Ófeigur - 15.12.1950, Qupperneq 36

36
ÓFEIGUR
og starfi. Honum var ekki Ijúft að beita harðræði í
aðgerðum, en var vinsæll af samstarfsmönnum og
flestum, er hann átti kynni við. Svo sem vænta mátti,
var enn ekkert skipulag á forstöðu landhelgismálanna.
Skrifstofustjórinn í dómsmálaráðuneytinu, Guðmund-
ur Sveinbjörnsson, hafði hina lögfræðilegu yfirumsjón
gæzlunnar. Hafði skrifstofustjórinn 4000 kr. auka-
þóknun fyrir þetta eftirlit, sem var raunverulegur hluti
af skyldustörfum hans. Bókhaldið var úti í bæ og inn-
kaup gerð hér og þar af skipsmönnum. Tilviljunar- og
úrræðaleysisblær var á öllum framkvæmdum gæzlu-
málanna. Björgunarstörfum var ekki sinnt.
VII.
Byggúig „Ægis“.
Mér þóttu þessi vinnubrögð vera lítt til fyrirmynd-
ar og byrjaði að koma þeim í fast horf. Eysteinn Jóns-
son, er síðar varð ráðherra, var þá einkaritari minn,
tók á móti bréfum og sá um, að persónuleg erindi
væru afgreidd. Lét ég hann þegar byrja að hafa sam-
eiginleg innkaup fyrir varðskipið og sjúkrahús í nánd
við höfuðstaðinn. Ekki þótti íhaldsmönnum þetta álit-
leg byrjun og kölluðu einkaritarann „brauð- og flota-
málaráðherrann", en ekki gátu þeir fundið að starfi
hans. Leitaði ég í huganum að kunnáttumanni í sjó-
mennsku, er gæti tekið að sér daglega framkvæmd
landhelgisgæzlunnar. En í bili kölluðu að önnur störf.
Þjóðin var svo stórhuga, að hún vildi eignast annað
gæzluskip, og fjárhagur leyfði þá framkvæmd. Nú hvíldi
á mér sams konar ábyrgð varðandi hið nýja skip sem
hafði hvílt á Jóni Magnússyni varðandi „Óðin“. Ég
var vel minnugur tillagna okkar Sveins Ólafssonar frá
1923 um að strandgæzluskipið ætti að geta sinnt björg-
unarmálum samhliða gæzlunni. Ekki gat ég haft gagn
af nokkrum innlendum kunnáttumanni um tillögur varð-
andi gerð hins nýja skips. Eitt vandamál varðandi
skipsmíðina var, hvort skipið skyldi brenna kolum,
hafa olíubrennslu eða dieselvél. Ég ræddi málið við
foringja danska varðskipsins. Þeir ráðlögðu olíu-
brennslu. Ég var staðráðinn í að hafna kolakyndingu.
Mér þótti olíukynding nokkru betri, en þó vafasöm.
Bezt leizt mér á, að skipið hefði dieselvél. Um þetta