Morgunblaðið - 15.11.2018, Síða 64

64 MENNING
MORGUNBLAÐIÐ FIMMTUDAGUR 15. NÓVEMBER 2018
Ævintýri og erfið mál
Ótrúleg ævintýri Brjálínu Hansen –
Kóngsríkið mitt fallna
bbbbn
Texti: Finn-Ole Heinrich
Myndir: Rán Flygengring
Þýðing: Jón St. Kristjánsson
Angústúra, 2018, 165 bls.
Kóngsríkið mitt fallna er fyrsta
bókin af þremur í bókaflokknum
Ótrúleg ævintýri Brjálínu. Bókin
segir frá Pálínu sem er oftast kölluð
Brjálína því hún á það til að taka
brjálæðisköst.
Samt bara
þegar tilefni er
til, eða svona
oftast nær.
Þrátt fyrir að
bókin lýsi á
skemmtilegan
og fjörugan
hátt ævintýr-
um hinnar
hugmyndaríku
og sjálfstæðu
Pálínu þá er í henni alvarlegur und-
irtónn. Foreldrar hennar eru að
skilja og mæðgurnar flytja saman í
lítið hús sem virðist allt vera úr
plasti og með alls konar skrýtnum
handföngum hér og hvar. Skýringin
á því kemur fram um miðja bókina.
Pálína er reið út í pabba sinn vegna
skilnaðarins og kennir honum um
hvað allt er ómögulegt. Hún reynir
að útbúa plan til að koma foreldrum
sínum aftur saman svo þær mæðg-
ur geti flutt aftur á gamla heimilið.
Í nýja hverfinu kynnist Pálína
Páli sem býr á unglingaheimili og
fær bara að hitta pabba sinn undir
eftirliti. Með þeim tekst vinskapur
sem á eflaust eftir að þróast í næstu
tveimur bókum og líklega mun
hann reynast henni betri en enginn
í stórum verkefnum sem fram und-
an eru.
Þrátt fyrir að bókin taki á erf-
iðum málum eins og skilnaði og
veikindum foreldra er fjallað um
þau út frá sjónarhorni barns. Fyrir
vikið verður bókin ekki jafn þung
og ætla mætti. Það er hins vegar
kannski verið að taka á fullmörgum
erfiðum málum í einni og sömu sög-
unni og það munu eflaust margar
spurningar vakna í ungum kollum
við lesturinn. Það verður fróðlegt
að sjá í næstu bókum hvort við
fáum að vita meira um það af
hverju Páll fær bara að hitta pabba
sinn undir eftirliti. Líka hvernig
veikindi einnar sögupersónunnar
þróast og hvernig Pálínu gengur
með planið sitt. Lesandann langar
allavega að fá að vita meira og höf-
undurinn nær að vekja smáspennu
fyrir næstu bók. Myndskreytingar
Ránar Flygenring lífga vel upp á
söguna, en myndirnar eru notaðar
til að skýra ýmis atriði og lesandinn
getur glöggvað sig betur á því hvað
Pálína er að brasa.
Nærbuxur af öllum gerðum
Nærbuxnaverksmiðjan
bbbbm
Texti: Arndís Þórarinsdóttir
Myndir: Sigmundur Breiðfjörð
Þorgeirsson
Mál og menning, 2018. 90 bls.
Hver hefði trúað því að það væri
hægt að skrifa heila bók þar sem
nærbuxur koma við sögu á næstum
hverri blaðsíðu, með einum eða öðr-
um hætti. Ótrúlegt en satt þá hefur
Arndísi Þórarinsdóttur tekist þetta
og gerir það bara ansi vel, en bók-
ina skrifaði hún að ósk sonar síns
sem bað um sögu um nærbuxur og
vélmenni sem skýtur nærbuxum.
Nærbuxnaverksmiðjan er stór-
skemmtileg og spennandi saga sem
fjallar um Gutta og Ólínu sem halda
í leiðangur inn í Nærbuxnaverk-
smiðjuna á Brókarenda í leit að
ömmu Gutta, eftir að verksmiðjunni
hefur verið lokað. Ólína er sann-
færð um að amma Gutta, sem starf-
aði í verksmiðjunni, hafi lokast þar
inni.
Það er reyndar Gutta þvert um
geð að brjótast
inn í verk-
smiðjuna sem
búið er að inn-
sigla, en hon-
um finnst hann
ekki geta sent
Ólínu þangað
eina, enda er
hún alltaf að
koma sér í
vandræði.
Gutti er ekki
sannfærður um að amma hans sé í
neinni hættu, en áður en hann veit
af er hann kominn með Ólínu inn í
verksmiðjuna. Þar inni er hins veg-
ar ekkert eins og þau höfðu búist
við. Sprengihlægileg atburðarás fer
af stað með stöðugum óvæntum
uppákomum, sem engan getur órað
fyrir. Við sögu koma vélmenni sem
skýtur nærbuxum, kanínur, bólu-
grafnir unglingar, gamalmenni á
flótta undan heilbrigðiskerfinu og
að sjálfsögðu næbuxur af öllum
stærðum og gerðum. Auðvitað tekst
vinunum ætlunarverk sitt og gott
betur en það með því að leggjast á
eitt og nýta ólíka hæfileika sína til
að leysa vandamálin.
Arndís nær vel að halda les-
endum við efnið og það er eiginlega
erfitt að leggja bókina frá sér fyrr
en hún er búin. Nærbuxnahúmor-
inn höfðar vel til yngri lesenda, en
inn á milli er laumar hún brönd-
urum sem eldri kynslóðin skilur
betur.
Létt og glettin ljóð
Ljóðpundari bbbbn
Texti: Þórarinn Eldjárn
Myndir: Sigrún Eldjárn
Vaka-Helgafell 2018. 38 bls.
Hér er á ferðinni ný ljóðabók fyr-
ir börn eftir Þórarin Eldjárn sem
Sigrún Eldjárn myndskreytir af
stakri snilld. Þórarinn hefur auðvit-
að sýnt það og sannað að hann get-
ur samið ljóð sem börn hafa gaman
af og vekja hjá þeim alls konar
skemmtilegar
pælingar.
Ljóðin í þess-
ari bók eru
þar engin
undan-
tekning. Þór-
arinn notar
að vanda hið
hefðbundna
ljóðform til að
koma raunsönnum hversdagslegum
hlutum í skemmtilegan búning, en
ljóðin vekja gjarnan mikla kátínu,
bæði hjá börnum og fullorðnum.
Litríkar og líflegar myndirnar
hennar Sigrúnar spila að sjálfsögðu
stórt hlutverk, en með þeim vaknar
textinn til lífsins og börnin átta sig
betur á hvað ljóðin fjalla um. Mynd-
irnar geta skapað skemmtilegar
umræður þegar þær eru skoðaðar
samhliða lestri ljóðanna.
Þá er gaman að leita eftir litlu
músinni Músu sem birtist okkur
með hverju ljóði og tekur þátt í því
sem er að gerast hverju sinni, til
dæmis með því að klæða sig upp á
eða gæða sér á einhverju matar-
kyns sem fjallað er um í ljóðunum.
Frábær bók fyrir foreldra til að
lesa með börnum sínum og bara
alla þá sem hafa gaman af léttum
og glettnum ljóðalestri.
Brjálína, Músa
og nærbuxur úti um allt
Yfirlit yfir nýútkomnar íslenskar
barnabækur
Sólrún Lilja Ragnarsdóttir
solrun@mbl.is
Spennandi Í Nærbuxnaverksmiðjunni eru nærbuxur á næstum hverri síðu.
Mótun nefnist sýning sem opnuð
verður í dag kl. 17 í galleríinu i8 við
Tryggvagötu. Á henni er teflt fram
sex listamönnum af yngri kynslóð-
inni sem allir hafa verið virkir í
myndlistarlífinu. Listamennirnir,
þau Emma Heiðarsdóttir, Sigurður
Atli Sigurðsson, Una Björg Magn-
úsdóttir, Örn Alexander Ámunda-
son, Magnús Ingvar Ágústsson og
Elísabet Brynhildardóttir, skoða
manneskjuna og það umhverfi sem
hún hefur mótað sér, hvort heldur
sem er í arkitektúr eða í heimi
tækninnar að því er segir í tilkynn-
ingu. „Þau nálgast viðfangsefnið
með ólíkum hætti, hvort heldur sem
er með ítarlegri rannsókn eða með
gáska og húmor. Þau takast á við
hefðbundna miðla af æðruleysi og
skírskotað er til hefðarinnar og
skoðað hvernig hún getur talað til
samtímans,“ segir í tilkynningunni.
Emma Heiðarsdóttir rannsakar
rými sem ramma inn daglega til-
veru okkar, Sigurður Atli notast að
miklu leyti við prenttækni í verkum
sínum, Una Björg vinnur helst með
myndmótun og þá sérstaklega
hreyfanlega skúlptúra, Örn Alex-
ander fjallar oft á tíðum um listina
sjálfa eða gjörninginn að skapa,
Magnús sýnir veggteppi sem er
rannsókn á tækniheimi nútímans
sem er skoðuð út frá sjónarhóli goð-
sögunar og Elísabet vinnur með
teikninguna og samspil ljóss og
skugga.
Frekari upplýsingar má finna á
vef i8, i8.is.
Birt með leyfi listamannsins og i8
Án titils Verk eftir Unu Björgu Magnúsdóttur frá árinu 2017.
Sex listamenn af yngri
kynslóðinni sýna í i8
Rauðager
ði 25 · 108 Reykjavík · Sími 440 1800 · kaelitaekni.is
Okkar þekking nýtist þér
Vatnskælar á frábæru verði
25-35%
Afsláttur
• Keyptann og eigðann
• Ekkert mánaðargjald
• Lítið viðhald
• Sjá nánar á
heimasíðu Kælitækni
www.kaelitaekni.is