Morgunblaðið - 15.04.2019, Blaðsíða 6

6 FRÉTTIRInnlent
MORGUNBLAÐIÐ MÁNUDAGUR 15. APRÍL 2019
GÆÐI – ÞEKKING – ÞJÓNUSTA
Njóttu þess að hvílast
í hreinum rúmfötum
Við þvoum og pressum rúmfötin
- þú finnur muninn!
Sigurður Bogi Sævarsson
sbs@mbl.is
„Þessar breytingar stríða ekki
gegn jafnrétti til náms sem hefur
verið eitt af meginstefið í mennta-
málum á Íslandi. Félagsvísinda-
nám hér er aðeins lítill hluti af ís-
lenskri háskólaflóru og þeir sem
ekki komast að hjá okkur hafa úr
nægu öðru að velja. Okkar meg-
inmarkið er að tryggja fjölbreytni
nemendahópsins og treysta þar
með gæði náms,“ segir Þóroddur
Bjarnason, brautarstjóri félags-
vísinda við Háskólann á Akureyri.
Kyn, reynsla og uppruni
Vegna mikillar aðsóknar
mun Háskólinn á Akureyri taka
upp fjöldatakmarkanir í öllum
deildum næsta haust. Við val á
nemendum í félagsvísindum, fjöl-
miðlafræði og nútímafræði verð-
ur auk stúdentsprófs litið til kyns,
starfsreynslu, búsetu og uppruna.
Miðað við reynslu undangenginna
ára má búast við því að þessar
nýju reglur viðhaldi hlut íbúa
dreifðari byggða og fólks með
fjölþætta starfreynslu en auki
hlut karla og innflytjenda í nem-
endahópnum.
„Þessi nálgun er nýmæli í há-
skólastarfi á Íslandi en víða er-
lendis, svo sem í Bandaríkjunum,
er litið svo á að gæði náms verði
meðal annars tryggð með fjöl-
breyttum hópi nemenda. Þess
vegna er litið til fleiri þátta en
frammistöðu á prófum, svo sem
uppruna, reynslu og fleiri þátta,“
segir Þóroddur og heldur áfram:
„Þessar fjöldatakmarkanir
tryggja einnig að hægt sé að
halda úti öflugu verknámi í fé-
lagsvísindum, svo sem í fjölmiðla-
námi og hagnýtum rannsóknum.
Við háskólann er unnið að ýmsum
stórum rannsóknarverkefnum á
sviði félagsvísinda, svo sem á or-
sökum og afleiðingum búferla-
flutninga innan lands og utan,
stöðu innflytjenda og notkun
barna og unglinga á samfélags-
miðlum. Með fjöldatakmörkunum
er hægt að tryggja að allir nem-
endur sem vilja geti öðlast rann-
sóknareynslu.“
Gæði umfram fjölda
Við Háskólann á Akureyri
eru nú vel á þriðja þúsund. Þór-
oddur segir að nú sé komið að
tímamótum í starfseminni; þeir
fjármunir sem ríkið sé tilbúið að
verja til háskólanáms séu tak-
markaðir. Ekki sé pólitískur vilji
til þess að HA vaxi umfram aðra
háskóla og því sé ekki bæði sleppt
og haldið.
„Við stöndum andspænis
þeirra spurningu hvort við viljum
sem fjölmennastan skóla eða þá
sem bestan? Þetta tvennt fer ekki
saman þegar fjármagnið er tak-
markað. Fjöldatakmarkanir þýða
að við veljum gæði umfram fjölda,
að sinna þeim nemendum sem við
tökum inn eins vel og við getum.
Það eru hins vegar ýmsar aðferð-
ir við að velja nemendur inn á ein-
stakar brautir. Í greinum eins og
lögreglufræði er inntakan byggð
á niðurstöðum valnefndar á veg-
um Ríkislögreglustjóra að loknu
fyrsta misseri. Í sálfræði og
hjúkrunarfræði er byggt á út-
komu svonefndra klásusprófa að
loknu fyrsta misseri og þannig
mætti áfram telja,“ segir Þór-
oddur.
Til bóta fyrir skólastarfið
Í hug- og félagsvísindadeild
er áhersla lögð á fjölbreytt náms-
samfélag en samkvæmt nýjum
fjöldatakmörkunum sem sam-
þykktar voru af háskólaráði hef-
ur deildin leyfi til að innrita sam-
tals 100 nemendur í félags-
vísindum, fjölmiðlafræði og
nútímafræði.
„Svo viðhalda megi fjöl-
breytni fá umsækjendur forgang
ef þeir hafa starfsreynslu sem
nýtist í námi eða er búsett á svæð-
um þar sem sambærilegt há-
skólanám er ekki í boði. Þá viljum
við fá karla í ríkari mæli inn í
nemendahóp deildarinnar svo og
fólk af erlendum uppruna. Þetta
er gert fyrir hópinn allan en ekki
aðeins þá nemendur sem í hlut
eiga.
Allt þetta tel ég verða til bóta
fyrir skólastarfið og gæði þeirrar
menntunar og rannsókna sem hér
er sinnt.“
Fjölbreytni ráði við inntöku nema í félagsvísindum við Háskólann á Akureyri
Morgunblaðið/Sigurður Bogi
Háskólamaður Spurning hvort við viljum sem fjölmennastan skóla eða sem bestan, segir Þóroddur.
Takmarkanir treysti nám
 Þóroddur Bjarnason er
fæddur 1965 og hefur frá 2004
verið prófessor við hug- og fé-
lagsvísindadeild Háskólans á
Akureyri. Nam félagsvísindi
hér heima en fór svo í fram-
haldsnám í Bandaríkjunum og
tók þar doktorspróf.
 Hefur gert fjölmargar rann-
sóknir í félagsvísindum, svo
sem um málefni barna og ung-
linga, og í seinni tíð um
byggðaþróun á Íslandi. Var for-
maður stjórnar Byggðastofn-
unar 2011-2015.
Hver er hann?
Aron Þórður Albertsson
Snorri Másson
Lausn á hvarfi Geirfinns Einars-
sonar í Keflavík er ekki að finna hjá
fyrrverandi elskhuga eiginkonu
Geirfinns. Þetta segir Haukur Guð-
mundsson, fyrrverandi rannsóknar-
lögreglumaður, sem rannsakaði
málið á sínum tíma.
Boris Quatram, sem unnið hefur
að gerð heimildarmyndar um Geir-
finnsmálið, segir að aldrei hafi verið
tekin formleg skýrsla af fyrrnefnd-
um elskhuga. Þetta kom fram í við-
tali við Boris sem birt var í Sunnu-
dagsblaði Morgunblaðsins. Maður-
inn, sem hingað til hefur ekki verið
nafngreindur, heitir Vilhjálmur. Þá
lýsti Boris jafnframt yfir undrun
sinni vegna þess að Vilhjálmur
hefði „aldrei verið skoðaður sér-
staklega“.
Einhver situr á sannleikanum
Að sögn Hauks lá Vilhjálmur
aldrei undir grun í málinu frekar en
aðrir. „Það var tekin af honum
skýrsla og hann var ekki talinn
tengjast málinu neitt,“ segir Hauk-
ur og bætir við að lítið mál hafi ver-
ið fyrir lögregluna að nálgast Vil-
hjálm, sem nú býr í Þýskalandi.
„Það var enginn vandi að sækja
drenginn ef við vildum tala við
hann,“ segir Haukur sem telur lykil
að lausn málsins ekki liggja hjá um-
ræddum Vilhjálmi. Hann sé þó
sannfærður um að til séu aðilar
sem búi yfir upplýsingum sem
varpað gætu ljósi á málið.
„Einhver veit hvað gerðist og ég
hef alltaf staðið í þeirri trú að tveir
eða fleiri viti það. Auðvitað væri
gaman ef menn gætu upplýst þetta
mál,“ segir Haukur og bætir við að
mögulegt sé að einhver kunni að
upplýsa málið þegar fram líða
stundir. „Það er alveg mögulegt að
þeir vilji ekki hitta Lykla-Pétur án
þess að hafa sagt frá því sem þeir
búa yfir,“ segir Haukur.
Elskhuginn lá ekki undir grun
 Rannsóknarlögreglan taldi elskhuga eiginkonu Geirfinns ekki tengjast hvarfinu
Haukur
Guðmundsson
Boris
Quatram
Matvælastofnun
varar við neyslu
á vínarbrauðs-
lengjum frá Bak-
arameistaranum
vegna málm-
flísar sem fannst
í einni lengjunni.
Hefur Bakara-
meistarinn inn-
kallað allar vínarbrauðslengjur af
markaði, í samráði við Heilbrigðis-
eftirlit Reykjavíkur.
Viðskiptavinum sem keypt hafa
vöruna er bent á að neyta hennar
ekki og farga eða skila henni í bak-
aríið þar sem hún var keypt. Nánari
upplýsingar fást í síma 533-3000.
Málmflís í vínar-
brauðslengjum
og allt innkallað
Vindofsi helgarinnar hafði áhrif á
þúsundir farþega sem hugðust
fljúga um Keflavíkurflugvöll. Öllum
flugferðum Icelandair á föstudags-
og laugardagskvöld var aflýst. Jafn-
framt festust farþegar í vélum á
Keflavíkurflugvelli í nokkra klukku-
tíma vegna vindhraðans.
Guðjón Helgason, upplýsinga-
fulltrúi Isavia, segir að ástæðan fyrir
kyrrsetningu farþeganna í vélunum
hafi verið sú að landgangar hafi ver-
ið teknir úr notkun vegna mikils
vindhraða.
„Ef vindhraðinn fer yfir fimmtíu
hnúta þá er öryggisatriði að land-
gangar séu ekki notaðir. Þetta er
viðmið sem er að sjálfsögðu sett með
öryggi farþega í huga og ef vindur-
inn er orðinn of mikill þá gæti öryggi
þeirra verið stefnt í hættu.“
Gamalt viðmið
Spurður hvort viðmiðin séu of
ströng segir Guðjón: „Þetta viðmið
hefur verið óbreytt eins lengi og
elstu menn muna. Vindhraðatalan
miðast meðal annars við viðmið sem
sett eru af framleiðendum á land-
göngubrúm.“
Mikil örtröð var í Leifsstöð um
helgina vegna þessa. Farþegi Ice-
landair sagði til að mynda í samtali
við mbl.is að upplýsingaflæði Ice-
landair hefði verið ábótavant og að-
stæðurnar á vellinum óreiðu-
kenndar.
Breki Karlsson, formaður Neyt-
endasamtakanna, sagðist í samtali
við Morgunblaðið ekki vita til þess
að kvartanir hefðu borist samtök-
unum vegna þessa.
Hann benti á að greinargóðar
upplýsingar um rétt neytenda í
þessum aðstæðum væri að finna á
vef Samgöngustofu.
„Það eru aðeins aðrar reglur þeg-
ar það eru óviðráðanlegar aðstæður
heldur en þegar flugfélag fellir sjálft
niður ferðir vegna einhvers annars
og ég myndi telja að veðrið sé óvið-
ráðanlegt,“ segir Breki.
ragnhildur@mbl.is
Tafir hjá þús-
undum farþega
 Veðrið „óviðráðanlegar aðstæður“
Leifsstöð Eins og sést hér var
mannþröng í Leifsstöð um helgina.
Óþægindi vegna veðurs
» Öllum flugferðum Icelandair
á föstudags- og laugardags-
kvöld var aflýst.
» Fjöldi fólks sat fastur í flug-
vélum á Keflavíkurflugvelli þar
sem landgöngubrýr voru tekn-
ar úr notkun.
» Landgöngubrýr eru teknar
úr notkun þegar vindhraði fer
yfir rétt rúma 25 metra á sek-
úndu.