Skessuhorn - 18.03.2015, Blaðsíða 32

32 MIÐVIKUDAGUR 18. MARS 2015
Fallegar borðskreytingar hafa tíðk­
ast í fermingum um árabil. Undan­
farin ár hafa þær þróast og breyst í
takt við breytta tíma og eru í dag ansi
fjölbreyttar. Oftar en ekki er notast
við einhvers konar þema, bæði lita­
þema og reynt að tengja skreyting­
ar við áhugamál fermingarbarnsins.
Víða má finna hluti sem geta gef­
ið veisluborðinu og veislunni sjálfri
meiri lit. Í blómaverslunum og víðar
eru oftar en ekki seldir ýmsir fallegir
hlutir sem ætlaðir eru til skreytinga
í fermingarveislum. Dúkar, renning­
ar, kerti, servíettur og skraut af ýmsu
tagi. Einnig er hægt að gera ýmis­
legt sniðugt sjálfur í bland við hið
keypta. Veraldarvefurinn er fullur
af frábærum hugmyndum og hægt
er að gleyma sér lengi við að skoða
myndir af svokölluðum „diy verk­
efnum“ þar sem diy stendur fyrir „do
it your self“.
Ýmislegt er hægt að gera til að út­
búa skraut sjálfur og gera það pers­
ónulegt og skemmtilegt. Instagram
myndir af fermingarbarninu, hengd­
ar upp á vegg eða lagðar á borð eru til
dæmis einfalt en persónulegt skraut
sem hægt er að leika sér með. Nóg
af hugmyndum eru í gangi varðandi
fermingarkerti, sem geta verið með
ýmsum útfærslum. Skemmtilegt er
til dæmis að setja mynd af ferming­
arbarninu á kertið, kirkjunni sem
barnið fermist í eða ritningargrein­
inni sem fermingarbarnið velur sér. Í
föndurbúðum fæst allt til slíks fönd­
urs, bæði pappírinn sem prentað er
á og þau efni sem þarf til að bera
á kertið ásamt fallegu skrauti sem
hægt er að skreyta kertið með. Þar er
einnig hægt að fá upphafsstafi ferm­
ingarbarnsins og skreyta þá á ýmsa
vegu eða jafnvel nota þá sem gesta­
bók. Svokallað „pom pom“ pappírs­
skraut er vinsælt til skreytinga í ár og
eru þau hengd upp eða lögð á borð.
Hægt er að kaupa þau tilbúin eða
útbúa sjálfur, til dæmis ef rétti lit­
urinn fæst ekki í búð. Þá er auðvelt
að skreyta krukkur til að nota undir
kerti eða blóm og svona mætti lengi
telja. Það er um að gera að leyfa hug­
myndafluginu að njóta sín og þeim
sem dettur ekkert í hug sjálfum geta
nýtt sér vefsíður á borð við google,
youtube og pinterest þar sem má
finna ógrynni mynda og myndbanda
af skemmtilegu skrauti. grþ
Skreytið veislusalinn sjálf!
Myndir af fermingarbarninu eru fallegt og
persónulegt skraut. Hægt er að hengja myndirnar
upp hvar sem er á einfaldan hátt með bandi og
litlum klemmum.
Fánaveifur af ýmsu tagi eru frábærar í veisluna.
Hægt er að leika sér með liti og munstur eða að
skrifa nafn fermingarbarnsins á veifurnar.
Franskar makkarónur eru fallegar á borði í hvaða
lit sem er og ekki spillir hvað þær eru gómsætar.
Það getur komið skemmtilega út að mála eða
spreyja flöskur.
Skreyta má blómavasa á ýmsa vegu. Hér er búið
að dýfa þeim í glimmer í rétta litnum. Einnig
er hægt að búa til sæt pappírsblóm og líma á
greinar.
Hvolfið rauðvínsglösum yfir blóm eða annað
skraut og setjið kerti ofan á.
Glerkrukkur hafa óteljandi möguleika. Skemmti-
legt er að mála þær, skreyta með glimmeri eða
blúndu. Svo má nota þær undir kerti, blóm eða
falleg rör.
Falleg pappírsrör geta verið skemmtileg viðbót
við veisluskrautið og hitta oftast í mark hjá yngri
kynslóðinni.
EN
N
EM
M
N
M
67
85
9
Tækniborg | Borgarbraut 61 | 422 2210
GRÆJAÐU FERMINGUNA
CANON
POWERSHOT SX610
Verð: 46.900 kr.
Hágæða myndir og vídeó.
Mjög nett með 18x aðdráttarlinsu.
Wi-Fi og NFC fyrir snjalltækin.
CANON
PIXMA MG5650
Verð: 19.900 kr.
Háþróaður fjölnota prentari
með Wi-Fi. Prentun, ljósritun
og skönnun.
LENOVO
A10-70 10,1"
Verð: 44.990 kr.
Bráðsnjöll 10" spjaldtölva
á frábæru verði. Kjörin til að spila
leiki, lesa eða horfa á kvikmyndir.
Innbyggt 3G og 16 GB.
LENOVO
Y50 15,6"
Verð: 199.900 kr.
Frábær Full HD leikjavél
með ótrúlega afkastamiklum
Haswell i7 örgjörva og öflugu
4 GB GeForce GTX 860m
leikjaskjákorti.
3G