Morgunblaðið - 06.10.2018, Síða 7

FRÉTTIR 7Innlent
MORGUNBLAÐIÐ LAUGARDAGUR 6. OKTÓBER 2018
Drekktu í þig menninguna
Brostu framan í Mónu Lísu, farðu í ævintýraleiðangur með Tinna og Tobba eða klappaðu
Berlínarbirninum. Stórborgirnar á meginlandi Evrópu eru mögnuð uppspretta menningar
og lista. Þræddu söfn, gallerí og verslanir og fylgstu svo með mannlífinu á götukaffihúsi.
Aldrei hefur verið auðveldara að njóta lífsins í menningarborgum Evrópu.
MENNINGARBORGIR EVRÓPU
Verð aðra leið frá 16.100 kr.
Verð frá 24.800 Vildarpunktum
Sigtryggur Sigtryggsson
sisi@mbl.is
Faxaflóahafnir hafa mikinn við-
búnað vegna tankskips sem vænt-
anlegt er um helgina með asfalt til
malbikunarstöðvarinnar Höfða í Ár-
túnshöfða. Skipið heitir Mergus og
er 4.077 brúttótonn. Ef áætlanir
standast verður skipið tekið inn á
morgunflóðinu á morgun, sunnudag.
Eins og fram hefur komið í frétt-
um er innsiglingin að höfninni í Ár-
túnshöfða að lokast vegna sand-
burðar. Þá er dýpið við bryggjuna
orðið svo lítið að tankskipið myndi
stranda ef það færi alveg að bryggj-
unni. Starfsmenn Faxaflóahafna
hafa brugðist við þessu með því að
setja svokallaða „yokohama“-belgi
utan á bryggjuna til að halda skip-
inu frá henni. Belgirnir eru tveir
metrar í þvermál.
„Við féllumst á að taka eitt skip
inn til viðbótar þannig að Höfði gæti
staðið við þá samninga sem þeir
hafa gert. Þetta er allra síðasta
skipið sem við þjónustum þarna
inn,“ segir Gísli Jóhann Hallsson,
yfirhafnsögumaður Faxaflóahafna.
Skipið mun svo yfirgefa höfnina á
flóði.
Í minnisblaði sem Jón Þorvalds-
son aðstoðarhafnarstjóri hefur tekið
saman og lagt var fyrir síðasta fund
stjórnar Faxaflóahafna sf. er vand-
anum lýst sem við er að fást.
Innsiglingarrennan að Ártúns-
höfða, sem grafin var í Elliðaárvogi
fyrir árið 1970, er smám saman að
fyllast. Setið getur ekki lengur flætt
um og dreift sér um botnsvæði
vogsins eins og það áður gerði um
áratuga skeið. Vogurinn er í dag
orðinn mikið til fullur af efni og það
sest nú á botn á þeim svæðum þar
sem enn er dýpi fyrir hendi. Þetta
sé sérstaklega bagalegt fyrir Björg-
un ehf. en skip fyrirtækisins landa
efni af hafsbotni á land við Ártúns-
höfða. „Sigling asfaltskipa að Ár-
túnshöfða nú í sumar hefur ekki
alltaf verið auðveld,“ segir Jón í
minnisblaðinu. Skip hafa verið að
taka niðri við bakka og ekkert hefur
mátt út af bregða með að tæma
skipin. Umboðsmenn hafi jafnvel
óskað eftir nærveru hafnaryfirvalda
við skoðun á skipi í slipp erlendis
eftir að það tók niðri.
„Strax við fyrstu komu asfalt-
skips í mars í vor sat skip á botni við
bryggju þar sem ekki tókst að létta
það fyrir næstu fjöru. Skipið komst
síðan burt einhverjum sólarhringum
síðar. Í ljós kom að þegar dæla átti
asfalti úr skipi var dælulögn í landi
stífluð. Ekki tókst að létta skipið og
það sat á botni á næstu fjöru. Á
þessu svæði eru ekki klappir eða
grjótbotn. Skip eru aftur á móti ekki
gerð fyrir það að sitja að hluta til á
botni með farm í tönkunum. Lag-
færing á dýpi í viðlegu var þá gerð
þannig að dýpkunargrafa var fengin
til að koma dýpkunarefni á land og
því ekið burt í fyllingar með bílum.
Losun efnis í sjó er ekki leyfð en
vinnubrögð farin að fá á sig sér-
kennilegan svip.“
Hefur áhrif á skemmtibáta
Aðsiglingarrenna Bryggjuhverfis
er líka að grynnka, segir Jón, og þar
eru áhöld um siglingu skemmtibáta
á fjöru. Sama megi segja um sigl-
ingarrennu að höfn Snarfara í
Elliðaárvogi.
Dýpkun rennunnar sé ekki mögu-
leg því að „lítilsháttar dýpkunar-
verkefni er orðið fast í jarðvegi
regluverks og úttekta“.
Setja belgi utan á bryggjuna
 Asfaltskip er væntanlegt að Ártúnshöfða um helgina  Vegna sandburðar í Elliðaárvogi er dýpið
við bryggjuna orðið svo lítið að halda verður skipinu frá bryggju með „yokohama“-belgjum
Morgunblaðið/Árni Sæberg
Ártúnshöfði Belgir hafa verið settir utan á bryggjuna svo hægt verði að halda tankskipinu Mergus frá henni. Að
öðrum kosti myndi skipið stranda. Asfaltskip sem kom að Ártúnshöfða í mars síðastliðnum sat á botni á fjöru.