Hugrún - 01.05.1924, Blaðsíða 6

36
[Hugrún]
Mér er kærust mynd úr lífi
meistarans frá Nazaret,
þegar konan saurlífsseka
sárann við hans fætur grét.
Kringum stóðu böðlar byrstir;
blítt og rótt var upplit hans.
Jafnan flýja fólska og reiði
fyrir mildi kærleikans.
Ef að þannig væri varið
vorri þrætugjörnu lund;
ef vér lærðum mátt og mildi
meistarans á þeirri stund.
Ef að sérhver vildi vera
vor — og bræða hjartans ís;
okkar veröld innan stundar
yrði himnesk paradís.
Lýsir yfir austurheiðum
unga dagsins geislabrim.
Kuldaþokubólstrar brotna
á brúnum fjalls, með þungum glym.
Drifhvít mjallarfisin falla
foldar til í kaldri ró.
Tiginbjartar hrannir hefja
hildarleik á Faxasjó.
Kristmann Guðmundsson.