Skessuhorn - 18.03.2015, Blaðsíða 43

43MIÐVIKUDAGUR 18. MARS 2015
300
ÞÚSUND
KRÓNA
LÁGMARKS
LAUN
Já
www.sgs.is
Íþróttahúsið við Vesturgötu
Körfuknattleiksfélag Akraness
1. deild karla
Föstudaginn 20. mars kl. 19.15
ÍA - Höttur
Fjölmennum og hvetjum
ÍA til sigurs!
SK
ES
SU
H
O
R
N
2
01
5
Skrifstofa Stéttarfélags Vesturlands
verður verður lokuð fimmtudaginn
19. mars nk. vegna námskeiðs.

Ef erindi er mjög brýnt er hægt að hringja í
GSM síma formanns 894-9804 og verður
þá hringt til baka við fyrsta tækifæri.

Beðist er velvirðingar ef þetta
veldur einhverjum óþægindum.

Starfsmenn
Dalamenn huga að því að fá til sín
aukinn fjölda ferðamanna á næstu
árum og skapa þeim afþreyingu á
héraðinu. Í Búðardal fer væntan­
lega af stað skemmtilegt umhverf­
isverkefni með vorinu. Það er fyrsti
áfangi svokallaðs Strandstígs. Verk­
efnið felst í raun í gerð útivistar­
svæðis, göngustígs með áningar­
stöðum sem liggur meðfram strönd­
inni og fjörunni frá Leifsbúð upp að
Laxá. Fyrsti áfanginn verður stígur
frá Leifsbúð að gamla Læknishús­
inu sem er syðst í þorpinu á mót­
um Ægisgötu og Brekkuhvamms.
Þar verður byggður upp skemmti­
legur áningarstaður sá fyrsti á leið­
inni upp að Laxá. Iðnaðar­ og við­
skiptaráðherra hefur staðfest tillögu
stjórnar Framkvæmdasjóðs ferða­
mannastaða um að veita Dalabyggð
styrk að upphæð 2,9 milljónir króna
vegna verkefnisins. Sveinn Pálsson
sveitarstjóri segir spennandi að ráð­
ast í þetta verkefni. Verkefnið fari í
kynningu á næstunni og komi ekki
fram alvarlega athugasemdir gegn
því verði væntanlega byrjað á því
með vorinu.
Verkefni um áfangastaði
Að undanförnu hefur komið fram
í fréttum að íbúar svo sem á höf­
uðborgarsvæðinu hafi tekið að sér
ýmsar framkvæmdir í sínu nánasta
umhverfi. Þetta hefur gerst víðar
og Búðdælingar voru meðal þeirra
fyrstu sem riðu á vaðið í þessum
efnum. Þar hefur verið í aðalhlut­
verki Svavar Garðarsson sem tekið
hefur að sér hvert umhverfisverk­
efnið á fætur öðru í Búðardal fyr­
ir eigin reikning, en með stuðn­
ingi sveitarfélagsins. Strandstígur­
inn er þó stærra verkefni en svo að
hann geri það kauplaust. Byggðar­
áð Dalabyggðar lagði til á fundi sín­
um fyrir skömmu að gert verði ráð
fyrir mótframlagi með 2,9 milljóna
króna styrknum frá Framkvæmda­
sjóði ferðamannastaða til gerð­
ar Strandstígsins. Jafnframt verði
Svavari falin umsjón með verkinu
að fengnu samþykki sveitarstjórn­
ar. Standstígnum verður eflaust
fagnað af íbúum í Búðardal sem og
ferðafólki, svo sem fuglaáhugafólki.
Hugmyndin að Strandstígnum og
áningarstöðum við hann hefur verið
að þróast síðustu árin en meðfram
sjónum er vinsæl gönguleið. Sveit­
arstjórn Dalabyggðar sendi umsókn
í Framkvæmdasjóð ferðamanna­
staða á sínum tíma í verkefni sem
nefndist Áfangastaðir í Dalabyggð.
Ábendin kom um að verkefnið væri
of vítt skilgreint og vænlegra væri að
þrengja verkefnið í áfangastaði við
og í Búðardal. „Þetta leiddi til hug­
myndarinnar um Strandstíginn,“
segir Sveinn Pálsson sveitarstjóri.
Útsýnispallur og bryggja
Við læknishúsið eru gamlar tröppur
og stígur niður í fjöruna. En það er
gott betur en endurnýjun á stígnum
og tröppunum við gamla læknishús­
ið sem á að framkvæma. Samkvæmt
greinargerð fyrir framkvæmdinni
skal koma fyrir útsýnispalli neð­
an við gamla læknishúsið. Útsýnis­
pallurinn er fyrsti áningarstaðurinn
sem byggður verður í fyrsta áfanga
Strandstígsins frá Leifsbúð að Laxá.
Í megindráttum er útsýnispallur­
inn byggður úr tveimur samskonar
einingum og stendur önnur þeirra
þrepi neðar. Efri einingin er nefnd­
ur pallur og sá neðri bryggja, hvor
um sig er um átján fermetrar. Frá
götunni er gengið eftir steinlögð­
um stíg niður að útsýnispallinum
sem á að standa neðarlega í brekk­
unni framan við gamla læknishúsið.
Í gerð stígsins skal nota náttúruhell­
ur sem finna má í grennd bæjarins
en slíkur steinn er nú þegar notaður
í vegghleðslur við stjórnsýsluhúsið
og Leifsbúð. Grjótið er sérstakt og
notkun þess á fleiri stöðum í bænum
dregur fram svæðisbundin einkenni.
Það er brúnleitt á lit og hefur fallega
slétta áferð. Handriði skal komið
fyrir við þrepin. Það skal byggja úr
skógarviði með náttúrulegri fúavörn
til dæmis lerki eða greni. Fjarlægja
skal börk og slípa niður allar hvass­
ar brúnir. Frá pallinum liggur stíg­
urinn áfram eftir brúninni uns kom­
ið er framan við gömlu hesthúsin en
þar er í framtíðinni gert ráð fyrir út­
sýnisstofu í stoðgrind hesthúsanna,
segir í greinargerð með Strand­
stígnum.
Stærsta einstaka verk-
efnið í umhverfismálum
Eins og að framan greinir er ljóst
að um heilmikla framkvæmd er að
ræða. Svavar Garðarsson sagðist í
samtali við Skessuhorn hafa mik­
ið að gera um þessar mundir en
hann ætli samt að fara í verkið í vor.
„Vonandi hjálpar þessi framkvæmd
til að stoppa ferðamennina af sem
fara hérna í gegn. Hérna eins og
víðar hefur vantað afþreyingu fyrir
ferðamenn,“ segir Svavar. Aðspurð­
ur segir hann að stígurinn frá gamla
læknishúsinu að Leifsbúð sé um það
bil hálfur kílómetri. Hann segir að
ekki sé gert ráð fyrir því að náttúru­
legu steinhleðslurnar verði í þeim
stíg og hafi reyndar ekki séð nein­
ar útfærslur á honum. Spursmálið sé
hvort slóð efst í fjöruborðinu neð­
an við bakkann verði látin duga eða
gerður stígur upp á bakkanum með­
fram götunni sem gert hefur verið
ráð fyrir gangstétt. Sveinn Pálsson
sveitarstjóri segir að Strandstígur­
inn sé væntanlega stærsta einstaka
verkefnið í umhverfismálum í Dala­
byggð í seinni tíð. Sveitarstjórn hafi
undanfarið lagt 1,5 milljón króna á
ári til sjálfboðavinnuverkefna sem
tengjast umhverfismálum. Þá var
myndarlega staðið að umhverfi
Leifsbúðar á sínum tíma og varið í
það mun hærri upphæðum.
þá
Dag ur í lífi...
Sóknarprests
Nafn: Aðalsteinn Þorvaldsson
Starfsheiti/fyrirtæki: Sókn­
arprestur Setbergsprestakalls,
Grundarfirði
Fjölskylduhagir/búseta: Giftur
Línu Hrönn Þorkelsdóttur, tákn­
málstúlki. Börnin eru Kristbjörg
Ásta (15 ára) og Guðrún Ósk (3
ára). Eyrarvegur 26.
Áhugamál: Útivist, hlaup, lestur
bóka, glamra á gítar og skotveiði.
Vinnudagurinn: Miðvikudagur­
inn 11. mars 2015
Klukkan hvað vaknaðirðu og
hvað var það fyrsta sem þú
gerðir? Fór seint á fætur, var í
Reykjavík daginn áður vegna út­
farar og kom seint heim vegna
þess að óveður hamlaði för meiri­
hluta dagsins. Ætli það fyrsta sem
ég gerði hafi ekki verið að kyssa
konuna mína góðan daginn, eins
og venjulega.
Hvað borðaðirðu í morgunmat?
Hrökkbrauð með osti og marmel­
aði, tók lýsið mitt og skolaði öllu
niður með nokkrum kaffibollum.
Hvenær fórstu til vinnu og
hvernig? Labbaði yfir götuna í
vinnuna rétt fyrir kl. 10.00.
Hvað varstu að gera klukkan
10? Undirbúa verkefnin eftir há­
degi og svara ýmsum erindum.
Hvað gerðirðu í hádeginu?
Borðaði hádegismat, hlustaði á
fréttir og spjallaði stuttlega við
konuna.
Hvað varstu að gera klukk-
an 14? Var með 8­9 ára á drekas­
kátafundi. Sungum og spiluðum,
spjölluðum og fórum í leiki. Rauk
á fund með góðu fólki eftir það.
Hvenær hættirðu og hvað
var það síðasta sem þú gerð-
ir í vinnunni? Kirkjuskóli var
kl. 16.20. Sungum og sprelluð­
um eins og alltaf í Kirkjuskólan­
um. Frágangi var lokið stuttu eft­
ir fimm.
Hvað var í kvöldmat og hver
eldaði? Snöggsteikt grænmeti og
steikt hrísgrjón sem ég eldaði.
Hvernig var kvöldið? Notalegt og
rólegt.
Hvað stendur uppúr eftir dag-
inn? Allt yndislega unga fólkið
sem ég eyddi deginum með.
Umhverfisverkefni í Búðardal sem
höfðar til ferðamanna og heimafólks
Svavar Garðarsson.
Grunnmynd af fyrsta áningarstaðnum
við Standstíginn, útsýnispalli,
tröppum og stíg niður í fjöruna við
gamla læknishúsið.