Morgunblaðið - 06.10.2018, Blaðsíða 9

FRÉTTIR 9Innlent
MORGUNBLAÐIÐ LAUGARDAGUR 6. OKTÓBER 2018
Finndu kraftinn
Komdu þangað sem menningarstraumar frá öllum heimshornum mætast.
Smakkaðu á ljúffengum götumat og kynntu þér allt það heitasta í heimi hönnunar
og lista. Horfðu yfir iðandi mannlífið af toppi skýjakljúfs og finndu kraftinn.
Aldrei hefur verið auðveldara að njóta lífsins í stórborgum Bandaríkjanna.
STÓRBORGIR BANDARÍKJANNA
Verð aðra leið frá 30.900 kr.
Verð frá 47.600 Vildarpunktum
„Þetta er mjög gleðilegt og jákvætt
skref í að tryggja réttindi barna í
daglegu lífi. Það hefur verið mikil
eftirspurn frá sveitarfélögum lands-
ins um stuðning við innleiðingu
Barnasáttmálans og við hjá UNICEF
á Íslandi viljum gera það sem í okk-
ar valdi stendur til að svara þeirri
eftirspurn, “ segir Bergsteinn Jóns-
son, framkvæmdastjóri UNICEF á
Íslandi.
Bergsteinn og Ármann Kr. Ólafs-
son, bæjarstjóri Kópavogs, undirrit-
uðu í gær samstarfssamning sem fel-
ur það í sér að Kópavogsbær hefur
vinnu við að innleiða Barnasáttmála
Sameinuðu þjóðanna og stefnir
bæjarfélagið að því að hljóta viður-
kenningu sem barnvænt sveitar-
félag UNICEF á Íslandi. Með undir-
rituninni skuldbinda fulltrúar
Kópavogsbæjar sig til þess að setja
upp „barnaréttindagleraugun“ þeg-
ar verk- og ákvarðanaferli eru skoð-
uð og að forsendur Barnasáttmála
Sameinuðu þjóðanna gangi sem
rauður þráður í gegnum þjónustu
sveitarfélagsins.
„Ég er stoltur af því að innleiðing
Barnasáttmála Sameinuðu þjóðanna
sé að hefjast í Kópavogi. Sveitar-
félög gegna lykilhlutverki í innleið-
ingu Barnasáttmálans og við hjá
Kópavogsbæ munum sinna verkefn-
inu af metnaði. Innleiðing Barna-
sáttmálans fellur einnig afar vel að
nýsamþykktum áformum bæjarins
um innleiðingu Heimsmarkmiða
Sameinuðu þjóðanna hjá bænum,“
segir Ármann. Kópavogsbær verður
annað sveitarfélagið til að taka þátt í
verkefninu á eftir Akureyrarbæ.
Ljósmynd/Hreinn Magnússon
Skrifað undir Bergsteinn Jónsson og Ármann Kr. Ólafsson glöddust í gær.
Kópavogur innleiðir
Barnasáttmála SÞ
 Bæjarstjórinn kveðst vera stoltur
Sigtryggur Sigtryggsson
sisi@mbl.is
Þrjú tilboð bárust í Grandagarð 2,
Alliance-húsið, ásamt bygginga-
rétti. Reykjavíkurborg auglýsti
húsið til sölu í byrjun september.
Tilboð voru opnuð á miðvikudag-
inn og skiluðu eftirfarandi fyrir-
tæki inn tilboði: Átak sf. og Habilis
ehf. krónur 300 milljónir króna,
Fasteignaþróunarfélagið SKIPAN
ehf. 650 milljónir og M3 capital ehf.
og Eldborg capital ehf. 900 millj-
ónir.
Fram kom í auglýsingu borgar-
innar að við mat á tilboðum mundi
verðhugmynd gilda 50% og aðrir
þættir 50%. Þessir þættir eru
frumleiki og tenging við umhverfi,
samfélagsleg tenging, aðgengi,
hönnun, sjálfbærni og kolefnisspor.
Umsækjandi átti að gera grein fyr-
ir hugmyndum sínum um uppbygg-
ingu á reitnum ásamt uppdráttum.
Samkvæmt upplýsingum Óla
Arnar Eiríkssonar, deildarstjóra
hjá skrifstofu eigna og atvinnuþró-
unar, mun starfshópur borgarinnar
ásamt fulltrúa Faxaflóahafnar,
gefa tilboðunum stig á grundvelli
matsblaðs. Gert er ráð fyrir því að
þessi vinna taki tvær vikur og
borgarráð geti tekið málið til af-
greiðslu fimmtudaginn 25. október.
Alliance-húsið er steinsteypuhús,
byggt á árunum 1924 til 1925, eftir
teikningum Guðmundar H. Þor-
lákssonar húsameistara og er talið
hafa mikið byggingarlistarlegt
gildi. Reykjavíkurborg festi kaup á
húsinu árið 2012 fyrir 340 milljónir
króna. Árið 2007 hafði borgin selt
fjárfestingafyrirtæki í eigu at-
hafnakonunnar Ingunnar Werners-
dóttur húsið og lóð á 925 milljónir.
Húsið er 2.000 fermetrar. Ytra
byrði þess hefur verið gert upp í
anda fyrri tíma. Í dag eru starf-
rækt í húsinu og viðbyggingu Sögu-
safnið, norðurljósasýning og veit-
ingahúsið Matur og drykkur.
Fyrr á þessu ári var samþykkt
deiliskipulag fyrir lóðina. Nýbygg-
ingarnar geta orðið alls 4.200 fer-
metrar. Á jarðhæð nýbyggingar
verða fimm verslunar- og þjónustu-
rými opin almenningi. Á annarri og
þriðju hæð verða íbúðir eða hótel-
herbergi.
Hæsta tilboð í Alliance-
húsið var 900 milljónir
 Verðhugmyndin mun gilda 50% og aðrir þættir 50%
Morgunblaðið/Golli
Alliance-húsið Viðbyggingin verður rifin og ný hús byggð á lóðinni.
Alliance-húsið
» Steinsteypuhús, byggt á ár-
unum 1924 til 1925. Var byggt
sem saltverkunarhús.
» Til stóð að rífa húsið en
komið var í veg fyrir það með
friðun ráðherra árið 2010.
» Húsið stendur á 3.569 fer-
metra lóð sem fylgir með í
kaupunum.