætt yfirlit yfir fjölda ís­
lenskra ríkisborgara í fangelsum
erlendis, enda er aðstoðar þjón­
ustunnar ekki alltaf óskað í slíkum
málum eða hún látin vita þegar
fangar eru látnir lausir úr haldi.
Gögn sem utanríkisráðuneytið
hefur um slík málefni eru því ófull­
komin og gefa ekki rétta mynd af
fjölda Íslendinga í fangelsum er­
lendis.
Fram kemur að allur gangur sé
á því hvort óskað sé eftir aðstoð
þjónustunnar í slíkum málum.
Stjórnvöldum erlendra ríkja ber
ekki skylda til að tilkynna hand­
töku íslenskra ríkisborgara eða
dómsniðurstöðu í málum þeirra
til íslenskra stjórnvalda. Því er ekki
hægt að útiloka að fleiri íslensk­
ir ríkisborgarar geti verið í haldi
erlendra yfirvalda án þess að vit­
neskja um það hafi borist stjórn­
völdum hér.
Helgi Heiðar
Steinarsson og
Brynjar Smári
Guðmundsson
voru handteknir í
Ástralíu í nóvem­
ber síðastliðnum.
Var Brynjar Smári
handtekinn á flug­
vellinum í Mel­
bourne þar sem
fjögur kíló af kóka­
íni fundust í ferða­
tösku hans, en hann
var þá að koma frá
Hong Kong. Í kjöl­
farið var Helgi Heið­
ar handtekinn á
hóteli í Melbourne
eftir að 2,7 kíló af
kókaíni fundust á
hótelherbergi hans, en talið er
líklegt að fíkniefnin hafi átt að
fara á markað í Ástralíu.
Söluverðmæti efnanna er
talið vera sem nemur um 215
milljónum íslenskra króna.
Samkvæmt upplýsingum
áströlsku tollgæslunnar liggur
allt að lífstíðarfangelsi  við brot­
um mannanna. Verði
þeir sakfelldir gætu
þeir átt yfir höfði sér
langan fangelsisdóm.
Þess má geta að
Brynjar Smári er
geysivinsæl stjarna
á Instagram með um
17 þúsund fylgjendur.
Þá vekur athygli að
Helgi Heiðar skipti um
forsíðumynd á Face­
book um tveimur vik­
um fyrir handtökuna
og skrifaði: „ Bjartari
mynd fyrir bjartari
tíma? Let’s do this!“
Hvorki Helgi Heiðar
né Brynjar eiga neinn
sakaferil að baki hér á
landi, en líkt og fram
kom í frétt DV í nóvember síð­
astliðnum njóta þeir og fjöl­
skyldur þeirra aðstoðar utanrík­
isráðuneytisins vegna málsins.
Skjáskot af Instagram-síðu Brynjars Smára.
Þann 20. janúar 2013 voru Sigur­
ingi Hólmgrímsson, 24 ára Akur­
eyringur, og annar Íslendingur,
félagi hans, handteknir á flug­
vellinum í Melbourne. Í tösku
Siguringa voru 1,2 kíló af hreinu
kókaíni, en í tösku félaga hans
var tæpt kíló af kókaíni.
Félagi Siguringa eyddi 567
dögum saklaus í varðhaldi áður
en Siguringi gaf eiðsvarna yfir­
lýsingu þess efnis að vinur hans
hefði ekki vitað af fíkniefnun­
um. Siguringi hafði boðið mann­
inum í ókeypis frí til Ástralíu
og lagt til ferðatösku sem efnin
voru falin í.
Siguringi játaði síðar sök í
málinu og sagðist hafa sam­
þykkt að smygla fíkniefn­
unum til að gera upp
fíkniefnaskuld upp
á 2,2 milljónir hér­
lendis. Sagðist hann
hafa verið í skuld
við einstakling sem
væri „valdamikill í
undirheimunum“ og
sá aðili hefði hótað
honum og fjölskyldu
hans.
Þá kemur fram í dómnum
að Siguringi hafi orðið háður
kannabisefnum á unglings­
árum og átt erfiða æsku; hann
missti yngri systur sína í bílslysi,
foreldrar hans skildu og hann
ólst upp við brenglaðar aðstæð­
ur. Áður en hann fór til Ástralíu
starfaði hann meðal annars með
Slysavarnafélaginu Landsbjörg.
Þann 29. maí 2015 var Sigur­
ingi dæmdur í 7 ára fangelsi fyrir
brotið og gert að afplána minnst
fimm ár, að frádregnum þeim
647 dögum sem hann hefði
þegar setið inni.
Við dómsuppkvaðningu kall­
aði dómari Siguringa grimman
og hjartalausan fyrir að hafa
komið sök á félaga sinn.
„Það er varla hægt að
ímynda sér þær sál­
arkvalir og það álag
sem þessi saklausi
maður gekk í gegn­
um, langt í burtu
frá heimalandi
sínu og ástvinum.“
Árið 2014 var Ámundi Reyr Jóhannsson dæmdur í 11
ára fangelsi í Noregi fyrir að hafa myrt útvarpsmann­
inn Helge Dahle. Ámundi var á þeim tíma búsettur í
Grimstad en hann flutti til Noregs árið 2005.
Í umfjöllun norska blaðsins VG var haft eftir
sjónarvotti að Ámundi hefði drukkið ótæpilega um
kvöldið. Um nóttina hafi hann svo í ölæði lýst því yfir
að félagi hans, sem var með honum í samkvæminu,
hefði níu líf. Í kjölfarið tók hann upp pylsuhníf og
gerði sig líklegan til að sanna orð sín.
Þegar Helge reyndi að stoppa Ámunda þá brást
Ámundi við með því að stinga Helge þrisvar sinnum
í bakið og einu sinni í kviðinn.
Hann var handtekinn á vettvangi og úrskurðaður
í fjögurra vikna gæsluvarðhald. Helge lést skömmu
síðar.
Tveir íslenskir karlmenn, Helgi Heiðar Steinarsson og
Brynjar Smári Guðmundsson, bíða nú dóms í Ástralíu
fyrir stórfelldan fíkniefnainnflutning. Mál mannanna
tveggja eru aðskilin fyrir héraðsdómi í Melbourne
en fyrirtaka fer fram í báðum málum þann 19. mars
næstkomandi.
Auður Ösp Guðmundsdóttir
audur@dv.is
ÁMUNDI REYR JÓHANNSSON
HELGI HEIÐAR STEINARSSON
OG BRYNJAR SMÁRI GUÐMUNDSSON
SIGURINGI HÓLMGRÍMSSON
Siguringi Hólmgrímsson