Morgunblaðið - 24.01.2019, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 24. JANÚAR 2019
595 1000
GRAN CANARIA
Bir
tm
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
étt
til
lei
ðr
étt
ing
aá
slí
ku
.A
th.
að
ve
rð
ge
tur
br
ey
st
5. febrúar í 7 nætur
Einn vinsælasti áfangastaður Íslendinga
Verð frá kr.
94.495
Flugsæti frá kr.
49.900
* Verð á mann m.v. 2 fullorðna saman í herbergi á Hotel San Valentin
Veður víða um heim 23.1., kl. 18.00
Reykjavík -6 léttskýjað
Hólar í Dýrafirði -9 léttskýjað
Akureyri -6 skýjað
Egilsstaðir -2 snjókoma
Vatnsskarðshólar -3 léttskýjað
Nuuk -10 léttskýjað
Þórshöfn 2 súld
Ósló -2 alskýjað
Kaupmannahöfn -1 léttskýjað
Stokkhólmur -2 þoka
Helsinki -1 snjókoma
Lúxemborg -2 snjókoma
Brussel 0 þoka
Dublin 4 skýjað
Glasgow -4 léttskýjað
London 1 alskýjað
París 0 snjókoma
Amsterdam 0 þoka
Hamborg -4 léttskýjað
Berlín -5 skýjað
Vín -3 þoka
Moskva -15 snjókoma
Algarve 16 léttskýjað
Madríd 12 skýjað
Barcelona 11 léttskýjað
Mallorca 15 léttskýjað
Róm 6 rigning
Aþena 15 léttskýjað
Winnipeg -12 snjókoma
Montreal -9 snjókoma
New York 1 alskýjað
Chicago -1 snjókoma
Orlando 22 alskýjað
 24. janúar Sólarupprás Sólsetur
REYKJAVÍK 10:32 16:48
ÍSAFJÖRÐUR 10:58 16:32
SIGLUFJÖRÐUR 10:42 16:14
DJÚPIVOGUR 10:07 16:12
VEÐUR KL. 12 Í DAG
Á föstudag Norðaustan 10-15 m/s, en hægari SV-til á
landinu. Víða dálítil él, frost yfirleitt 0 til 5 stig.
Á laugardag N 10-15 og él austanlands. Hægara ann-
ars staðar og léttskýjað á S- og V-landi. Frost 3-12 stig.
Gengur í A 8-18, hvassast við SV-ströndina, en þar lægir síðdegis. Snjór með köflum, en slydda
eða regn við S-ströndina seinni partinn. Minnkandi frost N-til og hiti um frostmark síðdegis S-til.
Sigurður Bogi Sævarsson
sbs@mbl.is
„Mannlegt innsæi er mikilvægt í starf-
inu og með tímanum lærist hvernig
förðun hæfir hverjum. Svo er maður
jafnvel í hlutverki sálfræðings, því fólk
er misvant beinum útsendingum. Þá
er um að gera að fá fólk til að draga
andann djúpt í stólnum og yfirleitt
léttir það á stressinu,“ segir Ragna
Fossberg, sem vegna aldurs lætur af
störfum nú um mánaðamótin sem
förðunarmeistari hjá RÚV.
Ragna, sem ung nam hágreiðslu,
hóf störf hjá Sjónvarpinu, eins og
stofnunin var áður kölluð, árið 1972.
Byrjaði reyndar árið áður í ígripum að
greiða þulunum Ásu Finnsdóttur, Sig-
ríði Rögnu Sigurðardóttur og fleirum.
Var svo fengin til að vinna með dönsk-
um förðunarmeistara þegar leikgerð
verksins Skálholt, eftir Guðmund
Kamban, var tekin upp. Með því fór
boltinn að rúlla.
„Förðun hefur breyst mikið síðan
ég byrjaði að vinna í sjónvarpinu.
Fyrst var útsending í svarthvítu og
þykkur farði settur á. Vinnan breyttist
við litasjónvarpið og í raun enn meira
með stafrænum upptökum og há-
skerpu. Nú er þetta nákvæmnisvinna
sem vanda þarf mjög til svo ekki sjáist
blettir eða misfellur. Mála þarf yfir
bauga og bólur á andliti fólks og svo
þarf förðun að hæfa persónu hvers og
eins; augnskuggar og glimmer passa
ekki á áttræða konu í fréttaviðtali,“
segir Ragna og bætir við að sjónvarps-
persónur hafi stundum sprottið fram í
samstarfi sínu og leikstjóra.
„Þegar þættir Hemma Gunn voru á
dagskrá kom Laddi til mín og ég setti
á hann hárkollu og byrjaði að mála.
Með það fór Laddi á flug og Elsa
Lund bókstaflega fæddist í stólnum
hjá mér. Svipað gerðist oft með
Spaugstofunni og í Áramóta-
skaupum.“
Jafnhliða vinnu fyrir RÚV hefur Ragna séð um förðun í um það bil 30
bíómyndum. Nýjustu myndirnar eru
Tryggð, eftir Auði Jónsdóttur, sem
frumsýnd verður 1. febrúar, og Arctic
með Mads Mikkelsen, sem forsýnd
verður 7. febrúar. „Í vor bíður mín
skemmtilegt verkefni fyrir Saga Film
sem er átta þátta sería sem heitir Ráð-
herrann. Jú, auðvitað verða viðbrigði
að yfirgefa frábært samstarfsfólk og
sömuleiðis umhugsunarvert að fólk
sem starfar hjá ríkinu eigi ekkert val
um að þurfa að hætta sjötugt. En það
er líf eftir RÚV,“ segir Ragna Foss-
berg.
Förðunarmeistari hættir eftir 47 ár
 Ragna Fossberg að hætta hjá RÚV sjötug að aldri  Frá svarthvítu sjónvarpi í stafræna háskerpu
 Elsa Lund fæddist í förðunarstólnum  Mála þarf yfir bauga og bólur  Segir líf vera eftir RÚV
Morgunblaðið/Árni Sæberg
Förðunarmeistari Ragna Fossberg er að hætta hjá RÚV eftir áratuga starf en hættir þó ekki förðunarstörfum.
Morgunblaðið/Styrmir Kári
Best Ragna hlaut heiðursverðlaun
Eddunnar árið 2016 fyrir störf sín.
Guðni Einarsson
gudni@mbl.is
Þrír dverggoðar dvelja nú á landinu. Þeir hafa
verið sjaldgæf sjón til þessa á Íslandi og eru
þetta 4., 5. og 6. fuglinn af þessari tegund sem
sjást hér á landi.
Sá fyrsti af dverggoðunum þremur sást í
Grindavík 12. desember 2018 samkvæmt vefn-
um fuglar.is. Sá næsti sást á Hrauntúnstjörn,
sem er á vatnsverndarsvæðinu nálægt
Gvendarbrunnum ofan við Reykjavík, hinn 11.
janúar. Sá þriðji fannst svo við Klapparós í
Núpasveit, nálægt Kópaskeri, og var greint
frá honum á fuglar.is þann 16. janúar.
Verpir í Mið- og Suður-Evrópu
Brynjúlfur Brynjólfsson, fuglaáhugamaður
á Höfn í Hornafirði og einn aðstandenda vefj-
arins fuglar.is, sagði dverggoðana vel hafa
geta hafa verið á landinu einhvern tíma áður
en þeir sáust. Dverggoði ber nafn með rentu
og er lítill, miklu minni en t.d. flórgoði. Hann
er 23-29 sentimetra langur þegar hann er
lagður út. Til samanburðar er skógarþröstur
21 sentimetra langur og teista 32-38 cm löng.
Hafsteinn Björgvinsson, umsjónarmaður
verndarsvæða vatnsbóla Reykjavíkur, sagði að
dverggoðinn virtist una sér vel á Hrauntúns-
tjörn. Nóg er af sílum í tjörninni og hefur
dverggoðinn sést með síli í goggnum svo það
væsir ekki um hann.
Dverggoði sást fyrst hér á landi á Baulu-
tjörn á Mýrum í A-Skaftafellssýslu haustið
2004. Fuglategundin verpir í Mið- og Suður-
Evrópu, í Afríku og í sunnanverðri Asíu. Næst
okkur verpa dverggoðar á Bretlandseyjum og
fáein pör í Noregi, að því er segir á vef
Náttúrustofu Norðausturlands. Dverggoði er
ein af 19 núlifandi goðategundum í heiminum.
Aðeins ein þeirra, flórgoði, verpir á Íslandi.
Súlan er komin á Mýrabugt
Súlan, drottning Atlantshafsins, er að mestu
farfugl og hverfur frá landinu í nóvember eða
desember og kemur aftur í janúar. Svolítið er
komið af henni á Mýrabugtina fyrir austan að
sögn Brynjúlfs. Merkt súla festist í fiskineti og
endurheimtist 13. janúar sl. Sú hafði verið
merkt í Skrúði við Fáskrúðsfjörð þann 13. júlí
2011 en þar er ein súlubyggð af fimm hér við
land. Stærstu vörpin eru í Vestmannaeyjum
og í Eldey. Einnig verpa súlur í Rauðanúp og
Skoruvíkurbjargi.
Fáséðir dverggoðar dvelja á landinu
 Sex fuglar hafa sést hér á landi og af þeim eru þrír hér núna  Tegundin sást hér fyrst árið 2004
 Er miklu minni en flórgoði sem er eini goðinn sem verpir hér  Súlan er komin á Mýrabugtina
Ljósmynd/Hafsteinn Björgvinsson
Dverggoði Fuglinn náði síli í gogginn í Hrauntúnstjörn á vatnsverndarsvæði Reykjavíkur.