Morgunblaðið - 15.11.2018, Blaðsíða 10

10 FRÉTTIRInnlent
MORGUNBLAÐIÐ FIMMTUDAGUR 15. NÓVEMBER 2018
Baldur Arnarson
baldura@mbl.is
„Tillagan veldur íbúum miklum
vonbrigðum. Þar er gert ráð fyrir
að byggðar verði 32 íbúðir. Af
þeim hafi 24 stæði í bílakjallara.
Aðrar íbúðir hafa ekki bílastæði,“
segir Lára Áslaug Sverrisdóttir,
lögfræðingur og fulltrúi íbúa í
Furugerði í Reykjavík.
Tilefnið er deiliskipulagstillaga
umhverfis- og skipulagsráðs
Reykjavíkur fyrir lóðina Furugerði
23, sem verður lögð fyrir borgar-
ráð í dag.
Lára Áslaug segir íbúana óttast
að tillagan verði samþykkt enda sé
greinilega pólitískur meirihluti fyr-
ir henni. Máli sínu til stuðnings
vísar hún til fundar umhverfis- og
skipulagsráðs um málið. Þar megi
lesa stuðning við fyrirhuguð
áform.
Fjallað hefur verið um mótmæli
íbúa í Morgunblaðinu. Til upprifj-
unar snýst málið um þéttingu
byggðar á lóð þar sem um árabil
var starfrækt gróðrarstöðin
Grænahlíð. Lóðin snýr að Bústaða-
vegi og munu göturnar Espigerði
og Furugerði liggja að austur- og
suðurenda húsanna. Gert er ráð
fyrir tveimur bílastæðum fyrir
fatlaða.
Skapar umferðarvanda
Lára Áslaug bendir á að inn-
keyrsla í bílakjallara verði aðeins
frá Furugerði sem auki umferð um
þrönga húsagötu. „Eftir breyt-
inguna verða öll bílastæði í göt-
unni í einkaeigu en bílastæði sem
nú eru fyrir aðra verða tekin undir
aðkomu sorpbíla og fleira. Þetta
þýðir að íbúar 8 íbúða, gestir
þeirra og aðrir, munu ekki hafa
nein bílastæði til afnota í götunni,“
segir Lára Áslaug.
Hún rifjar svo upp að í gildandi
aðalskipulagi sé gert ráð fyrir 4-6
íbúðum. „Það er skoðun íbúa að
breyta þurfi aðalskipulagi til að
heimilt sé að auka byggingarmagn
þetta mikið og með því að sam-
þykkja fyrirliggjandi skipulagstil-
lögu sé borgin að fara á svig við
lög.
Þá telja íbúar að með því að
samþykkja deiliskipulagstillöguna
sé borgin að baka sér umtalsverða
bótaskyldu, sem verður þegar upp
er staðið á kostnað skattgreiðenda.
Vísa íbúar til sex dóma Hæsta-
réttar frá maí 2016 þar sem Mos-
fellsbær var dæmdur bótaskyldur
við sambærilegar aðstæður.“
Lára Áslaug segir öll þessi atriði
hafa verið kynnt borginni.
„Það hefur verið óskað eftir
samráði við borgaryfirvöld um
málið. Þetta hefur verið hunsað.
Það er íbúum óskiljanlegt hvern-
ig kjörnir fulltrúar fara svona full-
komlega gegn sjónarmiðum íbúa,
skerða lífsgæði þeirra með því að
auka umferð um þrönga húsagötu,
auka hávaða og mengun, skerða
útsýni og takmarka dagsbirtu inn í
þær íbúðir sem fyrir eru. Íbúar
eru að ráða sér lögmann sem fara
mun með málið fyrir þeirra hönd í
framhaldinu.
Íbúar munu gera allt sem lög
heimila til að koma í veg fyrir að
fyrirliggjandi tillaga nái fram að
ganga,“ segir Lára Áslaug.
Tölvumyndir/Arkís
Horft til suðurs Framhlið fyrirhugaðra íbúðarhúsa mun snúa að götunni en á baklóð er grænt svæði.
Niðurstaðan mikil
vonbrigði fyrir íbúa
 Fulltrúi íbúa í Furugerði segir borgina hafna samráði
Við götuna Reiturinn liggur að gatnamótum Bústaða- og Grensásvegar.
Nýtt útlit Horft austur Bústaðaveg, sem er ein fjölfarnasta gata landsins.
Hinn 6. september síðastliðinn
létu borgaryfirvöld í Reykjavík
færa afsalsbréf Hannesar Haf-
stein, ráðherra Íslands, f.h. lands-
sjóðs til
Reykjavíkurkaupstaðar, um lóð
Víkurgarðs, gamla kirkjugarðsins
í miðborginni, dags. 21. október
1904, í þinglýsingarbækur sýslu-
mannsins á höfuðborgarsvæðinu.
Þá voru liðin 114 ár frá því ráð-
herrann staðfesti að landsstjórnin
hefði ekki lengur með kirkjugarð-
inn að gera.
„Víkurgarður upp frá því þing-
lýst eign Reykjavíkurborgar,“ seg-
ir í skjali sem kynnt var á fundi
borgarráðs í síðustu.
Deilt um forræði Víkurgarðs
Deilt hefur verið um hver hafi
forræði yfir Víkurgarði. Í kæru
sem sóknarnefnd Dómkirkjunnar
sendi úrskurðarnefnd umhverfis-
og auðlindamála sagði að kirkjan
hefði aldrei afsalað sér forræði
eða umsjón garðsins. Það væri því
hlutverk hennar að koma í veg
fyrir heimildarlausa ráðstöfun í
landi kirkjugarðsins og vanvirð-
ingu við helgan reit með hót-
elbyggingunni sem þar er að rísa í
þeim hluta garðsins þar sem lengi
voru bílastæði Landssímans.
Reykjavíkurborg taldi að
sóknarnefndin væri hvorki eigandi
né beinn hagsmunaaðili. Borgin
ætti lóð gamla kirkjugarðsins og
fyrir lægi beinn eignarréttur
hennar að lóðinni frá árinu 1792.
Borgin hefði jafnframt farið með
lóð kirkjugarðsins sem sína eign
allt frá niðurlagningu Víkurgarðs.
Úrskurðarnefndin féllst á þessi
rök á fundi í byrjun þessa mán-
aðar og benti m.a. á að henni hefði
verið sýnt skjal til þinglýsingar
undirritað af ráðherra Íslands í
október 1904. Þar væri kunngjört
að Reykjavíkurkaupstað væri af-
söluð lóð kirkjugarðs í Reykjavík
sem lagður hefði verið niður 1837.
gudmundur@mbl.is
Borgin með for-
ræði Víkurgarðs
 Afsali Hannesar Hafstein fyrir
kirkjugarðinum þinglýst nú í haust
Morgunblaðið/Ómar
Víkurgarður Fátt minnir á elsta
kirkjugarðinn í miðbænum.
Hjá okkur
færðu allt fyrir
háþrýstiþvottinn
Skeifunni 3h ll Sími: 588 5080 ll dynjandi.is
Reglugerð félags- og jafnréttis-
málaráðherra um að framlengja
um 12 mánuði frest fyrirtækja og
stofnana til að öðlast jafnlauna-
vottun tók gildi í gær. Verður frest-
urinn því til loka árs 2020.
Framlengingin tekur til fyrir-
tækja og stofnana, óháð stærð
þeirra.
Aukinn frestur samkvæmt
ákvörðun ráðherra nær ekki til op-
inberra stofnana, sjóða og fyr-
irtækja sem eru að hálfu eða að
meirihluta í eigu ríkisins með 25
starfsmenn eða fleiri að jafnaði á
ársgrundvelli en þessir aðilar þurfa
að hafa öðlast jafnlaunavottun fyrir
lok árs 2019.
Aukinn frestur nær heldur ekki
til Stjórnarráðs Íslands sem skal
hafa öðlast slíka vottun fyrir 31.
desember á þessu ári.
Frestur til að öðlast jafnlaunavottun lengdur
Velferðarsvið Reykjavíkurborgar greiddi í gær 323,4 milljónir kr. til 423
einstaklinga sem áttu rétt á afturvirkum húsaleigubótum. Auk greiðslu á
sérstökum húsaleigubótum sem námu 203,7 milljónum voru greiddir drátt-
arvextir að upphæð 119, 7 milljónir, samkvæmt frétt frá borginni.
Borgarráð samþykkti 3. maí að fela velferðarsviði að afgreiða kröfur um
greiðslu sérstakra húsaleigubóta fyrir tímabilið 1. júní 2012 til 31. desem-
ber 2016 frá leigjendum Brynju – Hússjóði Öryrkjabandalags Íslands, á
grundvelli dóms Hæstaréttar frá 2015. Þetta var gert án tillits til þess
hvort umsókn hefði legið fyrir. Einnig var lagt til að dráttarvextir yrðu
greiddir þeim sem ættu rétt á greiðslum sérstakra húsaleigubóta aftur í
tímann án þess að gerð væri sérstök krafa um það.
Af rúmlega 500 manns, sem áttu rétt á greiðslu sérstakra húsaleigubóta
aftur í tímann, eru 80 látnir. Unnið er að því að fá upplýsingar um umsjón-
armenn dánarbúa eða lögerfingja og vonast velferðarsvið til þess að hægt
verði að ljúka þeim greiðslum sem fyrst. Talið er að heildargreiðslur til
einstaklinga auk staðgreiðslu af dráttarvöxtum geti numið allt að 400 mkr.
Leigjendur Brynju fengu borgað í gær