Hugrún - 01.05.1924, Blaðsíða 46

76
[Hugrún,
Morgungjöf til gleðinnar.
Mig langar til að heilsa þér;
— fyrst eg nenti á fætur, —
þú fagra lífsins drotning,
ó ljúfa gleðidís;
er morgunsvalur dökkbláminn
demantsperlum grætur
og döggum nærðar blómsálir
gleyma vetrarís.
Ó, gleði; eg vil finna þinn
eld í æðum mínum,
eiga þig og njóta hins
fagra, bjarta dags;
heyra inn í sál mína
þyt af vængjum þínum;
og þegja svo og skammast mín
til næsta sólarlags.
Gleði, hve eg elska þig. —
— Ó, þessi heimski hnöttur
er hraksmánarleg umgerð
fyrir veldisstólinn þinn. —
Samt ert þú hér alstaðar,
— eins og gulur köttur;
í öllu dauðu og lifandi
eg nálægð þína finn.